| e-texts navigator |
| Wylie |
223b1 པ་ལྟར་ཀུན་དགའ་བོ་ལ་རེག་པ་ཡང་དེ་དང་འདྲའོ། །ཀུན་དགའ་བོ་མ་འཇིགས་ཤིག་།བདག་ཅག་གིས་ཁྱོད་ཁྲིའི་སྟེང་དུ་བཞག་སྟེ། དེ་བཞིན་གཤེགས་པའི་དྲུང་དུ་བཀུར་རོ། །བཅོམ་ལྡན་འདས་དེ་ཁྱོད་ལ་ཡོངས་སུ་སྐྱོབ་པ་མཛད་པར་འགྱུར་རོ། །
223b2 དེ་ནས་ཚེ་དང་ལྡན་པ་ཤཱ་རིའི་བུ་དང་། ཚེ་དང་ལྡན་པ་མཽད་གལ་གྱི་བུ་ཆེན་པོས་ཚེ་དང་ལྡན་པ་ཀུན་དགའ་བོ་ཉལ་ཁྲིའི་སྟེང་དུ་བཞགས་ནས། བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་དྲུང་དུ་བཞག་གོ། དེ་ནས་བཅོམ་ལྡན་འདས་ཀྱིས
223b3 ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་ཁྱོད་ཅི་སྡུག་བསྔལ་མི་བཟད་པ་དྲག་པ་ཚ་བའི་ཚོར་བས་ཐེབས་སམ། བཙུན་པ་བཅོམ་ལྡན་འདས་དེ་ལྟ་ལགས་སོ། །ཀུན་དགའ་བོ་ཁྱོད་དེའི་ཕྱིར་ལེགས་པར་རབ་ཏུ་ཉོན་ལ་ཡིད་ལ་ཟུང་ཤིག་དང
223b4 བཤད་དོ། །ཀུན་དགའ་བོ་ཁྱོད་ལ་རེག་པའི་རོ་ལངས་ཆེན་པོ་སྟོབས་ཆེ་བ། གདུལ་དཀའ་བ། མཐོང་ན་གནོད་པ་བདུན་ཡོད་དེ། བདུན་གང་ཞེ་ན། འདི་ལྟ་སྟེ། ཕྲེང་བ་འཛིན་ཅེས་བྱ་བ་དང་། ནོར་བུ་འཛིན་དང་། གཏུམ་པོ་དང་། གདོལ་པ་དང་། རྨ་བྱའི་སྙིང་དང་། ཚེ་ཟད
223b5 དང་། ལ་བ་ཅན་ཏེ། རོ་ལངས་ཆེན་པོ་བདུན་པོ་དེ་དག་ནི་སྟོབས་ཆེ་བ། གདུལ་དཀའ་བ། བསྙེན་པར་དཀའ་བ། རྫུ་འཕྲུལ་ཆེ་བ། མཐུ་ཆེ་བའོ། །ཀུན་དགའ་བོ་རོ་ལངས་རེ་རེས་ཀྱང་འདོད་ན་རྐང་པ་གཡོན་པའི་མཐེ་བོས་རིའི་རྒྱལ་པོ་རི་རབ་ཀྱང་འཕེན་ཏོ། །
223b6 རིའི་རྒྱལ་པོ་རི་རབ་ཡུངས་འབྲུ་ཙམ་དུ་རྣམ་པར་འཇིག་གོ། སྟེང་དུ་བལྟས་ནས་འགེས་པར་བྱེད་དོ། །ཕྱོགས་སུ་བལྟས་ན་འཆི་བར་འགྱུར་རོ། །ཕྱོགས་མཚམས་སུ་བལྟས་ན་མེས་སྲེག་པར་བྱེད་དོ། །དེ་དག་གིས་ཁྱོད་ལ་རེག་གོ། དེ་ལྟ་མོད་ཀྱི་དེ་བཞིན
223b7 གཤེགས་པའི་མཐུ་དང་། ཆོས་ཐོས་པའི་གུས་པ་དང་། དེ་བཞིན་གཤེགས་པའི་བྱིན་གྱི་བརླབས་ཀྱིས་ད་དུང་དུ་ཁྱོད་ཀྱི་ལུས་འཚོ་བ་ཡིན་ནོ། །བཅོམ་ལྡན་འདས་ལེགས་པར་བསལ་དུ་གསོལ། ཕྱིར་བཟློག་ཏུ་གསོལ། ཕྱག་རྒྱ་བཅིང་དུ་གསོལ།
223b8 སྐུད་པས་བཅིང་དུ་གསོལ། ཀུན་དགའ་བོ་དེའི་ཕྱིར་ལེགས་པར་རབ་ཏུ་ཉོན་ལ་ཡིད་ལ་ཟུང་ཤིག་དང་བསྟན་པར་བྱའོ། །ཏདྱ་ཐཱ། ཧ་ར། མ་ཧཱ་གཱ་རེ། གྷ་ས་ར་བ་ཏི། དྷ་ར་དྷ་རི། དྷ་ར་ཎི། ཚོ་ར་ཚོ་ར། ཎི་ཀ་རོ་ཏི་ཏི། ཀོད་ཏ་ས་མཱ་དྷི་ནི། ས་མ་ར་ས་ར་ཎི།
iiif viewer powered by OpenSeadragon
