| e-texts navigator |
| Wylie |
338b1 བའི་ཆོས་རྣམས་སྟེན་པར་བྱེད།།རང་གི་ཤེས་པས་རབ་ཏུ་བསྟན་པའི་ཕྱིར།།བྱང་ཆུབ་སེམས་དཔའ་གང་ཞིག་སྤོབས་འདོད་པས།།ཏིང་འཛིན་དེ་ནི་མྱུར་དུ་བསྒོམ་པར་བྱ།།དགེ
338b2 བའི་བཤེས་གཉེན་རྗེས་སུའང་འབྲང་བར་བྱ།།ཇི་ལྟར་བསྟན་པ་བཞིན་དུ་ཡོངས་སུ་སྤང་།།ཆོས་ནི་གང་ཡང་རྣམ་པར་སྤང་མི་བྱ།།ཆོས་གང་ཁོ་ན་ཐོབ་པར་འགྱུར་བ་ཡི།།དེ
338b3 ཉིད་ཕན་པའི་དོན་དུ་བསྟན་པར་བྱ།།བསམ་པ་ཐམས་ཅད་ཀྱིས་ནི་བསྒྲུབ་པར་བྱ།།དེ་ཡིས་གཡོ་ནི་ངེས་པར་བསྟན་མི་བྱ།།དགེ་བའི་བཤེས་གཉེན་རྟག་ཏུ་བསྟེན་པ་ཡིས།།
338b4 དོདེ་འདྲའི་ཆོས་དེ་དོན་དུ་གཉེར་བར་བྱ།།དེ་ཕྱིར་དགེ་བའི་བཤེས་གཉེན་བསྟེན་པོར་བྱ།།སྡིག་པའི་གྲོགས་པོ་ཡོངས་སུ་སྤོང་བར་བྱ།།དགེ་བའི་བཤེས་གཉེན་ལྔས་ནི་ཐོས་པ
338b5 འབྱུང་།།དེ་ལས་ཏིང་འཛིན་དེ་ཡང་མྱུར་དུ་འཐོབ།།བརྟན་པའི་བློ་གྲོས་གཞན་ཡང་ཆོས་བཞི་དང་ལྡན་པའི་དགེ་བའི་བཤེས་གཉེན་ནི་བསྟན་པར་བྱ་བ་ཡིན།བཞི་གང་ཞེ་ན།
338b6 གདམས་ངག་ཀྱང་རབ་ཏུ་ཤེས་པ་ཡིན།བསྒོམ་པའང་རབ་ཏུ་ཤེས་པ་ཡིན།གདམས་ངག་གི་སྐྱོན་ཡང་རབ་ཏུ་ཤེས་པ་ཡིན།བསྒོམ་པའི་སྐྱོན་ཡང་རབ་ཏུ་ཤེས་པ་ཡིན་ཏེ།།
338b7 བཞི་པོ་དེ་དག་གོ།དེ་ལ་འདི་སྐད་ཅེས་བྱ་སྟེ།གདམས་ངག་དང་ནི་དེ་བཞིན་བསྒོམ་པའང་ཤེས།།དེ་ལ་དེ་བཞིན་བསྒོམ་པའི་སྐྱོན་དང་ནི།།གདམས་ངག་སྐྱོན་ཡང་རབ་ཏུ
iiif viewer powered by OpenSeadragon
