| e-texts navigator |
| Wylie |
436a1 མི་ཁྱབ་པ་མི་སྐྱེ་བའི་ཆོས་ལ་བཟོད་པར་ཐོབ་པར་གྱུར་ཏེ།དེ་དགའ་བ་དང་མཆོག་ཏུ་དགའ་བ་དེ་ཉིད་ཀྱིས་ཏ་ལ་བདུན་སྲིད་ཙམ་དུ་སྟེང་གི་བར་སྣང་ལ་མངོན་པར
436a2 འཕགས་པར་གྱུར་ཏོ།།དེ་ནས་བཅོམ་ལྡན་འདས་ཀྱིས་དེའི་ཚེ་འཛུམ་པ་མཛད་དོ།།འདི་ནི་སངས་རྒྱས་བཅོམ་ལྡན་འདས་རྣམས་གང་གི་ཚེ་འཛུམ་པ་མཛད་པའི་ཆོས་ཉིད་དེ།
436a3 དེ་ནས་བཅོམ་ལྡན་འདས་ཀྱི་ཞལ་གྱི་སྒོ་ནས་འོད་འཕྲོ་བ་ཁ་དོག་སྣ་ཚོགས།ཁ་དོག་དུ་མ་བྱུང་བ་འདི་ལྟ་སྟེ།སྔོན་པོ་དང་།སེར་པོ་དང་།དམར་པོ་དང་།དཀར་པོ་དང་།
436a4 ལེ་བ་རྒན་དང་།དངུལ་གྱི་ཁ་དོག་ལྟ་བུ་སྟེ།ཁ་དོག་དུ་མ་དེ་དག་གིས་འཇིག་རྟེན་གྱི་ཁམས་མཐའ་ཡས་མུ་མེད་པ་སྣང་བར་བྱས་ཏེ།ཚངས་པའི་འཇིག་རྟེན་གྱི་བར་དུ་མངོན
436a5 པར་བྱུང་ནས།ཟླ་བ་དང་ཉི་མ་རྣམས་ཀྱི་འོད་མོག་མོག་པོར་བྱས་ཏེ།སླར་ལོག་ནས་བཅོམ་ལྡན་འདས་ཀྱི་དབུའི་གཙུག་ཏུ་ནུབ་བོ།།དེ་ནས་ཚེ་དང་ལྡན་པ་ཀུན་དགའ་བོ་སྟན
436a6 ལས་ལངས་ཏེ།བླ་གྲོས་ཕྲག་པ་གཅིག་ཏུ་གཟར་ནས།པུས་མོ་གཡས་པའི་ལྷ་ང་ས་ལ་བཙུགས་ཏེ།བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས།
436a7 བཅོམ་ལྡན་འདས་ལ་ཚིགས་སུ་བཅད་པའི་དབྱངས་ཀྱིས་དོན་དེ་ཞུས་པ།ལྷ་སྡུག་བལྟར་འོས་གཟུགས་དང་མཚན་རྣམས་དང་།།དཔེ་བྱད་བཟང་པོ་རྣམས་ཀྱིས་རབ་མཛེས
iiif viewer powered by OpenSeadragon
