| e-texts navigator |
| Wylie |
341b1 བརྟན་པོར་འགྱུར་བ་ཡིན།།སངས་རྒྱས་རྣམས་ཀྱི་སྤྱོད་ཡུལ་གང་།།དེ་ཡང་དེ་ཡིས་འདིར་ཤེས་སོ།།བསྐལ་པ་བྱེ་བར་འབྱུང་འགྱུར་བའི།།སངས་རྒྱས་གང་དག་མ་བྱོན་དང་།།
341b2 མཚན་གང་གདུང་རུས་གང་ཡིན་པ།།ཐམས་ཅད་དེ་ཡིས་རབ་ཏུ་ཤེས།།དེ་དག་རྣམས་ཀྱི་ཚེ་ཚད་ཤེས།།ཉན་ཐོས་རྣམས་ཀྱང་རབ་ཏུ་ཤེས།།གང་དག་སྐྱོབ་པསོ་འཆང་འགྱུར
341b3 བ།དེ་དག་རྣམས་ཀྱི་མདོ་སྡེའང་ཤེས།།དེ་ཡི་སངས་རྒྱས་ཞིང་ཅི་འདྲ།།དེ་དག་གི་ནི་བཀོད་ཅི་འདྲ།།སངས་རྒྱས་མྱ་ངན་འདས་རྣམས་ཀྱི།།ཆོས་ཀྱི་ཇི་སྲིད་གནས་འགྱུར
341b4 བ།།ཏིང་ངེ་འཛིན་ལ་གནས་ནས་སུ།།དེ་དག་ཐམས་ཅད་དེ་ཡིས་ཤེས།།དེ་ལྟ་བས་ན་སུ་གང་ཞིག།མང་ཐོས་འདོད་པས་དེ་བསྟན་བྱ།།ཏིང་འཛིན་དེ་ནི་བསྟེན་པ་ཡིས།།
341b5 དེ་ཡི་དོན་ཀྱང་ཤེས་པར་འགྱུར།།སངས་རྒྱས་ཡེ་ཤེས་འཇུག་པ་ཡི།།སྒོ་དེ་ཡིན་ཞིང་བློ་གྲོས་བརྟན།།དེ་ལས་དོན་ནི་འབྱུང་བར་འགྱུར།།སངས་རྒྱས་ཡེ་ཤེས་འབྱུང་བར་འགྱུར།།
341b6 གང་གི་མཐའ་ནི་ཡོད་མིན་པའི།།བསོད་ནམས་དེ་ལས་ཐོབ་པར་འགྱུར།།དེ་ཚེ་སངས་རྒྱས་གང་འབྱུང་བ།།འཇིག་རྟེན་མགྲིན་པོ་མི་ཡེ་མཆོག།རྫོགས་པའི་སངས་རྒྱས་ཇི་སྙེད
341b7 པ།།དེ་སྙེད་དེ་ཡིས་རབ་ཏུ་ཤེས།།མི་གང་བྱང་ཆུབ་རབ་ཞུགས་ནས།།སངས་རྒྱས་རེ་རེ་རེ་རེའི་ཡང་།།ཉན་ཐོས་དག་ནི་དེ་སྙེད་པ།།དེ་དག་རྣམས་ལ་མཆོད་པ་བྱེད།།སངས
iiif viewer powered by OpenSeadragon
