| e-texts navigator |
| Wylie |
44b1 གྲོ་བྱ་བ་རྫོགས་པར་མི་འགྱུར་ན་ཆོས་ལ་རིམ་གྲོ་བྱ་བ་ལྟ་ཅི་སྨོས།ཁྱིམ་བདག་དད་པས་མཉན་ཅིང་བསྒོམ་པ་དང་།ཁ་དོན་ལ་འཇུག་པ་དེའི་སེམས་དང་སེམས་ལས་བྱུང་བའི་དགེ་བ་དང་ལྡན་པ
44b2 འམ།སངས་རྒྱས་དང་ལྡན་པ་འམ།ཆོས་དང་ལྡན་པ་འམ།དགེ་འདུན་དང་ལྡན་པ་འམ།སྐྱོ་ཞིང་འདོད་ཆགས་དང་བྲལ་བ་དང་ལྡན་པ་འམ།བྱང་བ་དང་དུལ་བ་དང་ཞི་བ་དང་ལྡན་པའི
44b3 འཇུག་པ་ཇི་སྙེད་པ་གལ་ཏེ་དེ་སྙེད་ཀྱི་བསྐལ་པར་སློབ་དཔོན་ལ་བསྙེན་བཀུར་བྱས་སུ་ཟིན་ཀྱང་།ཁྱིམ་བདག་ད་དུང་སློབ་དཔོན་ལ་སློབ་དཔོན་དུ་རི་མོ་བྱ་བ་རྫོགས་པ་མ་ཡིན་ནོ།།ཁྱིམ
44b4 བདག་རྣམ་གྲངས་འདིས་ཀྱང་ཇི་ལྟར་རྣམ་པར་སྨིན་པའི་ཆོས་ཚད་མེད་ཅིང་ཡེ་ཤེས་ཁོང་དུ་ཆུད་པས་ཚད་མེད་པ་དེ་ལྟར་རིག་པར་བྱའོ།།ཁྱིམ་བདག་དེ་ལྟ་བས་ན་རྣམ་པར་སྨིན་པའི་ཆོས་ཚད
44b5 མེད་པ་ཡེ་ཤེས་ཁོང་དུ་ཆུད་པ་ཚད་མེད་པ་དྲིས་པས་བདག་གི་སློབ་དཔོན་ཡང་ཚད་མེད་དོ་སྙམ་ནས་བྱང་ཆུབ་སེམས་དཔས་ཆོས་ལ་རི་མོ་ཚད་མེད་པ་བྱའོ།།ཁྱིམ་བདག་གཞན་ཡང་བྱང
44b6 ཆུབ་སེམས་དཔའ་རབ་ཏུ་བྱུང་བས་རབ་ཏུ་བྱུང་བའི་བསྒྲུབ་པ་ལ་གནས་པར་བྱའོ།།ཁྱིམ་བདག་ཇི་ལྟར་ན་བྱང་ཆུབ་སེམས་དཔའ་རབ་ཏུ་བྱུང་བླ་རབ་ཏུ་བྱུང་བའི་བསྒྲུབ་པ་ལ་གནས་པ་ཡིན་ཞེ་ན།ཁྱིམ་བདག
44b7 འདི་ལ་བྱང་ཆུབ་སེམས་དཔའ་རབ་ཏུ་བྱུང་བ་ཚུལ་ཁྲིམས་ཡོངས་སུ་དག་པ་ཐོས་ནས་དེ་སློབ་སྟེ་བཞི་པོ་འདི་དག་ནི་ཚུལ་ཁྲིམས་ཡོངས་སུ་དག་པའོ།།བཞི་གང་ཞེ་ན།འཕགས་པའི
iiif viewer powered by OpenSeadragon
