| e-texts navigator |
| Wylie |
219b1 རིང་བར་འདོད་དམ། བསོད་ནམས་ཆེ་ཞིང་འཕེལ་བ་དང་། སྦྱིན་པའི་ཕ་རོལ་ཏུ་ཕྱིན་པ་མྱུར་དུ་ཡོངས་སུ་རྫོགས་པར་འདོད་ན་ནི། རྟག་ཏུ་སྔ་དྲོའི་དུས་སམ། ཡང་ན་དུས་ཐམས་ཅད་དུ་བྱས་ཀྱང་བར་ཆད་དུ་འགྱུར་བ་མེད་དོ། །སྣོད་གཙང་མའི་ནང་དུ་ཆུ་གཙང
219b2 མ་བླུགས་ལ། ཆན་ནམ། ཕྱེ་འམ། མཁུར་བ་ལ་སོགས་པ་ཅུང་ཟད་ཅིག་བཏབ་སྟེ། ལག་པ་གཡས་པ་སྣོད་ཀྱི་སྟེང་དུ་བཞག་ལ། གཟུངས་འདི་ལན་བདུན་བསྔགས་ནས་དེ་བཞིན་གཤེགས་པ་བཞིའི་མཚན་ནས་བརྗོད་པར་བྱའོ། །དེ་བཞིན་གཤེགས་པ་རིན
219b3 ཆེན་མང་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་མང་གི་མཚན་ནས་བརྗོད་པའི་བྱིན་གྱི་བརླབས་ཀྱིས་ཡི་དགས་ཐམས་ཅད་ཀྱི་སྐྱེ་བ་མང་པོའི་སེར་སྣ་བྱས་པའི་མི་དགེ་བའི་ལས་བཅོམ་ཞིང་བསོད་ནམས་ཡོངས་སུ་རྫོགས་པར་འགྱུར་རོ། །
219b4 དེ་བཞིན་གཤེགས་པ་གཟུགས་དམ་པ་ལ་ཕྱག་འཚལ་ལོ། །དེ་བཞིན་གཤེགས་པ་གཟུགས་དམ་པའི་མཚན་ནས་བརྗོད་པའི་བྱིན་གྱི་བརླབས་ཀྱིས་ཡི་དགས་མང་པོ་བྱད་གཟུགས་མི་སྡུག་པ་བཅོམ་ཞིང་གཟུགས་དང་མཚན་ཕུན་སུམ་ཚོགས་པར་འགྱུར་རོ། །
219b5 དེ་བཞིན་གཤེགས་པ་སྐུ་འབྱམ་ཀླས་ལ་ཕྱག་འཚལ་ལོ། །དེ་བཞིན་གཤེགས་པ་སྐུ་འབྱམ་ཀླས་ཀྱི་མཚན་ནས་བརྗོད་པའི་བྱིན་གྱི་བརླབས་ཀྱིས་ཡི་དགས་མང་པོའི་སྐོམ་པ་སྤངས་ཤིང་ཚིམ་པར་འགྱུར་ཏེ། སྦྱིན་པའི་གནས་ཡིད་བཞིན་དུ་ཟ་བ་དང་ཆོག
219b6 ཅིང་འདྲངས་པར་འགྱུར་རོ། །དེ་བཞིན་གཤེགས་པ་འཇིགས་པ་དང་བྲལ་བ་ལ་ཕྱག་འཚལ་ལོ། །དེ་བཞིན་གཤེགས་པ་འཇིགས་པ་དང་བྲལ་བའི་མཚན་ནས་བརྗོད་པའི་བྱིན་གྱི་བརླབས་ཀྱིས་ཡི་དགས་མང་པོའི་འཇིགས་པ་ཐམས་ཅད་དང་བྲལ་ཏེ། ཡི་དགས
219b7 ཀྱི་ཁམས་ཞི་བར་འགྱུར་རོ། །བཅོམ་ལྡན་འདས་ཀྱིས་དགའ་བོ་ལ་བཀའ་སྩལ་པ། རིགས་ཀྱི་བུ་ལ་སོགས་པས་དེ་བཞིན་གཤེགས་པ་བཞིའི་མཚན་ནས་བརྗོད་དེ་བྱིན་གྱིས་བརླབས་པའི་འོག་ཏུ་སེ་གོལ་ལན་གསུམ་བྱས་ཏེ། གཏོར་མའི་སྣོད་བླངས
219b8 ནས་ལག་པ་བརྐྱང་སྟེ། ས་གཙང་མར་བླུག་པར་བྱའོ། །དེ་ལྟར་གཏོར་མ་སྦྱིན་པར་བྱས་ན་ཕྱོགས་བཞི་ནས་ལྷགས་པའི་ཡི་དགས་གང་གཱའི་ཀླུང་གི་བྱེ་མ་ཁྲག་ཁྲིག་བརྒྱ་སྟོང་སྙེད་སོ་སོ་ནས་ཡུལ་དབུས་འགྱུར་ཚལ་གྱི་བྲེ་ཚད་མས་བཅལ་བའི་བྲེ
iiif viewer powered by OpenSeadragon
