| e-texts navigator |
| Wylie |
75b1 མངམ་ཡ་ཡམམ་ཐམ་མཚཆ་མ་མམས་མམམམསམ་ཐམ། ནམ་ཐས་མཐཿ་ཥས་མ་མ་མམལ་ཀས་ཨ་མས་མམ་ཡམམ་ལ
75b2 ཡང་ཐབས་གཅིག་གོ།།མི་མཛོད་ཀྱི་བདག་པོ་ཚངས་པ་དང་ཡང་ཐབས་གཅིག་གོ།།རྒྱལ་པོ་ཆེན་པོ་བཞི་དང་ཡང་ཐབས་གཅིག་གོ།།ལྷ་དང་ཀླུ་དང་གནོད་སྦྱིན་དང་ལྷ་མ་ཡིན་དང་ནམ་མཁའ་ལྡིང་དང
75b3 དྲི་ཟ་དང་མི་འམ་ཅི་དང་ལྟོ་འཕྱེ་ཆེན་པོ་དུ་མས་ཀྱང་ཡོངས་སུ་བསྐོར་ཏོ།།དེ་ནས་བཅོམ་ལྡན་འདས་ནི་རྒྱལ་པོའི་ཁབ་ཀྱི་གྲོང་ཁྱེར་ཆེན་པོ་ལ་བརྟེན་ཅིང་བཞུགས་ཏེ།རྒྱལ་པོ་དང་བློན་པོ་ཆེན་པོ
75b4 རྣམས་དང་བྲམ་ཟེ་དང་ཁྱིམ་བདག་དང་གྲོང་རྡལ་དང་ལྗོངས་ཀྱི་མི་རྣམས་ཀྱིས་ནི་གུས་པར་བྱས།བླ་མར་བྱས།བསྙེན་བཀུར་བྱས།མཆོད་པར་བྱས་སོ།།བཅོམ་ལྡན་འདས་ཀྱིས་ཆོས་གོས་དང་ཞལ
75b5 ཟས་དང་གཟིམས་ཆ་དང་གདན་དང་སྙུན་གསོས་དང་སྨན་ཟོང་ནི་བརྙས་བཅོམ་ལྡན་འདས་ཀྱི་གྲགས་པ་དང་སྙན་པ་དང་ཚིགས་སུ་བཅད་པ་རྒྱ་ཆེན་པོ་ནི་མངོན་པར་འཕགས་ཏེ།འདི་ལྟར་དེ་བཞིན
75b6 གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ་བདེ་བར་གཤེགས་པ་འཇིག་རྟེན་མཁྱེན་པོ།སྐྱེས་བུ་འདྲལ་བའི་ཁ་ལོ་བསྒྱུར་བ་བླ་ན་མེད་པ་ལྷ
75b7 དང་མི་རྣམས་ཀྱི་སྟོན་པ་སངས་རྒྱས་བཅོམ་ལྡན་འདས་དེ་ནི་ཐམས་ཅད་མཁྱེན་པ་ཐམས་ཅད་གཟིགས་པ་དང་ལྡན་པ་སྟེ།ཐམས་ཅད་ནི་མཁྱེན་ཐམས་ཅད་ནི་གཟིགས།དེ་བཞིན་གཤེགས
75b8 པའི་སྟོབས་བཅུ་དང་ནི་ལྡན།དེ་བཞིན་གཤེགས་པའི་མི་འཇིགས་པ་བཞི་དང་ནི་ལྡན།སོ་སོ་ཡང་དག་པར་རིག་པ་བཞི་དང་ནི་ལྡན།སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་དང་ནི་ལྡན།།
iiif viewer powered by OpenSeadragon
