| e-texts navigator |
| Wylie |
43a1 དུ་སོང་ཡང་རུང་། འཚེ་བའི་དུས་སུ་ཡང་རུང་། དུར་ཁྲོད་དུ་སོང་ཡང་རུང་། བཙོན་རའི་ནང་དུ་སོང་ཡང་རུང་། འཇིགས་པ་ཐམས་ཅད་རབ་ཏུ་འཇིལ་བར་བྱེད་པའི་རྒྱལ་མོ་ལས་མ་འདའ་ཤིག་།ལྷ་དང་འཇིག་རྟེན་དང་བཅས་པ་དང་།
43a2 བདུད་སྡེ་དང་བཅས་པ་དང་། ཚངས་པར་བཅས་པས་ཀྱང་མི་འདའ་ན་འདྲེ་གདོན་ངན་པ་ལྟ་ཅི་སྨོས། ཕྱག་ན་རྡོ་རྗེ་གནོད་སྦྱིན་གྱི་བདག་པོའི་གཟུངས། རྫོགས་སྷོ།། །། @། །རྒྱ་གར་སྐད་དུ། ཨཱརྱ་བཛྲ་ཨ་ཛི་ཏི་ཨ་ན་ལ་པྲ་མོ་ཧ་ནཱི་ནཱ་མ
43a3 དྷཱ་ར་ཎཱི། བོད་སྐད་དུ། འཕགས་པ་རྡོ་རྗེ་མི་ཕམ་པ་མེ་ལྟར་རབ་ཏུ་རྨོངས་བྱེད་ཅེས་བྱ་བའི་གཟུངས། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན
43a4 འདས་རིན་པོ་ཆེའི་རྩེ་མོའི་ཁང་པ་བརྩེགས་པ་ཅན་གྱི་རི། གངས་རི་སུལ་གྱི་མཆོག་།རི་རབ་ཀྱི་སྨད་དང་རྐེད་ལྟར་གསེར་གྱི་རྡོ་སྣ་ཚོགས་ཀྱིས་གང་ཞིང་རེའུར་བྲེས་པ་འབར་བ། རིན་པོ་ཆེའི་རྡོ་དུ་མའི་འོད་སྣ་ཚོགས་འཇའ་ལྟ་བུ་བྱུང་བའི་རྡོ
43a5 ལེབ་ཡངས་པ། མེ་ཏོག་དྲི་ཞིམ་པོ་བཀྲམ་ཞིང་ཕྱེ་མ་དང་། བདུག་པ་དྲི་ཞིམ་པ་མང་པོས་ཕུག་གི་ནང་དང་ནགས་བསྒོས་པ། གདུགས་དང་། ཨ་ག་རུ་དང་། ཕྱེ་མ་དང་། དྲིལ་བུ་དང་། བླ་རེས་མཛེས་པར་བྱས་པའི་རི་བོ་མཆོག་ལ་བཞུགས་ཏེ།
43a6 དེ་ནས་བཅོམ་ལྡན་འདས་ལྷ་རྣམས་དང་། ལྷའི་བུ་རྣམས་དང་། ལྷ་མ་ཡིན་རྣམས་དང་། ལྷ་མ་ཡིན་གྱི་བུ་རྣམས་དང་། རླུང་ལྷ་རྣམས་དང་། ནམ་མཁའ་ལྡིང་རྣམས་དང་། ཀླུ་རྣམས་དང་། གནོད་སྦྱིན་རྣམས་དང་། མི་འམ་ཅི་རྣམས་དང་། སྲིན་པོ་རྣམས
43a7 དང་། དྲི་ཟ་རྣམས་དང་། རིག་སྔགས་འཆང་གྲུབ་པ་རྣམས་དང་། འབྱུང་པོ་རྣམས་དང་། ལོག་འདྲེན་རྣམས་དང་། ཤ་ཟ་རྣམས་དང་། སྣང་བ་དང་མི་སྣང་བའི་མ་མོའི་ཚོགས་ཁྱབ་པར་བྱེད་པ་རྒྱ་ཆེན་པོ་དག་གིས་དཔག་ཚད་ལྔ་བརྒྱར་འཁོར
43a8 གྱི་དཀྱིལ་འཁོར་དུ་གྱུར་པར་འདུས་ཏེ། དེ་ན་གནས་པའི་བྱང་ཆུབ་སེམས་དཔའ་བདུན་ཁྲི་ལྔ་སྟོང་དང་། དགེ་སློང་ཁྲི་ཉི་སྟོང་ལྔ་བརྒྱ་དང་ཐབས་གཅིག་གོ། བཅོམ་ལྡན་འདས་ནི་ཆོས་སྟོན་ཏེ། གནས་པར་བདེ་བ། མཉན་ན་བདེ་བ། འཁོར
iiif viewer powered by OpenSeadragon
