| e-texts navigator |
| Wylie |
429a1 ཡོངས་སུ་རྫོགས་པར་འགྱུར་རོ།།བཟོད་པ་དང་ངེས་པ་ནི་བྱང་ཆུབ་སེམས་དཔའ་རྣམས་ཀྱི་གོས་ཀྱི་རྒྱན་ཏེ།ཚངས་པའི་དབྱངས་ཀྱི་ང་རོ་དང་སྒྲ་སྐད་ལྟ་བུའི་ཚིག
429a2 ཏུ་འགྱུར་རོ།།དམ་བཅས་པ་བརྟན་ཞིང་སེམས་མི་ཞུམ་པ་ནི་བྱང་ཆུབ་སེམས་དཔའ་རྣམས་ཀྱི་གོས་ཀྱི་རྒྱན་ཏེ།བྱ་བ་ཐམས་ཅད་ཡོངས་སུ་རྫོགས་པར་འགྱུར་རོ།།བསམ
429a3 གཏན་དང་།རྣམ་པར་ཐར་པ་དང་།ཏིང་ངེ་འཛིན་དང་།སྙོམས་པར་འཇུག་པ་ཐོབ་པ་ནི་བྱང་ཆུབ་སེམས་དཔའ་རྣམས་ཀྱི་གོས་ཀྱི་རྒྱན་ཏེ།མངོན་པར་ཤེས་པ་ཆེན་པོའི
429a4 ཡེ་ཤེས་ཡོངས་སུ་རྫོགས་པར་འགྱུར་རོ།།ཚིག་རབ་ཏུ་དབྱེ་བ་ཤེས་པའི་ཤེས་རབ་ནི་བྱང་ཆུབ་སེམས་དཔའ་རྣམས་ཀྱི་གོས་ཀྱི་རྒྱན་ཏེ།བག་ལ་ཉལ་དང་ལྟ་བར་སྨྲ་བ་དང་།
429a5 ཀུན་ནས་ལྡང་བ་ཐམས་ཅད་རྣམ་པར་སེལ་བར་འགྱུར་རོ།།སྙིང་རྗེ་ཆེན་པོ་ནི་བྱང་ཆུབ་སེམས་དཔའ་རྣམས་ཀྱི་གོས་ཀྱི་རྒྱན་ཏེ།འཁོར་བ་ན་ཡོངས་སུ་མི་སྐྱོ་བར་འགྱུར་རོ།།
429a6 སེམས་ཅན་ཐམས་ཅད་ལ་ཞེ་འགྲས་པ་མེད་པའི་སེམས་ནི་བྱང་ཆུབ་སེམས་དཔའ་རྣམས་ཀྱི་གོས་ཀྱི་རྒྱན་ཏེ།བདག་དང་གཞན་གྱི་དོན་ལ་སྐྱོབ་མེད་པར་འགྱུར་རོ།།ཟང
429a7 ཟིང་མེད་པར་ཆོས་སྟོན་པ་ནི་བྱང་ཆུབ་སེམས་དཔའ་རྣམས་ཀྱི་གོས་ཀྱི་རྒྱན་ཏེ།ཤེས་རབ་ཀྱིས་བདག་དང་གཞན་སྒྲོལ་བར་འགྱུར་རོ།།ཆོས་སྒྲུབ་པ་ནི་བྱང་ཆུབ་སེམས་དཔའ
iiif viewer powered by OpenSeadragon
