| e-texts navigator |
| Wylie |
214b1 སྦྱོར་དང་བརྒྱད་ཀྱིས་བཅོམ་ལྡན་འདས་ལ་གསོལ་པ། བདག་ཅག་གི་སྔ་མ་འདས་པའི་སངས་རྒྱས་བཅོམ་ལྡན་འདས་རྣམས་ལས་ཐོས་པའི་སྔགས་ཀྱི་སྙིང་པོ་བརྗོད་ཅིང་གསོལ་ན། བྱིན་གྱིས་བརླབ་ཏུ་གསོལ། ཨོཾ་ཨཱ་ཀ་ནི། ནི་ཀ་ནི། ཨཱ་བཱི་ལ། མན་དྷ་ལེ། མན་དྷ་ལེ་སྭཱ་ཧཱ།
214b2 བཅོམ་ལྡན་འདས་ཀྱི་བཀའ་དང་གསང་སྔགས་འདི་ལས་ལོག་པ་དང་། འདའ་བ་ཞིག་མཆིས་ན་མགོ་ཚལ་པ་བདུན་དུ་འགས་ཤིང་ལུས་ཀྱི་ཡན་ལག་ཚིག་པར་འགྱུར་རོ། །ཡང་ཐོགས་པ་མེད་པའི་བྱང་ཆུབ་སེམས་དཔས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཡི་གེ
214b3 འདི་ཇི་ལྟར་སྣང་བརྒྱད་ཅེས་བགྱི། བཅོམ་ལྡན་འདས་ཀྱིས་བཀའ་སྩལ་པ། སྣང་ཞེས་བྱ་བ་ནི་མངོན་པར་ཤེས་པ་ལ། བརྒྱད་ཅེས་བྱ་བ་ནི་བྱེ་བྲག་འབྱེད་པའོ། །ཐེག་པ་ཆེན་པོའི་མདོ་བྱ་བ་བྱེད་པའི་གཞུང་སྣང་ཞིང་ཤེས་ཏེ་རྣམ་པར་ཤེས་པའི་རྒྱུ་རྐྱེན་གཅིག་གིས་གཅིག
214b4 སྟོང་པས་ཡི་གེ་དང་ཆོས་སུ་ཡོད་དེ། མིང་སྣང་བརྒྱད་ཀྱི་ཡི་གེ་ཞེས་བྱའོ། །མིག་གཟུགས་རྣམ་པར་ཤེས་པ་ཡིན། རྣ་བ་སྒྲ་རྣམ་པར་ཤེས་པ་ཡིན། སྣ་དྲི་རྣམ་པར་ཤེས་པ་ཡིན། ལྕེ་རོ་རྣམ་པར་ཤེས་པ་ཡིན། ལུས་རེག་བྱ་རྣམ་པར་ཤེས་པ་ཡིན། ཡིད་བྱེ་བྲག་འབྱེད
214b5 པའི་རྣམ་པར་ཤེས་པ་ཡིན། སྔ་མ་དྲུག་ཤེས་ཤིང་འབྲེལ་པར་ཤེས་པ་ནི་ཐ་མི་དད་དེ་ཀུན་གཞི་རྣམ་པར་ཤེས་པ་དང་བརྒྱད་དོ། །རྣམ་པར་ཤེས་པ་བརྒྱད་ཀྱི་རྩ་བ་དང་། དངོས་པོ་སྟོང་ཞིང་ཞི་བ་ཡིན་ཏེ། དེར་དམིགས་ན་མིག་གི་རྣམ་པར་ཤེས་པ་ནི་སྣང་བའི་བྱང་ཆུབ་སེམས
214b6 དཔའོ། །རྣ་བའི་རྣམ་པར་ཤེས་པ་ནི་སྒྲ་གྲག་པའི་བྱང་ཆུབ་སེམས་དཔའོ། །སྣ་ནི་དྲི་སྣ་ཚོགས་འབྱེད་པའི་བྱང་ཆུབ་སེམས་དཔའོ། །ལྕེ་ནི་རོ་རྟོག་པའི་བྱང་ཆུབ་སེམས་དཔའོ། །ལུས་ནི་འཇམ་རྩུབ་འབྱེད་པའི་རྣམ་པར་སྣང་མཛད་དོ། །རྣམ་པར་སྣང་མཛད་ནི་མཆོག་།
214b7 གཙང་རྣམ་པར་སྣང་མཛད་དང་། མེ་ལོང་ལྟ་བུའི་རྣམ་པར་སྣང་མཛད་དང་། འོད་རྣམ་པར་སྣང་མཛད་དང་། ཡིད་མི་གཡོ་བར་ཡང་དག་པར་ཤེས་པའོ། །སེམས་ནི་རྣམ་པར་དམིགས་པའི་དབྱིངས་སོ། །ཀུན་གཞི་རྣམ་པར་ཤེས་པ་ཤེས་རབ་ཀྱི་ཐར་པ་ཆེན་པོ་སྟེ།
214b8 སངས་རྒྱས་ཀྱི་ཆོས་སོ། །མཚན་ནི་སྟོང་པའི་མཛོད་ཅེས་བྱའོ། །མི་ལ་ལ་ཞིག་ཁྱིམ་སར་པ་བརྩིག་གམ། ཁྱིམ་སར་པར་ཞུགས་ཏེ་བཀྲ་ཤིས་པར་འདོད་ན་སྣང་བརྒྱད་ལན་གསུམ་བཀླགས་ན་བཀྲ་ཤིས་པར་འགྱུར་རོ། །སྣང་བརྒྱད་ཡི་གེར་བྲིས་སམ།
iiif viewer powered by OpenSeadragon
