| e-texts navigator |
| Wylie |
428b1 ངོ་ཚ་ཤེས་པ་དང་།ཁྲེལ་ཡོད་པའི་རྒྱུན་ནི་བྱང་ཆུབ་སེམས་དཔའ་རྣམས་ཀྱི་གོས་ཀྱི་རྒྱུན་ཏེ།སེམས་ཅན་ཐམས་ཅད་མངོན་དུ་འཛིན་པར་འགྱུར་རོ།།དམ་བཅས་པ་བརྟན་པ་ནི་བྱང
428b2 ཆུབ་སེམས་དཔའ་རྣམས་ཀྱི་གོས་ཀྱི་རྒྱུན་ཏེ།ཤེས་རབ་ཡོངས་སུ་རྫོགས་པར་འགྱུར་རོ།།བསམ་པ་ནི་བྱང་ཆུབ་སེམས་དཔའ་རྣམས་ཀྱི་གོས་ཀྱི་རྒྱུན་ཏེ།སྒྱུ་དང་གཡོ་སེལ་བར
428b3 འགྱུར་རོ།།སྦྱོར་བ་ནི་བྱང་ཆུབ་སེམས་དཔའ་རྣམས་ཀྱི་གོས་ཀྱི་རྒྱན་ཏེ།དགེ་བའི་ཆོས་ཐམས་ཅད་ཡོངས་སུ་རྫོགས་པར་འགྱུར་རོ།།ལྷག་པའི་བསམ་པ་ནི་བྱང་ཆུབ་སེམས་དཔའ
428b4 རྣམས་ཀྱི་གོས་ཀྱི་རྒྱན་ཏེ།ཐམས་ཅད་ལས་ཁྱད་པར་འགྲོ་བར་འགྱུར་རོ།།ང་རྒྱལ་མེད་པ་ནི་བྱང་ཆུབ་སེམས་དཔའ་རྣམས་ཀྱི་གོས་ཀྱི་རྒྱན་ཏེ།ཡེ་ཤེས་ཡོངས་སུ་རྫོགས་པར་འགྱུར
428b5 རོ།།ཆོས་དོན་དུ་གཉེར་བ་དང་།ཆོས་འདོད་པ་ནི་བྱང་ཆུབ་སེམས་དཔའ་རྣམས་ཀྱི་གོས་ཀྱི་རྒྱན་ཏེ།ཤེས་རབ་ཡོངས་སུ་རྫོགས་པར་འགྱུར་རོ།།སློབ་དཔོན་གྱི་དཔེ་མཁྱུད་མེད་པ
428b6 ནི་བྱང་ཆུབ་སེམས་དཔའ་རྣམས་ཀྱི་གོས་ཀྱི་རྒྱན་ཏེ།ཆགས་པ་མེད་པའི་ཡེ་ཤེས་ཡོངས་སུ་རྫོགས་པར་འགྱུར་རོ།།ནོར་ཐམས་ཅད་ཡོངས་སུ་གཏོང་བ་ནི་བྱང་ཆུབ་སེམས་དཔའ་རྣམས
428b7 ཀྱི་གོས་ཀྱི་རྒྱན་ཏེ།མཚན་དང་དཔེ་བྱད་བཟང་པོ་ཡོངས་སུ་རྫོགས་པར་འགྱུར་རོ།།ཚུལ་ཁྲིམས་ཡོངས་སུ་དག་པ་ནི་བྱང་ཆུབ་སེམས་དཔའ་རྣམས་ཀྱི་གོས་ཀྱི་རྒྱན་ཏེ།སྨོན་ལམ
iiif viewer powered by OpenSeadragon
