| e-texts navigator |
| Wylie |
223a1 @#། །རྒྱ་གར་སྐད་དུ། ཨཱརྱ་སབ་ཏ་བེ་ཏཱ་ཌ་ཀ་ནཱ་མ་དྷཱ་ར་ཎྀ། བོད་སྐད་དུ། འཕགས་པ་རོ་ལངས་བདུན་པ་ཞེས་བྱ་བའི་གཟུངས། སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ
223a2 དུས་གཅིག་ན། བཅོམ་ལྡན་འདས་རྒྱལ་པོའི་ཁབ་ན་བྱ་རྒོད་ཀྱི་ཕུང་པོའི་རི་ལ་དགེ་སློང་སྟོང་ཉིས་བརྒྱ་ལྔ་བཅུའི་དགེ་སློང་གི་དགེ་འདུན་ཆེན་པོ་དང་ཐབས་གཅིག་ཏུ་བཞུགས་ཏེ། ཕྱི་བཞིན་འབྲང་བའི་དགེ་སྦྱོང་ཚེ་དང་ལྡན་པ་ཀུན་དགའ་བོ་དང་ཡང་ཐབས
223a3 གཅིག་གོ། །དེའི་ཚེ་ན་མུ་སྟེགས་ཅན་ཀུན་ཏུ་རྒྱུ་བ་རྣམས་ཀྱིས་བཅོམ་ལྡན་འདས་ལ་གནོད་པ་བྱ་བའི་ཕྱིར། རོ་ལངས་ཆེན་པོ་བདུན་བཏང་བར་གྱུར་ཏོ། །དེ་དག་བཅོམ་ལྡན་འདས་ཀྱི་ཐད་དུ་སོང་བ་ལས་དེ་དག་གིས་གླགས་མ་རྙེད། དམིགས་པ་མ་རྙེད
223a4 དོ། །དེ་དག་གིས་གླགས་མ་རྙེད། དམིགས་པ་མ་རྙེད་ནས་དེ་དག་ཚེ་དང་ལྡན་པ་ཀུན་དགའ་བོ་ག་ལ་བ་དེར་སོང་སྟེ་ཕྱིན་ནས། ཚེ་དང་ལྡན་པ་ཀུན་དགའ་བོའི་ལུས་ལ་རེག་གོ། རེག་མ་ཐག་ཏུ་ཀུན་དགའ་བོ་དེ་སྡུག་བསྔལ་མི་བཟད་པ། དྲག་པ་ཚ་བ། ཤི་ལ་ཐུག
223a5 པའི་ཚོར་བ་རྣམས་དང་ལྡན་པར་གྱུར་ཏོ། །དེ་ནས་ཚེ་དང་ལྡན་པ་ཀུན་དགའ་བོ་འདི་སྙམ་དུ་སེམས་ཏེ། བདག་ནི་སྡུག་བསྔལ་མི་བཟད་པ། དྲག་པ་ཚ་བ། ཤི་ལ་ཐུག་པའི་ཚོར་བ་རྣམས་དང་ལྡན་ན་བཅོམ་ལྡན་འདས་དེས་མ་དགོངས་སོ། །བདག་འདི་ལྟར་ཉམ་ང་བར་གྱུར་ན
223a6 དེ་བཞིན་གཤེགས་པས་མ་དགོངས་སོ་སྙམ་མོ། །དེའི་ཚེ་ན་ཚེ་དང་ལྡན་པ་ཤཱ་རིའི་བུ་དང་། ཚེ་དང་ལྡན་པ་མཽད་གལ་གྱི་བུ་ཆེན་པོ་ཚེ་དང་ལྡན་པ་ཀུན་དགའ་བོ་དང་ཐག་མི་རིང་བ་ཞིག་ན་འདུག་པར་གྱུར་ཏོ། །ཚེ་དང་ལྡན་པ་ཀུན་དགའ་བོའི་ཉེ་བའི་ཉོན་མོངས་པ་དེ་ལྟ་བུ་དེ་ཚེ་དང
223a7 ལྡན་པ་ཤཱ་རིའི་བུ་དང་། ཚེ་དང་ལྡན་པ་མཽད་གལ་གྱི་བུ་ཆེན་པོས་ཐོས་སོ། །དེ་ནས་དེ་གཉིས་ཚེ་དང་ལྡན་པ་ཀུན་དགའ་བོ་ག་ལ་བ་དེར་སོང་སྟེ་ཕྱིན་ནས་འདི་སྐད་ཅེས་སྨྲས་སོ། །ཚེ་དང་ལྡན་པ་ཀུན་དགའ་བོ་སྡུག་བསྔལ་མི་བཟད་པ་དྲག་པ་ཚ་བའི་ཚོར་བ་མྱོང་ནས་བདག
223a8 ལ་དེ་བཞིན་གཤེགས་པས་མ་དགོངས་སོ་ཞེས་ཅི་དེ་སྐད་སྨྲ་འམ། དེ་སྐད་ཅེས་སྨྲས་པ་དང་། ཚེ་དང་ལྡན་པ་ཀུན་དགའ་བོས་དེ་དག་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་དག་བདག་གི་ལུས་ལ་ཚོར་བ་དང་ལྡན་པ་ནི་དཔེར་ན་སོག་ལེས་མགོ་བོ་གཤགས
iiif viewer powered by OpenSeadragon
