| e-texts navigator |
| Wylie |
214a1 མི་ནི་དར་ཞིང་བཀྲ་ཤིས་སོ། །དེའི་ཚེ་བཅོམ་ལྡན་འདས་ཀྱིས་ཚིགས་སུ་བཅད་པ་འདི་དག་གསུངས་སོ། །བཙའ་བའི་ཉི་མ་ཤིན་ཏུ་དགེ། བདུར་བའི་ཉི་མ་ཡོངས་སུ་བཟང་། །གསོན་གཤིན་ཆེད་དུ་འདི་བཀླགས་ན། །བསོད་ནམས་ཆེན་པོ་ཐོབ་པར
214a2 འགྱུར། །ཡི་གེ་འདི་བཀླགས་ཤིང་ཤིད་བྱས་ན་ལོ་སྟོང་གི་བར་དུ་ཕྱུག་བཙན་པར་འོང་ངོ་། །དེའི་ཚེ་སེམས་ཅན་ཕལ་མང་པོ་བདུན་ཁྲི་བདུན་སྟོང་སྙེད་སེམས་ནི་གྲོལ་ཡིད་ནི་བདེ་སྟེ། ཆོས་ཀྱི་མིག་རྡུལ་མེད་ཅེས་པ་ཐོབ་ཅིང་སྤྱད་ཅིང་། ཡང་བཅོམ་ལྡན
214a3 འདས་མི་གཉེན་བགྱིད་པ་སྔར་འཕྲོད་འཕྲོད་མི་འདྲ་ལ་ཕྱིས་ཉི་མ་བདམས་ཏེ་གདོད་གཉེན་བགྱིད་ན། གཉེན་བགྱིས་པའི་འོག་ཏུ་ཕྱུག་ཅིང་བཙན་པ་ནི་ཉུང་། དབུལ་ཞིང་ཕོངས་པ་ནི་མང་། ལོག་པར་ལྟ་བར་ནི་མཚུངས་པ། ཅིའི་ཕྱིར་ན་ཐ་དད་པར་མཆིས། བཅོམ
214a4 ལྡན་འདས་ཕལ་མང་པོ་ལ་བཤད་དུ་གསོལ། དེ་ནས་བཅོམ་ལྡན་འདས་ཀྱིས་བཀའ་སྩལ་པ། གནམ་ནི་སྟངས། ས་ནི་འབྱལ། ཟླ་བ་ནི་ཕོ། ཉི་མ་ནི་མོ། གནམ་ས་གཉིས་ནི་འབྱོར་ན་རྩི་ཤིང་ཐམས་ཅད་སྐྱེའོ། །ཉི་ཟླ་གཉིས་ཉིན་རེས་ཀྱིས་འཁོར་ན་དུས་བཞི་ཚིགས
214a5 བརྒྱད་མངོན་པར་སྣང་ངོ་། །མེ་ཆུ་གཉིས་ཚོགས་ན་སྐྱེ་བ་ཐམས་ཅད་དུས་བཞིན་དུ་འབྱུང་ངོ་། །ཕོ་མོ་གཉིས་འདུམ་ཞིང་འབྱོར་ན་བུ་ཚ་མཛངས་སུ་སྐྱེའོ། །དགེ་བ་སྤྱོད་ཅིང་མི་ལུས་ཐོབ་པ་ནི་སེན་མོའི་སྟེང་དུ་རྡུལ་ཆགས་པ་དང་འདྲའོ། །མི་དགེ་བ་སྤྱོད་ཅིང་ཡི་དགས
214a6 དང་བྱོལ་སོང་དང་། སེམས་ཅན་དམྱལ་བ་མང་པོར་སྐྱེ་བར་འགྱུར་བ་ནི་ས་གཞི་དང་འདྲ་བར་མང་པོར་འགྱུར་རོ། །གཉེན་བྱེད་པའི་ཚེ་དང་། བུ་བཙའ་བའི་ཚེ་སྣང་བརྒྱད་ལན་གསུམ་བཀླགས་ན་དེའི་དགེ་བའི་རྩ་བ་གཅིག་གིས་གཅིག་བསྐྱེད་ནས་སྲིད་ཀྱི་སྒོ་ནི་མཐོ། མི་ནི
214a7 བཙན། བུ་ཚ་ནི་འཕན་ཞིང་མཛངས་ལ་སྲི་ཞུ་ཆེ། ལེགས་པའི་དཔལ་དང་ལྡན་པར་འགྱུར་རོ། །དེ་ནས་བྱང་ཆུབ་སེམས་དཔའ་འདི་རྣམས་བཞེངས་པའི་མཚན་ལ་བྱང་ཆུབ་སེམས་དཔའ་བླ་ན་མེད་པ་དང་། བྱང་ཆུབ་སེམས་དཔའ་དགེ་བའི་བཤེས་གཉེན་དང་།
214a8 བྱང་ཆུབ་སེམས་དཔའ་སྤྱན་རྣམ་པར་དག་པ་དང་། བྱང་ཆུབ་སེམས་དཔའ་རི་བོའི་དཔལ་དང་། བྱང་ཆུབ་སེམས་དཔའ་སྐྱབས་ཆེན་དང་། བྱང་ཆུབ་སེམས་དཔའ་འཁོར་ལོའི་རྒྱལ་པོ་དང་། བྱང་ཆུབ་སེམས་དཔའ་དྲི་མ་དག་པ་དང་། བྱང་ཆུབ་སེམས་དཔའ་འཐུན
iiif viewer powered by OpenSeadragon
