| e-texts navigator |
| Wylie |
76a1 བྱམས་པ་ཆེན་པོ་དང་སྙིང་རྗེ་ཆེན་པོ་དྲང་ནི་ལྡན།སངས་རྒྱས་ཀྱི་སྤྱན་ཉམས་པ་མྱི་མངའ་བ་དང་ནི་ལྡན།སྤྱན་ལྔ་དང་ནི་ལྡན།རྒྱུ་འཕྲུལ་ཡང་བརྙེས་ཏེ།ཀུན་བརྗོད
76a2 པའི་ཆོ་འཕྲུལ་ནི་བརྙེས།རྗེས་སུ་བསྟན་པའི་ཆོ་འཕྲུལ་ནི་བརྙེས།རྫུ་འཕྲུལ་གྱི་ཆོ་འཕྲུལ་ནི་བརྙེས་སོ།།བཞེད་ན་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་གྲོང་ཁྱེར་དང་བཅས
76a3 པ།གྲོང་རྡལ་དང་བཅས་པ།ས་དང་བཅས་པ།རི་རབ་དང་བཅས་པ།རྒྱ་མཚོའི་མཐས་གཏུགས་པ།ལྷའི་གནས་དང་བཅས་པ།ཁོར་ཡུག་དང་འོབས་སུ་བཅས་པ།རྩཝ་དང་ཤིང་དང་རིར
76a4 བཅས་པ་འདི་ནམ་མཁའ་ལ་བསྐལ་པ་འམ།བསྐལ་པ་ལས་ལྷག་པར་སྐྲའི་རྩེ་མོའི་ཆ་ཤས་ཀྱིས་འཛིན་པར་མཛད་དོ།།ཡང་དེའི་ཚེ་རྒྱལ་པོའི་ཁབ་ཀྱི་གྲོང་ཁྱེར་ཆེན་པོ་ན་སྒྱུ་མ་མཁན་བཟང
76a5 པོ་ཞེས་བྱ་བ་བསྟན་བཅོས་ལ་ཤིན་ཏུ་མཁས་པ།གསང་སྔགས་ལ་ཤིན་ཏུ་མཁས་པ།བཟོ་དང་རིག་པ་ལ་མཁས་པ།ལས་ཀྱི་མཐའ་བྱས་ཟིན་པ།རབ་ཏུ་བྱེད་པ་བྱོས་པ།སྒྲ
76a6 གྲགས་པ།ཡུལ་མ་ག་དྷ་ན་སྒྱུ་མ་མཁན་གྱི་སློབ་མ་ཇི་སྙེད་པ་དེ་དག་གི་མཆོག་ཏུ་གྲགས་པ་ཕུལ་དུ་གྲགས་པ་ཞིག་གནས་ཏེ།དེས་ཡུལ་མུ་ག་དྷཱ་རྙིལ་གྱི་སྐྱེ་བོའི་ཚོགས་ཐམས
76a7 ཅད་འདུན་པར་བྱས་པ་རྨོངས་པོར་བྱས་མགོ་འཁོར་བར་བྱས་ནས་ཡ་མཚན་གྱི་ཆོས་ལ་བཀོད་དེ།བདེན་པ་མཐོང་བ་རྣམས་དང་དད་པ་དང་ཆོས་ཀྱི་རྗེས་སུ་འབྲང་བ་རྣམས་དང་དགེ
iiif viewer powered by OpenSeadragon
