| e-texts navigator |
| Wylie |
45b1 བཞི་པོ་དེ་དག་ནི་ཚུལ་ཁྲིམས་ཡོངས་སུ་དག་པའོ།།ཁྱིམ་བདག་གཞན་ཡང་ཚུལ་ཁྲིམས་ཡོངས་སུ་དག་པ་བཞི་སྟེ།བཞི་གང་ཞེ་ན།བདག་ལ་བདག་མེད་པར་འདུ་ཤེས་པས་བདག་ལ་མ
45b2 བསྟོད་པ་དང་།གཞན་ལ་མི་དམིགས་པས་གཞན་ལ་མི་སྨོད་པ་དང་།སེམས་ཤིན་ཏུ་སྦྱངས་པས་རློམ་སེམས་སུ་མེད་པ་དང་།ཆོས་ཐམས་ཅད་མཉམ་པ་ཉིད་པས་གཡོ་བ་མེད་པ་སྟེ།
45b3 བཞི་པོ་དེ་དག་ནི་ཚུལ་ཁྲིམས་ཡོངས་སུ་དག་པའོ།།ཁྱིམ་བདག་གཞན་ཡང་ཚུལ་ཁྲིམས་ཡོངས་སུ་དག་པ་བཞི་སྟེ།བཞི་གང་ཞེ་ན།སྟོང་པ་ཉིད་ལ་མོས་པ་དང་།མཚན་མ་མེད་པས
45b4 མི་སྐྲག་པ་དང་།སེམས་ཅན་ཐམས་ཅད་ལ་ཆེར་སྙིང་རྗེ་བ་དང་།བདག་མེད་པ་ལ་བཟོད་པ་སྟེ།བཞི་པོ་དེ་དག་ནི་ཚུལ་ཁྲིམས་ཡོངས་སུ་དག་པའོ།།ཁྱིམ་བདག་གཞན་ཡང་བྱང་ཆུབ
45b5 སེམས་དཔའ་རབ་ཏུ་བྱུང་བ་ཏིང་ངེ་འཛིན་ཡོངས་སུ་དག་པ་ཐོས་ན་དེ་ལ་སློབ་སྟེ།ཏིང་ངེ་འཛིན་ཡོངས་སུ་དག་པ་དེ་གང་ཞེ་ན།གང་ཆོས་ཐམས་ཅད་ལ་བརྩོན་པ་མེད་པ་དང་།ཆོས་ཐམས
45b6 ཅད་མཉམ་པ་ཉིད་པས་གཉིས་སུ་དབྱེར་མེད་པ་དང་།སེམས་ལས་སུ་རུང་བ་དང་།སེམས་རྩེ་གཅིག་པ་དང་།སེམས་ངེས་པར་འབྱུང་བ་དང་།སེམས་མི་འཕྲོ་བ་དང་།སེམས་ཀུན་ཏུ་མི
45b7 རྒྱུག་པ་དང་།སེམས་མི་གནས་པ་དང་།སེམས་ངེས་པར་སེམས་པར་བྱིན་གྱིས་རློབ་པ་དང་།སེམས་ལ་དབང་བསྒྱུར་བ་དང་།སེམས་འདོད་པའི་ཡོན་ཏན་རྣམས་ལ་མི་ཆགས་པ་དང་།སེམས
iiif viewer powered by OpenSeadragon
