| e-texts navigator |
| Wylie |
45b1 ཀ་བི་ལ་ཀེ་ཤི། ཏ་ཊི་ཙི་ཊ་ཙི་ཊ་མི་ཊ་ནི། ཀརྐ་ཊ་མུ་ཊི་བད་ཊི་བཛྲེ། མ་ཧཱ་བི་དྷུལ་ལོ་ལེ། པུ་གུ་པུ་ལུ། སུ་མུ་སུ་མུ། ས་ར་ས་ར། སྥ་ཊ་སྥ་ཊ། སུ་དྱོ་ཏེ། པིང་ག་ལེ་ཙི་ཊེ། བི་ཙ་ཊི། ཛྭ་ལ་པིང་ག་ལེ། སརྦ་དེ་བ་ག་ན། པྲ་ཧ་ར་ཎ་མཱ་ཡཱ། སིད་དྷྱ་དཱ
45b2 ཡི་གེ། སུ་རེ་ཀེ། ཀུ་རུ་ཀེ། བཛྲ་གྷོ་ཎེ། བཛྲ་ཌཱི་ཌྷ། སཱ་ར་པྲ་ཧ་ར་ཎེ། རད་ན་ཏྲ་ཡ། དི་ཀྲ་ལ་བུད་དྷེ་ཏེ། བཛྲ་དྷ་ར་བི་ཤྭ་ས་ནི་ཀ་། པྲ་ཏི་ཧ་ཏ་པྲ་མརྡ་ནི་སྭཱ་ཧཱ། གང་གསང་སྔགས་འདི་རྗེས་སུ་དྲན་ནས་ཀློག་གམ། སྒོམ་འམ། འཛིན་པ་དེ
45b3 ཐོས་ན་ངན་འགྲོ་ལོག་པར་ལྟུང་བར་འགྲོ་བར་མི་འགྱུར་རོ། །འཇིག་རྟེན་པ་དང་། འཇིག་རྟེན་ལས་འདས་པའི་དཀྱིལ་འཁོར་ཐམས་ཅད་ལ་མཆོད་པ་བྱས་པར་འགྱུར་རོ། །དམ་ཚིག་དང་ཕྱག་རྒྱ་ལ་ཞུགས་པར་འགྱུར་རོ། །བསམ་པ་དང་རྗེས་སུ་ཡི
45b4 རང་བས་འགུགས་པར་བྱེད་དོ། །དུག་དང་གསང་སྔགས་དང་། མདུད་པ་དང་། རྡེག་པ་དང་། འཆིང་བའི་འཇིགས་པ་ལ་སོགས་པས་རྣམ་པར་སྐྲག་པར་བྱེད་དོ། །དེ་ནས་ལྷ་དང་ལྷའི་བུ་དེ་དག་གིས་དེའི་མཐུས་བཅོམ་ལྡན་འདས་རྡོ་རྗེ་འཆང་དེའི་རྣམ
45b5 པར་རོལ་པ་དང་། བཅོམ་ལྡན་འདས་ཀྱིས་གསུངས་པ་རྣམ་པ་མང་པོ་དུ་མ་ཡང་མྱོང་ནས་སྟེང་གི་གནས་གཙང་མ་དང་། འོག་མིན་གྱི་ལྷ་དང་། འཇིག་རྟེན་གྱི་ཁམས་གཞན་ན་གནས་པ་དག་གིས་འོད་དང་ལྡན་པའི་མེ་ཏོག་དང་། བདུག་པའི
45b6 སྤྲིན་དང་། རིན་པོ་ཆེ་མང་པོའི་ཆར་རྒྱ་ཆེན་པོས་མཆོད་ནས་བསྟོད་པ་སྙན་པས་བསྟོད་དེ་སྙན་ཅིང་ཟབ་ལ་རྔ་སྒྲ་ལྟ་བུ་དང་། བསིལ་བ་དང་། བསོད་ནམས་ཀྱི་ཚིགས་སུ་བཅད་པ་དག་ཀྱང་སྨྲས་སོ། །བཅོམ་ལྡན་འདས་ཀྱིས་དེ་སྐད་ཅེས
45b7 བཀའ་སྩལ་ནས། དགེ་སློང་དེ་དག་དང་། བྱང་ཆུབ་སེམས་དཔའ་དེ་དག་དང་ཐམས་ཅད་དང་ལྡན་པའི་འཁོར་དེ་དག་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །འཕགས་པ་རྡོ་རྗེ་མི་ཕམ་པ་མེ་ལྟར་རབ་ཏུ
45b8 རྨོངས་བྱེད་ཅེས་བྱ་བའི་གཟུངས། རྫོགས་སྷོ།། །།རྒྱ་གར་གྱི་མཁན་པོ་ཛི་ན་མི་ཏྲ་དང་། དཱ་ན་ཤཱི་ལ་དང་། ཞུ་ཆེན་གྱི་ལོ་ཙྪ་བ་བན་དེ་ཡེ་ཤེས་སྡེས་བསྒྱུར་ཅིང་ཞུས་ཏེ་སྐད་གསར་ཆད་ཀྱིས་ཀྱང་བཅོས་ནས་གཏན
iiif viewer powered by OpenSeadragon
