| e-texts navigator |
| Wylie |
419b1 བཅོམ་ལྡན་འདས་སེམས་ཅན་གཞོན་ནུ་བྱེ་བ་སྟོང་ཕྲག་སུམ་ཅུ་བྱུང་བ་དེ་དག་གིས་དེ་བཞིན་གཤེགས་པའི་ཆོས་ཕྲ་བ་བསྟན་པ་རྟོགས་ནས་སེམས་ཅན་རྒན་པོ་རྣམས་ལ་སེམས་ཅན་རྒན་པོ
419b2 ཁྱེད་རྣམས་ནི་ཆོས་མི་ཤེས་པའོ།།རྟག་ཏུ་ཆོས་མ་ཡིན་པ་དང་།མི་དགེ་བ་ལ་ཆགས་པའོ་ཞེས་ཕྲ་མོ་རྣམས་མི་སྙན་པ་མཆི་ཞིང་ཡོངས་སུ་བརྗོད་ལ་གནོད་པ་བགྱིད་ན།བཅོམ
419b3 ལྡན་འདས་དེ་ཅིའི་སླད་དུ་ཚིག་སྙན་པ་ཡིད་དུ་འོང་བ་འདི་དག་སྨྲས།བཅོམ་ལྡན་འདས་ཀྱིས་བཀའ་སྩལ་པ།སྨན་གྱི་སྡེ་དེ་དག་ཅིའི་ཕྱིར་ཚིག་འདི་སྐད་སྨྲ་བ་མི་ཤེས་སམ།དེ་དག་ནི་དེ་བཞིན
419b4 གཤེགས་པ་ལ་འཇམ་ཞིང་ཤིན་ཏུ་སྙན་པ་སྨྲ་སྟེ།ཆོས་ཀྱང་ཐོས་པས་སྨན་གྱི་སྡེ་དེའི་ཕྱིར་དེ་དགེ་ཆོས་ཐམས་ཅད་ཀྱི་དོན་ཁོང་དུ་ཆུད་པར་འགྱུར།ཡོན་ཏན་ཐམས་ཅད་དང་ལྡན་པར་འགྱུར།།
419b5 དེ་དག་ཐམས་ཅད་གཟུངས་རྟོགས་པར་འགྱུར།དེང་ཕྱིན་ཆད་ས་བཅུ་ལ་གནས་པར་འགྱུར།དེང་ཆོས་ཀྱི་རྔ་ཆེན་པོའི་སྒྲ་འབྱིན་པར་འགྱུར།དེང་ཆོས་ཆེན་པོའི་རྣམ་པ་དང་ལྡན་པར
419b6 འགྱུར་རོ།།སྨན་གྱི་སྡེ་ཁང་པ་བརྩེགས་པ་འདི་དག་མཐོང་ངམ།གསོལ་པ།བཅོམ་ལྡན་འདས་མཐོང་ལགས་སོ།།བདེ་བར་གཤེགས་པ་མཐོང་ལགས་སོ།།བཅོམ་ལྡན
419b7 འདས་ཀྱིས་བཀའ་སྩལ་པ།སྨན་གྱི་སྡེ་དེང་ཉིད་སེམས་ཅན་གཞོན་ནུ་འདི་དག་ཁང་པ་བརྩེགས་པ་འདི་དག་གི་ནང་དུ་ཞུགས་ནས་ཆོས་མངོན་པར་རྟོགས་པ་འཐོབ་པར་འགྱུར་རོ།།དེང་ཉིད
iiif viewer powered by OpenSeadragon
