| e-texts navigator |
| Wylie |
122a1 པ་བཞི་རྙེད་པར་གྱུར་པ་དེ་དག་ནི་མྱུར་དུ་ཚངས་པའི་འཇིག་རྟེན་དུ་སྐྱེ་བར་འགྱུར་བར་རིག་པར་བྱའོ།།རབ་ཀྱི་རྩལ་གྱིས་རྣམ་པར་གནོན་པ་དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པ་འདི
122a2 བྱང་ཆུབ་སེམས་དཔའ་གང་ལ་ཉེ་བར་འགྱུར་བ་དེ་མྱུར་དུ་ཆོས་ཀྱི་འཁོར་ལོ་བསྐོར་བར་འགྱུར་བར་རིག་པར་བྱའོ།།རབ་ཀྱི་རྩལ་གྱིས་རྣམ་པར་གནན་པ་འདི་ལྟ་སྟེ་དཔེར་ན་དབྱུར་གྱི་ཟླ་བ་ཉེ་བར་གནས
122a3 པ་ན་ས་ཆེན་པོ་འདི་སྤྲིན་ལ་བརྟེན་ནས་སྣུམ་པར་འགྱུར་ཞིང་ཆར་མཐར་གྱིས་བབ་པས་བངས་ནས་ཆུ་འབྱུང་སྟེ།གང་ཆུ་མིག་མང་པོ་བྱུང་བ་དེས་ས་ཆེན་པོའི་སྟེང་འདི་ཚིམ་པར་བྱེད།དེ་བཞིན
122a4 དུ་ས་ཆེན་པོའི་ཁོང་ཡང་བངས་པར་འགྱུར།སྟེང་འདི་ཆུས་ཡོག་ནས་གང་ལྗོངས་དང་ཐང་རྣམས་ཚིམ་པར་བྱེད།དེ་ལྟར་ས་ཆེན་པོ་འདིའི་ཐང་སྤྲིན་གྱིས་བངས་པར་བྱས་པས་རྩཝ་དང་།ཤིང
122a5 གལ་པ་དང་།སྨན་དང་།ནགས་ཚལ་རྣམས་ཀྱང་ངོམས་པར་འགྱུརརོ།།དེ་དགེ་ངོམས་པས་ཡལ་ག་དང་།འོ་མ་དང་།འདབ་མ་མང་པོ་སྐྱེ་བར་འགྱུར།མེ་ཏོག་དང་།འབྲས་བུ་མང་པོ་ཡང
122a6 ཆགས་པར་འགྱུར།།ངའི་ཚེ་ས་ཆེན་པོ་འདིས་ཡིད་དུ་འོང་བའི་དྲི་འབྱིན་ཏེ།དེའི་ཚེ་ས་ཆེན་པོ་འདི་མེ་ཏོག་དང་།འབྲས་བུ་དང་།ཆུ་མིག་དང་།མཚོའུ་དང་།ལྟེང་ཀ་དག་གིས་མཛེས་པར
122a7 བྱས་པར་འགྱུར།དེ་ན་མི་འམ་མི་མ་ཡིན་པ་རྣམས་མེ་ཏོག་དང་།འབྲས་བུ་དེ་དག་ལ་ཟ་ཞིང་དྲི་དེ་དག་ལ་ཡང་སྣོམ་པས་དགའ་བར་འགྱུརརོ།།རབ་ཀྱི་རྩལ་གྱིས་རྣམ་པར་གནོན་པ་དེ་བཞིན་དུ
iiif viewer powered by OpenSeadragon
