| e-texts navigator |
| Wylie |
220b1 སྔགས་འདི་ལན་ཉི་ཤུ་རྩ་གཅིག་ཏུ་བཟླས་ཏེ། དཀོན་མཆོག་གསུམ་ལ་དབུལ་བར་བྱའོ། །དེ་ནས་རིགས་ཀྱི་བུ་ཕོ་དང་རིགས་ཀྱི་བུ་མོ་དེས་ཕུལ་བའི་ཞལ་ཟས་དེ་ལྷ་རྫས་ཀྱི་ཞལ་ཟས་སུ་གྱུར་ཏེ། ཕྱོགས་བཅུའི་འཇིག་རྟེན་གྱི་ཁམས་ན་སངས་རྒྱས་དང་། ཆོས་དང་།
220b2 དགེ་འདུན་ལ་མཆོད་པ་བྱས་པར་འགྱུར་རོ། །དེས་ན་བསྟོད་པ་དང་། གསོལ་བ་གདབ་པ་དང་། རྗེས་སུ་ཡི་རང་བའི་བསོད་ནམས་དང་ལྡན་པར་འགྱུར་ཏེ། རྟག་ཏུ་སངས་རྒྱས་བཅོམ་ལྡན་འདས་ཀྱིས་བསྔགས་ཤིང་དགོངས་པར་འགྱུར་རོ། །ལྷ་མང་པོས་རྟག་ཏུ
220b3 སྲུང་ཞིང་སྐྱོབ་པ་དང་། སྦྱིན་པའི་ཕ་རོལ་ཏུ་ཕྱིན་པ་ཡང་ཡོངས་སུ་རྫོགས་པར་འགྱུར་རོ། །དགའ་བོ་ཁྱོད་ཀྱིས་འདིའི་རྗེས་སུ་ཆོས་བཞིན་ཡིད་ལ་བྱས་ཏེ། སེམས་ཅན་ཐམས་ཅད་ཀྱིས་མཐོང་ཞིང་ཐོས་པར་བྱ་བའི་ཕྱིར་ཡོངས་སུ་རྒྱས་པར་སྟོན་ཅིག་དང
220b4 བསོད་ནམས་ཚད་མེད་པ་ཐོབ་པར་འགྱུར་རོ། །ཡི་དགས་ཁ་ནས་མེ་འབར་བ་ལ་སྐྱབས་མཛད་པའི་གཟུངས། རྫོགས་སྷོ།། །། བོད་སྐད་དུ། འཇུར་འགེགས་ཞེས་བྱ་བའི་གཟུངས། སངས་རྒྱས་དང་བྱང་ཆུབ་སེམས་དཔའ་ཐམས
220b5 ཅད་ལ་ཕྱག་འཚལ་ལོ། །སེར་སྣ་ལས་ཆེར་ལྷག་པ། གཞན་གྱི་ལ་འཇུར་འགེགས་བྱས་པའི་ཉེས་པའི་འབྲས་བུ་འདི་ལྟ་སྟེ། འཕགས་པ་ཤཱ་རིའི་བུ་དང་། འཕགས་པ་མཽད་གལ་གྱི་བུ་གཉིས་བས་མཐའ་ཞིག་ན་སོ་སོར་རྟོག་པའི་ཤེས་རབ་ཡིད
220b6 ལ་བྱེད་ཅིང་ཡོད་པ་ལས། ཉི་མའི་གུང་ལ་གཉིས་པོས་ཁམས་སེང་དུ་མཆིས་པའི་ས་ན་ཡི་དགས་མོ་ལུས་སྔོ་ལ་སྐམ་པ། ཁོག་ཁོག་ཟེར་བ། སྐྲ་འཛིངས་པ། མིག་དམར་ལ་གཡོན་དུ་ཡོ་བ། མ་མཆུ་རིང་ལ་གཡས་སུ་ཡོ་བ། སྐེ་དང་རྐང་ལག
220b7 ཤིན་ཏུ་ཕྲ་ལ་རིང་བ། ལག་པ་ཁུ་ཚུར་བསྡམས་པའི་སེན་མོས་ཐད་ཀར་ཕུག་ནས་སེན་མོ་སྔོ་ཟང་ངེ་ཡོད་པ། ཁ་ནས་སྒྲ་རྣམ་པ་ལྔ་སྒྲོགས་པ་ནི་འདི་ལྟ་སྟེ། དགོས་ན་ཞེས་བྱ་བ་དང་། མེད་ན་ཞེས་བྱ་བ་དང་། མ་སྦྱིན་ཅིག
220b8 ཞེས་བྱ་བ་དང་། སྟེར་ན་ཡང་མ་ཆེ་ཆེས་པར་འོང་ངོ་ཞེས་བྱ་བ་དང་། དེ་ཙམ་ཆེས་ཀྱིས་ཕྲི་ལ་བྱིན་ཞེས་བྱ་བ་དང་ལྔ་བརྗོད་པ། སྐྱི་ཟིང་བྱེད་པ་ཅིག་དང་ཕྲད་པ་ལས། དེར་གང་ཟག་གཉིས་པོ་དེས་བསམས་པ། དགོན་པ་བས་གྲོང་ཡུལ
iiif viewer powered by OpenSeadragon
