| e-texts navigator |
| Wylie |
353a1 ཏུ་དཔའ་བ་རིགས་ཀྱི་བུ་འམ་རིགས་ཀྱི་བུ་མོ་གང་ལ་ལ་ཐེག་པ་ཆེན་པོ་ལ་དད་པ་བསྐྱེད་པ་དེ་བསྐལ་པ་སྟོང་དུ་ལོག་པར་ལྟུང་བར་འགྲོ་བར་མི་འགྱུར།བསྐལ་པ
353a2 ལྔ་སྐྱོད་དུ་དུད་འགྲོར་སྐྱེ་བར་མི་འགྱུར།བསྐལ་པ་ཁྲི་ཉིས་སྐྱོང་དུ་བློ་ངན་པར་མི་འགྱུར།བསྐོལ་པ་ཁྲི་བརྒྱད་སྟོང་དུ་མཐའ་འཁོབ་ཏུ་སྐྱེ་བོའི་ནང་དུ་སྐྱེ་བར་མི་འགྱུར།།བསྐལ
353a3 པ་ཉི་ཁྲིད་རབ་ཏུ་སྦྱིན་པོ་ལ་དཔའ་བར་འགྱུར།བསྐལ་པ་ཉི་ཁྲི་ལྔ་སྟོང་དུ་ལྷའི་འཇིག་རྟེན་དུ་སྐྱེ་བར་འགྱུར།བསྐལ་པ་སུམ་ཁྲི་ལྔ་སྟོང་དུ་ཚངས་པར་སྤྱད་པ་སྤྱོད་པར་འགྱུར
353a4 རོ།།དེ་བསྐལ་པ་བཞི་ཁྲིར་ཁྱིམ་གྱི་གནས་ནས་འབྱུང་བར་འགྱུར།བསྐལ་པ་ལྔ་ཁྲིར་ཚོས་འཛིན་པར་འགྱུར།བསྐལ་པ་དྲུག་ཁྲི་ལྔ་སྟོང་དུ་འཆི་བ་རྗེས་སུ་དྲན་པ
353a5 སྒོམ་པར་འགྱུར་རོ།།ཀུན་ཏུ་དཔའ་བ་རིགས་ཀྱི་བུ་འམ།རིགས་ཀྱི་བུ་མོ་དེ་ལ་སྡིག་པའི་ལས་ཅུང་ཟད་ཀྱང་འབྱུང་བར་མི་འགྱུར་རོ།།དེ་ལ་བདུད་སྡིག་ཅན་གྱིས་གླགས
353a6 རྙེད་པར་མི་འགྱུར་རོ།།ནམ་དུའང་མའི་མངལ་དུ་སྐྱེ་བར་མི་འགྱུར་རོ།།ཀུན་ཏུ་དཔའ་བ་གང་ཆོས་ཀྱི་རྣམ་གྲངས་འདི་ཐོས་པ་དེ་དག་ནི་གང་དང་གང་དུ་སྐྱེའང་བསྐལ་པ
353a7 གྲངས་མེད་པ་དགུ་བཅུ་རྩ་ལྔར་ལོག་པར་ལྟུང་བར་འགྲོ་བོར་མི་འགྱུར་རོ།།བསྐལ་པ་བརྒྱད་ཁྲིར་ཐོས་པ་འཛིན་པར་འགྱུར།བསྐལ་པ་སྟོང་དུ་སྲོག་གཅོད་པ་སྤོང་བར་འགྱུར།།
iiif viewer powered by OpenSeadragon
