| e-texts navigator |
| Wylie |
424b1 ནས་བཅོམ་ལྡན་འདས་ཀྱིས་ཀྱེ་མ་ཁྱེའུ་འདི་ནི་སྔོན་གྱི་སྦྱོར་བ་ཕུན་སུམ་ཚོགས་པ་སྟེ།ངའི་ལེགས་པར་བཤད་པའི་དོན་ཤེས་པར་ནུས་ཤིང་།སྐལ་བ་ཅན་ནོ་སྙམ་ནས།ཁྱེའུ
424b2 དེ་ལ་ཐུགས་བརྩེ་བ་དང་།སྐྱེ་བོ་ཕལ་པོ་ཆེ་དགེ་བ་ལ་གཟུང་པའི་ཕྱིར།ཁང་སྟོང་ག་ལ་བདེར་གཤེགས་སོ།།དེ་ནས་བཅོམ་ལྡན་འདས་དེར་གཤེགས་ནས་ཕྱོགས་གཅིག་ཏུ
424b3 བཞུགས་ཏེ།ཕྱོགས་གཅིག་ཏུ་བཞུགས་ནས།ཁྱེའུ་དེ་ལ་ཚིགས་སུ་བཅད་དེ་བཀའ་སྩལ་པ།།སྦྲུལ་དང་གནོད་སྦྱིན་རྒྱུ་བ་ཡིས།།དུར་ཁྲོད་འཇིགས་པ་ཚེ་འདི་ན།།བྱིས
424b4 པ་ཇི་ལྟར་མི་འཇིགས་ཤིང་།།ཁྱོད་དེ་གཅིག་པུ་འདི་ནི་འདུག།དེ་ནས་ཁྱེའུ་དེས་སངས་རྒྱས་ཀྱི་མཐུ་དང་།རང་གི་སྔོན་གྱི་དགེ་བའི་རྩ་བས།བཅོམ་ལྡན་འདས་ལ་སླར་ཚིགས
424b5 སུ་བཅད་དེ་གསོལ་པ།།བདག་མ་མཆིས་པའི་ཆོས་རྣམས་ལ།།ཐུབ་པའི་དབང་ཕྱུག་སུ་ཞིག་འཇིགས།།ཐམས་ཅད་མཁྱེན་པ་སྨྲ་བའི་མཆོག།ཇི་ལྟར་འདིར་མཆིས་ལས་གང
424b6 ལགས།།བདག་གཅིག་བདག་གིས་གང་མ་མཆིས།།བདག་ཀྱང་གང་གིའང་མ་ལགས་ཏེ།།བདག་ནི་སུའི་ལགས་དེ་མ་མཐོང་།།བདག་གི་སུ་ལགས་དེ་མ་མཐོང་།།
424b7 བཅོམ་ལྡན་འདས་ཀྱིས་བཀའ་སྩལ་པ།སྔོན་ཅད་སྡིག་པ་བྱས་པའི་ལས།།དེ་ཡི་རྣམ་སྨིན་འདི་འདྲ་སྟེ།།ཁང་པ་སྟོང་པ་འདིར་བོར་ནས།།སྡུག་བསྔལ་ཚོར་བ་མྱོང་བ་ཡིན།
iiif viewer powered by OpenSeadragon
