| e-texts navigator |
| Wylie |
35a1 ལ་དྲན་པས་འདུལ་བ་སྦྱིན་ནོ།།མ་མྱོས་པས་འདུལ་བར་འོས་པ་ལ་མ་མྱོས་པས་འདུལ་བ་སྦྱིན་ནོ།།གང་ཚུལ་ཤིང་མང་པོ་སྦྱིན་པར་འོས་པ་ལ་ཚུལ་ཤིང་མང་པོ་སྦྱིན་ནོ།།དེའི
35a2 ངོབོ་ཉིད་ཚུལ་དུ་གཞུག་པར་འོས་པ་ལ་དེའི་ངོ་བོ་ཉིད་ཚོལ་བ་སྦྱིན་ནོ།།རྩཝ་བཀྲམ་པ་ལྟ་བུར་འོས་པ་ལ་རྩཝ་བཀྲོམ་པ་ལྟ་བུ་སྦྱིན་ནོ།།གང་ཁོས་བླང་བར་འོས་པ་ལ་ཁས་བླང་བར་བྱའོ།།རྩོད
35a3 པ་བྱུང་བར་གྱུར་པ་རྣམས་རྩོད་པ་ཞི་བའི་ཆོས་བདུན་པོ་འདི་དག་གིས་ཆོས་དང་།འདུལ་བ་དང་སྟོན་པའི་བསྟན་པ་ཇི་ལྟ་བ་བཞིན་དུ་དུལ་བར་བྱ།ཞི་བར་བྱ།རྣམ་པར་ཞི་བར་བྱའོ།།འཕགས
35a4 མ་དག་བདག་གིས།རྩོད་པ་ཞི་བར་བྱ་བའི་ཆོས་བདུན་པོ་དག་བཏོན་ཟིན་ཏོ།།དེ་ལ་བདག་གིས་འཕགས་མ་དག་ལ་ཅི་འདི་ལ་ཁྱེད་ཡོངསུ་དག་གམ་ཞེས་དྲིའོ།།ཅི་འདི་ལ་ཁྱེད་ཡོངསུ་དག
35a5 གམ་ཞེས་ལནྡ་གཉིས་ལན་གསུམ་དུ་དྲིའོ།།འདི་ལ་འཕགས་མ་དག་ཡོངསུ་དག་ན་འདི་ལྟར་ཅང་མི་སྨྲ་བས་དེ་དེ་བཞིན་དུ་འཛིན་ཏོ།།འཕགས་མ་དག་བདག་གིས་སོ་སོར་ཐར་པའི
35a6 མདོ་གདོན་པའི་གླེང་གཞི་བཏོན་ཟིན་ཏོ།།ཕམ་པར་འགྱུར་བའི་ཆོས་བརྒྱད་དང་།དགེ་འདུན་ལྷག་མའི་ཆོས་ཉི་ཤུ་དང་སྤང་བའི་ལྟུང་བྱེད་ཀྱིས་ཆོས་སུམ་ཅུ་རྩ་གསུམ་དང་།ལྟུང
35a7 བྱེད་ཀྱི་ཆོས་བརྒྱ་བརྒྱད་ཅུ་དང་སོ་སོར་བཤགས་པར་བྱ་བའི་ཆོས་ཅུ་གཅིག་དང་།བསླབ་པའི་ཆོས་མང་པོ་དང་།རྩོད་པ་ཞི་བར་བྱ་བའི་ཆོས་བདུན་པོ་དག་གཏོན་ཟིན་ཏོ།།བཅོམ
iiif viewer powered by OpenSeadragon
