| e-texts navigator |
| Wylie |
427b1 བདག་ཉིད་ཆེན་པོའི་ཆོས་འདི་ལྟ་བུའི་ལན་འདེབས་པ་ནི་སངས་རྒྱས་བཅོམ་ལྡན་འདས་རྣམས་ངོ་མཚར་ཏོ་སྙམ་ནས།ངོ་མཚར་དུ་གྱུར་ཏེ།བཅོམ་ལྡན་འདས་ལ་རབ་ཏུ་ཕྱག་འཚལ
427b2 ལོ།།དེ་ནས་བཅོམ་ལྡན་འདས་ཀྱིས་ཁྱེའུ་དེ་ལ་འདི་སྐད་ཅེས་བཀའ་སྩལ་ཏོ།ཁྱེའུ་ཁྱོད་ཀྱི་ལས་ཀྱི་སྒྲིབ་པ་ཟད་ཀྱིས།སྔོན་གྱི་དགེ་བའི་རྩ་བ་དྲན་པར་གྱིས་ལ་སྐྱེ་བོའི་ཚོགས་ཆེན
427b3 པོ་ལའང་ཤེས་པར་གྱིས་ཏེ།རྫུ་འཕྲུལ་གྱི་ཆོ་འཕྲུལ་ཆེན་པོ་སྟོན་ཅིག།དེ་ནས་ཁྱེའུ་དེ་ས་ལས་མི་བདུན་སྲིད་ཙམ་དུ་འཕགས་ནས་ལུས་ལས་འོད་ཕྱུང་སྟེ།འོད་དེས་མཉན་ཡོད
427b4 ཐམས་ཅད་དང་།ཛམྦུའི་གླིང་ཐམས་ཅད་སྣང་བ་ཆེན་པོ་རྒྱས་པར་གྱུར་ཏོ།།འོད་དེས་བརྒྱ་བྱིན་དང་།ཚངས་པ་དང་།འཇིག་རྟེན་སྐྱོང་བ་དང་།དེ་མ་ཡིན་པ་ལྷ་བརྒྱ་སྟོང
427b5 མང་པོ་གཞན་དག་ལའང་ཡང་དག་པར་བསྐུལ་བར་གྱུར་ནས།སྐད་ཅིག་ཐང་ཅིག་ཡུད་ཙམ་དེ་ལ་བཅོམ་ལྡན་འདས་ག་ལ་བ་དེར་སོང་སྟེ།ལྷགས་ནས།བཅོམ་ལྡན་འདས་ཀྱི
427b6 ཞབས་ལ་མགོ་བོས་ཕྱག་འཚལ་ཏེ།ལྷའི་མེ་ཏོག་དག་གིས་བཅོམ་ལྡན་འདས་ལ་གཏོར་ནས།བཅོམ་ལྡན་འདས་ཀྱེ་མ་བྱང་ཆུབ་སེམས་དཔའ་འདི་ནི་སྣང་བ་བསམ་གྱིས་མི
427b7 ཁྱབ་པ་སྟེ།འདི་ལྟར་སངས་རྒྱས་ཀྱི་ཞིང་འོད་ཀྱིས་སྣང་བར་བགྱིས་ནས།སེམས་ཅན་དཔག་ཏུ་མ་མཆིས་པ་དག་གིས་དོན་བགྱིས་སོ་ཞེས་ཆེད་དུ་བརྗོད་པ་དེ་སྐད་ཆེད་དུ་བརྗོད་དེ།།
iiif viewer powered by OpenSeadragon
