| e-texts navigator |
| Wylie |
413a1 སེམས་ཅན་གཞོན་ནུ་ལྔ་སྟོང་ཙམ་སྟན་ལས་ལངས་ནས་བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་དེ།བཅོམ་ལྡན་འདས་ལ་འདི་སྐད་ཅེས
413a2 གསོལ་ཏོ།།གང་ཕྱིར་མཐའ་ནི་མ་འཚལ་བ།།འཁོར་བ་ན་ནི་འཆི་བ་སྟེ།།ལུས་ནི་ཁུར་ལྕི་བཅོམ་ལྡན་འདས།།འཇིགས་པ་ཆེན་པོ་མི་བཟད་པ།།ལམ་ནི་རྣམ་པར་མ
413a3 འཚལ་ཏེ།།ལམ་ཉིད་ཀྱང་ནི་མི་གདའ་བས།།མགོན་པོ་བདག་ཅག་ལྗོངས་གྱུར་ན།།བདག་ཅག་རྣམས་ནི་བསྡུ་བར་གསོལ།།དཔའ་ལ་བདག་ཅག་གསོལ་བ་འཚལ།།
413a4 འདྲེན་པས་ཆོས་ནི་བཤད་དུ་གསོལ།།བདག་ཅག་ཤེས་རབ་ཆུང་ངུར་སྐྱེས།།བདེ་བ་མངོན་པར་མ་འཚལ་ཏོ།།བདག་ཅག་ལ་ནི་ཆོས་བཤད་གསོལ།།སྡུག་བསྔལ་མི
413a5 བཟད་གྲོལ་བར་མཛོད།།གང་དང་གང་དུ་སྐྱེས་པར་ཡང་།།བདག་ཅག་སངས་རྒྱས་མཐོང་གྱུར་ཅིག།དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སྨན་གྱི་སྡེ་སེམས
413a6 ཅན་གཞོན་ནུ་རྣམས་ག་ལ་བ་དེར་སོང་སྟེ་ཕྱིན་ནས་འདི་སྐད་ཅེས་སྨྲས་སོ།།ཁྱེད་ཅག་རྣམས་ནི་ཟས་ཟོ་ཞིག།མང་དུ་བྱུང་བའི་རོ་ཡང་འཐུང་།།འཇིགས་པ་མེད་པར་གྱུར
413a7 ནས་སུ།།ཕྱིས་གདོད་འཇིགས་མེད་ཆོས་ཉོན་ཅིག།སྨྲས་པ།བཙུན་པ་གནས་བརྟན་ཁྱོད་སུ་ཞིག།བདག་ཅག་རྣམས་ཀྱིས་ཁྱོད་མི་ཤེས།།ཁྱོད་ནི་རབ་ཏུ་མཛེས
iiif viewer powered by OpenSeadragon
