| e-texts navigator |
| Wylie |
423b1 ལྟ་ན་སྡུག་པ་དག་བཅས་སོ།།སེམས་ཅན་རྣམས་ལའང་འདོད་ཆགས་དང་།ཞེ་སྡང་དང་།གཏི་མུག་རྣམས་ཀྱིས་གནོད་པར་གྱུར་པ་མེད་དོ།།རབ་ཏུ་སྡང་བའི་སེམས་མེད
423b2 པར་ཕན་ཚུན་སྨྲ་སྟེ།དཔེར་ན་ཕ་འམ་མ་ཞིག་བུ་གཅིག་པ་ལ་སྨྲ་བ་བཞིན་ནོ།།སྲང་གི་གཡས་གཡོན་རྣམས་ཀྱང་ལེགས་པར་བརྒྱན་པར་གྱུར་ཏོ།།ནམ་མཁའ་ལ་གནས་པའི
423b3 ལྷའི་ཚོགས་ཐམས་ཅད་ཀྱིས་ཀྱང་མེ་ཏོག་སིལ་མ་དག་མངོན་པར་གཏོར་ཏོ།།སེམས་ཅན་སྡུག་བསྔལ་བར་གྱུར་པ་གང་ཡང་མེད་དོ།།སེམས་ཅན་གང་དག་ན་བར་གྱུར་པ་དེ་དག
423b4 ཀྱང་ནད་མེད་པར་གྱུར་ཏེ།བདེ་བ་ཐོབ་བོ།།བདེ་བར་གཤེགས་པ་གཤེགས་པ་ན་སེམས་ཅན་སོ་སོ་ནས་དེ་བཞིན་གཤེགས་པ་ནི་བདག་ཁོ་ན་ལ་གཟིགས་སོ་སྙམ་དུ་སེམས་སོ།།
423b5 སོ་སོ་ནས་བདག་ཉིད་བསོད་སྙོམས་འབུལ་ཞིང་།མིའི་འདྲེན་པ་ལ་བརྟེན་ནས་བདག་ཁོ་ན་བསོད་སྙོམས་ཀྱི་འབྲས་བུ་ལ་སྦྱོར་རོ་སྙམ་དུ་སེམས་ཏེ།དེ་གཤེགས་པ་ཙམ་ཡང་གཞལ
423b6 བར་སླ་བ་མ་ཡིན་ནོ།།དེ་ནས་བཅོམ་ལྡན་འདས་གྲོང་ཁྱེར་ཆེན་པོ་མཉན་ཡོད་དུ་མཐར་ཆགས་སུ་བསོད་སྙོམས་བཞེས་ཤིང་གཤེགས་ནས།བཅོམ་ལྡན་འདས་གྲོང་བར་གྱི་དབུས
423b7 ཞིག་ཏུ་གཤེགས་པ་དང་།དེའི་ཚེ་ཁང་སྟོང་ཞིག་ཏུ་ཁྱེའུ་གཟུགས་བཟང་བ།མཛེས་པ་ལྷ་ན་སྡུག་པ་ཞིག་བོར་བར་གྱུར་ཏེ།ལག་པ་གཡས་པའི་མཛུབ་མོ་ཁར་བཅུག་ནས།འཇིག
iiif viewer powered by OpenSeadragon
