| e-texts navigator |
| Wylie |
43a1 མ་ངས་པ།ཚུལ་བཞིན་ཡིད་ལ་བྱེད་པ་ལ་བརྩོན་ཞིང་ཆོས་དང་ཆོས་ཀྱི་རྗེས་སུ་མཐུན་པ་བསྒྲུབ་པ་དེས་དགོན་པ་ལ་གནས་པར་བྱའོ།།ཁྱིམ་བདག་གཞན་ཡང
43a2 བྱང་ཆུབ་སེམས་དཔའ་རབ་ཏུ་བྱུང་བ་ནི་ཉོན་མོངས་པ་ཤས་ཆེ་ན་དེས་ཉོན་མོངས་པ་རྣམས་ཞི་བར་བྱ་བའི་ཕྱིར་འགྲོགས་པ་མེད་པར་དགོན་པ་ལ་གནས་པར་བྱ་སྟེ།དེས་ཉོན་མོངས་པ་ཚར་བཅད
43a3 པར་བྱའོ།།ཁྱིམ་བདག་གཞན་ཡང་བྱང་ཆུབ་སེམས་དཔའ་རབ་ཏུ་བྱུང་བ་ནི་མངོན་པར་ཤེས་པ་ལྔ་པོ་དག་ཐོབ་པ་ཡིན་ཏེ།དེས་ལྷ་དང་མི་དང་གནོད་སྦྱིན་དང་དྲི་ཟ་རྣམས་ཡོངས་སུ་སྨིན་པར་བྱ་བའི
43a4 ཕྱིར་དགོན་པ་ལ་གནས་པར་བྱའོ།།ཁྱིམ་བདག་གཞན་ཡང་བྱང་ཆུབ་སེམས་དཔའ་རབ་ཏུ་བྱུང་བས་སངས་རྒྱས་ཀྱིས་དགོན་པ་ལ་གནས་པར་བཀའ་སྩལ་པར་ཤེས་ནས་དགོན་པ་ལ
43a5 གནས་པར་བྱ་སྟེ།དེས་དགེ་བའི་ཆོས་ཐམས་ཅད་ཡོངས་སུ་རྫོགས་པར་བྱའོ།།དགེ་བའི་རྩ་བ་ཉེ་བར་བརྟན་ནས་ཕྱིས་གྲོང་དང་།གྲོང་ཁྱེར་དང་།གྲོང་རྡལ་དང་།ལྗོངས་དང་།
43a6 ཡུལ་འཁོར་དང་།ཕོ་བྲང་འཁོར་དག་ཏུ་ཞུགས་ཏེ་ཆོས་བསྟན་པར་བྱའོ།།ཁྱིམ་བདག་བྱང་ཆུབ་སེམས་དཔའ་རབ་ཏུ་བྱུང་བ་ཆོས་བཞི་པོ་དེ་དག་དང་ལྡན་ན།དགོན་པ་ལ
43a7 གནས་པར་གནང་ངོ་།།ཁྱིམ་བདག་གལ་ཏེ་བྱང་ཆུབ་སེམས་དཔའ་རབ་ཏུ་བྱུང་བ་ལ་ལུང་དང་ཁ་དོན་གདོན་པའི་ཕྱིར་ཚོགས་ཀྱི་ནང་དུ་འཇུག་ན་དེས་དེར་གུས་པ་དང་བཅས་པ་སྟེ།།
iiif viewer powered by OpenSeadragon
