| e-texts navigator |
| Wylie |
220a1 བདུན་བདུན་ཐོབ་པར་འགྱུར་རོ། །ཁ་ཟས་དེ་དག་ཡི་དགས་ཀྱིས་ཡིད་བཞིན་དུ་ཟ་བ་དང་། ཆོག་འདྲངས་པ་དང་། ཡི་དགས་ཀྱི་ཁམས་སྤོང་བ་དང་། མཐོ་རིས་ཀྱི་ལྷར་སྐྱེ་བར་འགྱུར་རོ། །དགའ་བོ་གལ་ཏེ་དགེ་སློང་ཕ་དང་། དགེ་སློང་མ་དང་། དགེ་བསྙེན་ནམ།
220a2 དགེ་བསྙེན་མ་གང་ཞིག་རྟག་ཏུ་གཟུངས་འདིས་ཁ་ཟས་ལ་བསྔགས་ཏེ་ཡི་དགས་ལ་སྦྱིན་པ་བྱིན་ན་བསོད་ནམས་ཚད་མེད་པ་སྙེད་ཡོངས་སུ་རྫོགས་པར་འགྱུར་ཞིང་། དེ་ནས་སངས་རྒྱས་བྱེ་བ་ཁྲག་ཁྲིག་བརྒྱ་སྟོང་སྙེད་ལ་མཆོད་པ་བྱས་པའི་བསོད་ནམས་དང་ཁྱེད་པར་མེད་དེ།
220a3 ཚེ་རིང་བ་དང་། བསོད་ནམས་དང་། མདངས་དང་། སྟོབས་སྐྱེ་ཞིང་འཕེལ་བ་དང་། དགེ་བའི་རྩ་བ་ཡོངས་སུ་རྫོགས་པ་དང་། མི་མ་ཡིན་པ་དང་། གནོད་སྦྱིན་དང་། སྲིན་པོ་དང་། ཡི་དགས་མ་རུངས་པ་ཐམས་ཅད་ཀྱིས་གཙེ་ཞིང་གནོད་པར་བྱེད་མི་ནུས་པ་དང་། གཞན་ལ་གཟི་བརྗིད་ཚད
220a4 མེད་པ་དང་ལྡན་པར་འགྱུར་རོ། །གལ་ཏེ་གང་ཞིག་བྲམ་ཟེ་དང་དྲང་སྲོང་ལ་སྦྱིན་པ་བྱེད་འདོད་ན་ཁ་ཟས་ཡོངས་སུ་དག་པ་སྣོད་གཅིག་གི་ནང་དུ་བཀང་སྟེ། གཟུངས་སྔགས་འདི་ལན་བདུན་བཟླས་ཏེ་འབབ་ཆུ་གཙང་མར་གཏོར་ན། དེ་ལྟར་བྱས་པས་ལྷ་རྫས་ཀྱི་ཞལ
220a5 ཟས་མཆོག་དམ་པར་འགྱུར་ཏེ། དེས་ན་བྲམ་ཟེ་དང་། དྲང་སྲོང་དེ་དག་ཀྱང་སྔགས་ཀྱིས་བཏབ་པའི་ཟས་ཐོབ་ནས། སྔགས་ཀྱི་བྱིན་གྱིས་སོ་སོ་ནས་སྔོན་ཆད་ཅི་དང་ཅི་ལ་དགའ་ཞིང་མོས་པའི་དགེ་བའི་རྩ་བའི་བསོད་ནམས་ཡོངས་སུ་འགྱུར་བས། སོ་སོ་ནས
220a6 འཐུན་པར་དུས་གཅིག་ཏུ་དེ་ལ་ཚེ་རིང་བ་དང་། མདངས་དང་སྟོབས་སུ་ལྡན་ཏེ་བདེ་སྐྱིད་པར་གྱུར་ཅིག་ཅེས་སྨོན་ལམ་འདེབས་སོ། །གཞན་ཡང་མི་དེ་སེམས་བསམ་པ་བཞིན་དུ་མཐོང་བ་དང་། ཐོས་པའི་སྒོ་ནས་ཡོངས་སུ་དག་ཅིང་། ཤེས་པ་མི་ནོར་བ
220a7 དག་ཚངས་པ་ལྷའི་སྤྱོད་པ་མཆོག་དང་ལྡན་ཞིང་ཡོངས་སུ་རྫོགས་པར་འགྱུར་རོ། །གཞན་ཡང་སངས་རྒྱས་བཅོམ་ལྡན་འདས་གང་གཱའི་ཀླུང་གི་བྱེ་མ་ཁྲག་ཁྲིག་བརྒྱ་སྟོང་སྙེད་ལ་མཆོད་པ་བྱས་པའི་བསོད་ནམས་དང་འདྲ་སྟེ། ཕས་ཀྱི་རྒོལ་བ་ཐམས་ཅད
220a8 ཀྱིས་གནོད་པ་བྱེད་མི་ནུས་པར་འགྱུར་རོ། །གལ་ཏེ་དགེ་སློང་ཕ་དང་། དགེ་སློང་མ་དང་། དགེ་བསྙེན་ནམ། དགེ་བསྙེན་མ་གང་ཞིག་སངས་རྒྱས་དང་། ཆོས་དང་། དགེ་འདུན་ལ་མཆོད་པ་བྱེད་པར་འདོད་ན། སྤོས་དང་། མེ་ཏོག་དང་། ཞལ་ཟས་དམ་པ་ལ་གཟུངས
iiif viewer powered by OpenSeadragon
