| e-texts navigator |
| Wylie |
212b1 ཆུང་བ་ནི་མང་། བདེ་སྐྱིད་པ་ནི་ཉུང་། སྡུག་བསྔལ་བ་ནི་མང་། བླ་མའི་བཅས་བཀའ་དང་ནན་ཏུར་ནི་ཕྱིར་ཞིང་ཕྱུང་། འོག་མ་ནི་སྡུག་བསྔལ་བརྒྱད་ལས་ཐར་མི་མྱོང་། ཆོས་མ་ཡིན་པ་ལ་ནི་ཡིན་ཞེས་ཟེར་ཏེ། ལོག་པར་ལྟ་བའི་སླད་དུ་སེམས་ཅན་མང་པོ་ཚེ
212b2 ཐུང་ཞིང་ཡེ་འདྲོག་གིས་འགུམ་པ་དང་། སྡུག་བསྔལ་མང་པོ་ལས་ཐར་བར་བགྱི་ཞིང་ཕོངས་པ་རྣམས་བཟློག་པར་ཅི་གནང་ཞེས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། ཐོགས་པ་མེད་པ་དགེའོ་དགེའོ། །བྱང་ཆུབ
212b3 སེམས་དཔའ་ཁྱོད་ཀྱིས་སེམས་ཅན་མང་པོ་ལ་ཕན་པ་དང་། སྙིང་རྗེའི་ཕྱིར་ཞུས་པ་ངས་བཤད་ཀྱིས་ཉོན་ཅིག་།སྔོན་གྱི་སངས་རྒྱས་མང་པོས་ཀྱང་བཤད་པ་ཡིན་ནོ། །ད་ལྟར་ངས་ཀྱང་བཤད་ཀྱིས་ཉོན་ཅིག་།
212b4 མ་འོངས་པའི་སངས་རྒྱས་རྣམས་ཀྱིས་ཀྱང་བཤད་པའི་རིགས་སོ། །ཡང་སེམས་ཅན་གྱི་ནང་ན་མི་ལས་བཙུན་པ་མེད་དེ། མིའི་ལུས་ཐོབ་ན་ཡང་ལེགས་པའི་དཔལ་ནི་སྤྱོད་མི་ནུས། ཡང་དག་པའི་ལྟ་བ་ལས
212b5 ནི་འགལ། སྒྱུ་དང་ལྷ་མ་ཡིན་ལ་སོགས་པ་ནི་སྡིག་པའི་རྣམ་པ་མང་པོ་བྱས་པས་སྣང་བརྒྱད་འདི་ཡི་དམ་དུ་བྱས་ཏེ་བཏོན་ན། དེའི་སྡིག་པ་དང་མི་དགེ་བའི་ལས་ཐམས་ཅད་ལས་ཐར་བར་འགྱུར་རོ། །ཚེ་འཕེལ
212b6 ཞིང་ཡེ་འདྲོག་གིས་མི་ཚུགས་པར་འགྱུར་ཏེ། ཡོན་ཏན་དང་ལྡན་པར་འགྱུར་རོ། །ཚེ་ཟད་ན་ཡང་དགྲ་བཅོམ་པའི་འབྲས་བུ་ཐོབ་པར་འགྱུར་རོ། །མི་ལ་ལ་ཞིག་ལེགས་པའི་ཆོས་མི་སྤྱོད་པས་ནད་མང་པོ་དང་། ལྟས་ངན་སྣ་ཚོགས་འབྱུང་སྟེ། ཤིན་དུ་སྡུག
212b7 བསྔལ་ཆེ་བ་ལས་དགེ་བའི་བཤེས་གཉེན་དང་ཕྲད་དེ། སྣང་བརྒྱད་འདི་ལན་གསུམ་བཀླགས་ན་ནད་མང་པོ་ཡང་སོས། ལྟས་ངན་སྣ་ཚོགས་ཀྱིས་ཀྱང་མི་སྡིག་གོ། མཚམས་མེད་པ་ལྔའི་སྡིག་པ་ཡང་འབྱང་བར་འགྱུར་རོ། །བྱམས་པ་དང་སྙིང་རྗེ་དང་དགའ་བ་དང་། བཏང་སྙོམས
212b8 དང་། སངས་རྒྱས་ཀྱི་ཆོས་མ་འདྲེས་པ་བཅཝ་བརྒྱད་ཀྱང་ཐོབ་པར་འགྱུར་རོ། །གང་ལ་ལ་ཞིག་ཕོ་སྨོས་མཚུངས་ཏེ། མཁར་ལན་ཞིག་གཡོ་བར་སེམས་ན་སྣང་བརྒྱད་ཀྱི་ཡི་གེ་འདི་ལན་གསུམ་བཀླགས་ན་རྩིག་པ་སློང་བ་དང་། སྒོ་འདོད་པ་དང་། ཁྲོན་པ་རྐོ་བ་དང་། ཐབ་འཛུགས
iiif viewer powered by OpenSeadragon
