| e-texts navigator |
| Wylie |
127b1 ཤེས་རབ་ཀྱི་ཕ་རོལ་ཏུ་ཕྱིན་པའི་འབྱུང་བ།ཤེས་རབ་ཀྱི་ཕ་རོལ་ཏུ་ཕྱིན་པའི་གནས་འདི་གཟུང་བ་དང་།གཞན་དག་ལ་རྒྱ་ཆེར་ཡང་དག་པར་རབ་ཏུ་སྟོན་པའི་རྔོ་མ་ཐོག་ལག་སོ།།བཅོམ་ལྡན་འདས
127b2 དུས་དེ་ནི་འཇིགས་པ་ཆེན་པོ་མྱ་ངན་ཆེན་པོ་མ་རུངས་པ་ཆེན་པོར་འགྱུར་ཏེ།སེམས་ཅན་ཆོས་ཀྱིས་ཕོངས་པར་འགྱུར་བ་ལས་དང་ལྡན་པ་ཕལ་ཆེར་འབྱུང་།ལོག་པར་ཆགས་ཤིང་བརྐམ་པ་ལོག
127b3 པའི་འདོད་ཆགས་ཀྱིས་ཆགས་པ།ཆོས་མ་ལགས་པ་ལ་འདོད་ཆགས་ཀྱིས་ཆགས་པ།ཕྲག་དོག་དང་འདོད་པས་ཡོངསུ་ཟིན་པའི་སེམས་དང་ལྡན་པ།ཁྲོ་བ་གཏུམ་པ་བརླང་པ་བཀའ་བློ་མི་བདེ་བ།
127b4 གཡོ་ཅན་མི་སྲུན་པ་རྒྱུན་ཅན་ཆོས་མ་ལགས་པ་སྤྱོད་པ།འཐབ་པ་དང་།རྩོད་པ་དང་།འཆིང་འདྲུ་བ་དང་།འབྲེག་པ་མང་བ།སྡོམ་པ་ལ་མི་གནས་པ།འདོད་པ་དང་བརྐམ་པའི་ཟིལ་གྱིས་ནོན་པ།
127b5 ལེལ་ལོ་ཅན་བརྩོན་འགྲུས་ཆུང་བ།དྲན་པ་ཉམས་པ།ཤེས་བཞིན་ཅན་མ་ལགས་པ།ཙམ་བུ་མུ་ཅོར་སྨྲ་བ།ཁ་བར་ཅན་སྡིག་པའི་ལས་ཁོང་དུ་སྦེད་ཅིང་འཆང་བ།འདོད་ཆགས་དང་ཞེ་སྡང།།
127b6 དང་གཏི་མུག་ཆེ་བ་མ་རིག་པའི་སྒོ་ངའི་སྦུབས་དང་།གཏི་མུག་གི་མུན་ནཱག་གིས་ཟིལ་གྱིས་ནོན་པ།བདུད་ཀྱི་ཕྱོགས་དང་འཐུན་པར་སྤྱོད་པ།ཆོས་འདུལ་བ་ཟབ་མོ་ཆོས་རིན་པོ་ཆེའི་མཛོད་འདི
127b7 ལ་ཕྱིར་རྒོལ་བ་འབྱུང་།མི་སླུ་བའི་ངང་ཚུལ་ཅན་འབྱུང་ལགས་མོད་ཀྱི།བཅོམ་ལྡན་འདས་བདག་ཅག་རྣམས་དེ་བཞིན་གཤེགས་པས་བསྐལ་པ་བྱེ་བ་ཁྲག་ཁྲིག་འབུམ་ཕྲག་མང་པོར
iiif viewer powered by OpenSeadragon
