| e-texts navigator |
| Wylie |
213a1 པ་དང་། གཏུན་དང་རང་ཐག་འཆའ་བ་དང་། རང་ཐག་འཆའ་བ་ཡང་རུང་། བང་མཛོད་དང་ཕྱུགས་ཀྱི་ར་བ་བརྩིག་ཀྱང་རུང་། ཤར་ནུབ་ལྷོ་བྱང་གི་ཕྱོགས་མཚམས་ཀྱི་ལྷ་དང་། གཟའ་དང་། རྒྱུ་སྐར་ངན་པ་དང་། དགྲ་དང་ཞིང་གཡང་དང་། སེར་པོ་གཟིག་གི་མཇུག་མ་འདྲ་བ་དང་། ས
213a2 གཉན་རྣམས་དང་། ས་སྣ་ལྔའི་ལྷ་དང་། འབྲུག་སྔོན་པོ་དང་། སྟག་སྐྱ་བོ་དང་། བྱ་དམར་མོ་དང་། རུ་སྦལ་ནག་པོ་དང་། གབ་རྩེ་དྲུག་གིས་བཀབ་ཅིང་བརྗོད་དུ་མི་རུང་བའི་ལས་ཐམས་ཅད་བྱེད་པ་ཡང་ཐམས་ཅད་གཅོད་པ་དང་། དྲག་པོ་དང་། ལེགས་ཉེས་བྱེད་པ་དང་། གང་བ་དང་། མཉམ་པ་དང་། རྟག་པ
213a3 དང་། གཅིག་ཏུ་འཛིན་པ་དང་། གྱེས་པ་དང་། མཉན་པ་དང་། གྲུབ་པ་དང་། སྡུད་པ་དང་། སའི་བདག་པོ་དང་། ནག་པོ་དང་། ཉེ་ནག་པོ་དང་། ལྷ་དང་། ཀླུ་དང་། འདྲེ་གདོན་ཐམས་ཅད་འབྱོལ་ཞིང་འབྲོས་སོ། །སོ་ནམ་བྱའོ་ཅོག་དང་། ལམ་ཉེ་ཞིང་གར་འགྲོ་ཡང་རུང་། སྣང་བརྒྱད་ལན་གསུམ་བཀླགས་ན་ཡུལ
213a4 བྱེས་གཉིས་སུ་ཉེས་པ་མེད་ཅིང་མྱུར་དུ་འཁོར་ཏེ། བུ་ཚ་ཕ་མ་ལ་སྲི་ཞུ་ཆེ་བ་དང་། ཕྱུག་བཙན་པ་དང་། བདེ་ལེགས་སུ་འགྱུར་རོ། །དགོན་པ་འམ་གཅན་གཟན་གྱི་ནང་དུ་སོང་ན་ཡང་ཀླུ་དང་གཅན་གཟན་རྣམས་འབྱོལ་ཞིང་རང་འབྲོས་སོ་ཁ་མཆུ་དང་བཙོན་དུ་བཟུང་ན་ཡང་མྱུར་དུ་རང་ཐར་རོ། །མེའི་ནང་དུ་སོང་ན་ཡང
213a5 མེས་མི་ཚུགས། ཆུའི་ནང་དུ་སོང་ན་ཡང་ཆུས་མི་ཚུགས་སོ། །མཚོན་དང་དགྲས་མི་ཚུགས་སོ། །དུག་རྣམས་ཀྱང་ཁ་ཟས་བདུད་རྩི་བཞིན་དུ་འགྱུར་ཏེ། དུག་གིས་མི་ཚུགས་སོ། །སྣང་བརྒྱད་ཀྱི་ཡི་གེ་འདི་བུ་ཕོ་མོ་གང་གིས་ཕ་མ་ལ་སྡིག་ཏུ་དོགས་པའི་ཕྱིར་ལན་གསུམ་བཀླགས་ན་ཕ་མ་མནར
213a6 མེད་པ་ལས་ཐར་ཏེ་མཐོ་རིས་སུ་སྐྱེའོ། །སྣང་བརྒྱད་ཀྱི་ཡི་གེ་འདི་གང་ན་གནས་པ་ན་བྱང་ཆུབ་སེམས་དཔའ་བརྒྱད་དང་། ཚངས་པ་དང་། བརྒྱ་བྱིན་དང་རྒྱལ་པོ་ཆེན་པོ་བཞི་དང་ལྷ་དང་། ཀླུ་དང་། གནོད་སྦྱིན་ལ་སོགས་པས་མཆོད་པ་སྣ་ཚོགས་ཀྱིས་བརྒྱན་ཏེ་མཆོད་དོ། །ཆོས་ཀྱི་མདོ་འདི་བཀླགས
213a7 ཤིང་རྒྱས་པར་བཤད་ན་དེ་བཞིན་གཤེགས་པའི་སྐུ་ཡིན་པར་བལྟའོ། །མིག་གིས་གཟུགས་སྣ་ཚོགས་འབྱེད་པའོ། །གཟུགས་ཉིད་སྟོང་པའོ། །སྟོང་པ་ཉིད་གཟུགས་སོ། །རྣ་བས་སྒྲ་སྣ་ཚོགས་ཐོས་པའོ། །སྒྲ་ཉིད་སྟོང་པའོ། །སྟོང་པ་ཉིད་སྒྲའོ། །
213a8 སྣས་དྲི་སྣ་ཚོགས་ཚོར་བའོ། །དྲི་ཉིད་སྟོང་པའོ། །སྟོང་པ་ཉིད་དྲིའོ། །ལྕེས་རོ་སྣ་ཚོགས་འབྱེད་པའོ། །རོ་ཉིད་སྟོང་པའོ། །སྟོང་པ་ཉིད་རོའོ། །ལུས་ཀྱིས་རེག་བྱ་སྣ་ཚོགས་འབྱེད་པའོ། །རེག་བྱ་ཉིད་སྟོང་པའོ། །སྟོང་པ་ཉིད་རེག་བྱའོ། །ཡེ་ཤེས་ནི་སྟོང་པའོ། །
iiif viewer powered by OpenSeadragon
