| e-texts navigator |
| Wylie |
39a1 ཡང་མེད་པར་གྱུར་ཏོ།།དེ་ནས་དེས་ནྱ་གྲོ་དྷའི་དྲུང་དུ་སོང་སྟེ་ནྱ་གྲོ་དྷ་ལ་གསོལ་བ་བཏབ་པ་དང་།དེ་ནས་ཁྱེད་བྱུང་ངོ་།།དེའི་ཕྱིར་ཁྱོད་ནྱ་གྲོ་དྷ་ཞེས་བཏག་སོ།།ཁྱོད་ཀྱང
39a2 བུ་མེད་ན་དེ་ཁོ་ན་ལྟར་གྱིས་ཤིག།དེ་ནས་བྲམ་ཟེ་ཤིང་ས་ལ་ཆེན་པོ་ལྟ་བུ་ནྱ་གྲོ་དྷ་ག་ལ་བ་དེར་སོང་སྟེ་ཕྱིན་ནས།ཤིང་ནྱ་གྲོ་དྷ་ལོ་དྲུང་དུ་ཆག་ཆ་གཽ་དང་ལགས་པར་བྱེད་དུ་བཅུག་སྟེ།སྤོས་དང་།
39a3 མེ་ཏོག་དང་།བདུག་པས་བཀང་ནས།རྒྱལ་མཚན་དང་།བ་དན་བསྒྲེང་དུ་བཅུག་གོ།།དེ་ནས་བྲམ་ཟེ་བརྒྱད་བརྒྱ་ཟན་བྱིན་ཏེ།རས་ཡུག་ཚོན་བསྐོན་ནས།རྗེས་ལ་ཤིང་ལ་གནས་པའི་ལྷ་ལ
39a4 གསོལ་བ་བཏབ་པ།བདག་ལ་བུ་རྙེད་པར་སྤྲོ་བ་སྐྱེད་དུ་གསོལ།།གལ་ཏེ་བདག་ལ་བུ་མཆིས་ན།ལོ་གཅིག་བཞིན་འདི་འདྲ་བར་ཁྱོད་ལ་མཆོད་པ་དཔག་ཏུ་མེད་པ་བགྱིའོ།།གལ་ཏེ་མ་མཆིས་ན
39a5 ལྗོན་ཤིང་འདི་པུ་ཤེལ་རྩིའི་རྩ་བ་ཙམ་གྱི་བར་ལུས་པ་ཡང་གཤགས་ནས།དུམ་བུ་དུམ་བུར་བྱས་ལ་ཞོགས་མ་ཞོགས་མར་བཞོགས་ཏེ།རླུང་དང་ཉི་མ་གཉིས་ལ་བསྐམས་ནས་མེས་བསྲེག།
39a6 བསྲེག་ནས་ཐལ་བ་རླུང་ཆེན་པོ་ལ་ཕྱར་བ་འམ།ཆུ་ཀླུང་ཆེན་པོ་དྲུག་པོར་གཏོར་རོ།།ལྷ་དེ་ཡང་དབང་ཆུང་བ་ཡིན་པས།གསོལ་བ་བཏབ་པ་ན་ན།མགུ་བ་དང་།དགའ་བ་དང་།ཡིད་རབ་ཏུ་དགག
39a7 བ་དང་།སྟོབས་དང་ལྡན་པ་ཡིན་ལ།།བསྡིགས་པ་ན་ནི།བདག་གནས་ནས་བསྐྲད་པར་མི་འགྱུར་གྲང་ཞེས་འཇིགས་པར་གྱུར་ཏོ།།ལྷ་དེ་ཡང་རྒྱལ་པོ་ཆེན་པོ་བཞིས་ཀུན་ཏུ་ཟིན་པ་ཡིན་པས།
iiif viewer powered by OpenSeadragon
