| e-texts navigator |
| Wylie |
427a1 འདི་ལྟར་བདག་ཏུ་སྒྲོ་འདོགས་པས།།ཁྱོད་ནི་ལྷག་པའི་ང་རྒྱལ་ཆེ།།བཅོམ་ལྡན་འདས་ཀྱིས་བཀའ་སྩལ་པ།ང་ནི་བདག་ལ་མི་བསྟོད་དེ།།དེ་བཞིན
427a2 གཞན་ལ་བརྙས་མི་བྱེད།།དེ་བཞིན་ཉིད་ནི་རབ་ཏུ་སྟོན།།དེས་ན་དེ་བཞིན་གཤེགས་ཞེས་བྱ།།ཁྱེའུས་གསོལ་པ།བརྗོད་དུ་མ་མཆིས་དེ་བཞིན་ཉིད།།དེ་ན་དེ་ཉིད
427a3 མ་མཆིས་ན།།སྒྲ་སྐད་མ་མཆིས་སྒྲ་བཤད་པ།།མཁྱེན་བཞིན་ལོག་པར་བཀའ་མ་སྩལ།།བཅོམ་ལྡན་འདས་ཀྱིས་བཀའ་སྩལ་པ།།ཆོས་དེ་ཐམས་ཅང་ལོག་པ
427a4 སྟེ།།དེ་བཞིན་ཉིད་ལས་བྱུང་བ་ཡིན།།དེ་བཞིན་ཉིད་ནི་རྟོགས་པས་ན།།ང་ལ་སྐྱོན་མེད་ཡོན་ཏན་མེད།།ཁྱེའུས་གསོལ་པ།དེ་བཞིན་གཤེགས་པའི་མཐུ་ཡིས
427a5 ན།བདག་གི་སྤོབས་པ་འདི་སྐྱེས་ཏེ།།འདི་འདྲའི་ལན་དག་གང་གསོལ་པ།།རྫོགས་སངས་རྒྱས་ལ་བཟོད་པར་གསོལ།།དེ་ནས་བཅོམ་ལྡན་འདས་ཀྱིས་ཕྱག་གཡས་པ
427a6 གསེར་གྱི་ཁ་དོག་ཅན་ཆོ་ས་གོས་ཀྱི་ནང་ནས་ཕྱུང་སྟེ།ཁྱེའུ་དེ་ལོགས་སུ་བརྐྱང་བ་དང་།དེ་ནས་ཁྱེའུ་དེས་བཅོམ་ལྡན་འདས་ཀྱི་ཕྱག་གི་སྡོར་མོ་ལེ་བཟུང་སྟེ་ལངས་སོ།།དེ
427a7 ནས་བཅོམ་ལྡན་འདས་ཀྱིས་ཁྱེའུ་དེ་ཁང་སྟོང་ནས་བསྣམས་ཏེ།སྲང་དུ་བཞག་པ་དང་།དེ་ན་སྐྱེ་བོ་ཕལ་པོ་ཆེ་དག་འདི་ལྟར་ཁྱེའུ་འདི་འདི་ཁོ་ན་ལྟར་ཉོན་མོངས་པར་གྱུར་ཀྱང་།།
iiif viewer powered by OpenSeadragon
