| e-texts navigator |
| Wylie |
43b1 སློབ་དཔོན་དང་མཁན་པོ་རྣམས་དང་།གནས་བརྟན་དང་།བར་མ་དང་།དགེ་སློང་གསར་བུ་རྣམས་ལ་ཞེ་ས་དང་བཅས་པར་བྱ།སྙོམས་ལས་མེད་པར་རང་གིས་བྱ་བ་དང་།གཞན་ལ
43b2 གདུང་བ་མེད་པར་བྱའོ།།དེས་བསྙེན་བཀུར་ལོ་གདུ་བར་མི་བྱའོ།།དེས་འདི་ལྟར་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལྷ་དང་བཅས་པའི་འཇིག་རྟེན
43b3 དང་།བདུད་དང་བཅོས་པ་དང་།ཚངས་པ་དང་བཅས་པ་དང་།དགེ་སློང་དང་བྲམ་ཟེའི་སྐྱེ་དགུ་དང་བཅས་པ་དང་།ལྷ་དང་མི་དང་ལྷ་མ་ཡིན་དུ་བཅས་པས་མཆོད་པ།སྦྱིན་གནས་སུ་གྱུར་པ་དེ
43b4 ཡང་སེམས་ཅན་ཐམས་ཅད་ལ་གང་ལས་ཀྱང་རིམ་གྲོ་བྱ་བར་བདག་གིར་མི་མཛད་ན།བདག་ཅག་མ་བསླབས་པ་སློབ་འདོད་པ་རྣམས་ལྟ་ཅི་སྨོས་ཏེ།བདག་གིས་ནི་སེམས་ཅན་ཐམས་ཅད་ལ
43b5 བསྙེན་བཀུར་བྱའི་གང་ལས་ཀྱང་བསྙེན་བཀུར་བྱ་བ་བདག་གིར་ནི་མི་བྱའོ་སྙམ་དུ་བརྟག་པར་བྱའོ།།དེ་ཅིའི་ཕྱིར་ཞེ་ན།ཁྱིམ་བདག་དགེ་སློང་བསྙེན་བཀུར་ལ་གདུ་བ་ནི་ཡོན་ཏན་གྱི་རྗེས་སུ
43b6 གཟུང་བ་ཆུད་དོ་གསོན་པ་ཡིན་ཏེ།དེས་གང་དག་སྡུད་པ་དེ་དག་ཀྱང་འདི་སྙམ་དུ་སེམས་ཏེ།བདག་ཅག་ནི་བསྙེན་བཀུར་གྱི་ཕྱིར་སྡུད་ཀྱི་ཆོས་ཀྱི་ཕྱིར་ནི་མ་ཡིན་ནོ་སྙམ་སྟེ།དེ་བདག་ཉིད
43b7 ཀྱི་དད་པ་ཆུད་གསོན་ནོ།།གང་དག་བསྙེན་བཀུར་བྱེད་པ་འཇིག་རྟེན་གྱི་ཟེང་ཟིང་དང་ལྡན་པ་དེ་དག་གི་ཡང་དོན་ཆེན་པོར་མི་འགྱུར་རོ།།འབྲས་བུ་ཆེན་པོར་མི་འགྱུར་རོ།།དེ་སློབ་དཔོན
iiif viewer powered by OpenSeadragon
