| e-texts navigator |
| Wylie |
211a1 འཕགས་པ་སྤྲིན་ཆེན་པོ་རླུང་གི་དཀྱིལ་འཁོར་གྱི་ལེའུ་ཀླུ་ཐམས་ཅད་ཀྱི་སྙིང་པོ་ཞེས་བྱ་བ་ཐེག་པ་ཆེན་པོའི་མདོ། རྫོགས་སྷོ།། །།
211a2 རྒྱ་གར་གྱི་མཁན་པོ་ཛི་ན་མི་ཏྲ་དང་། སུ་རེན་དྲ་བོ་དྷི་དང་། ཞུ་ཆེན་གྱི་ལོ་ཙྪ་བ་བན་དེ་ཡེ་ཤེས་སྡེས་བསྒྱུར་ཅིང་ཞུས་ཏེ་གཏན་ལ་ཕབ་པ།། །། @#། །རྒྱ་གར་སྐད་དུ། ཨཱརྱ་ན་མ་སྭཱི
211a3 ནཱ་ག་རཱ་ཛཱ་པ་རི་པྲིཙྪཱ་ནཱ་མ་དྷཱ་ར་ཎཱི། བོད་སྐད་དུ། འཕགས་པ་ཀླུའི་རྒྱལ་པོ་གཟི་ཅན་གྱིས་ཞུས་པ་ཞེས་བྱ་བའི་གཟུངས། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས
211a4 གཅིག་ན། བཅོམ་ལྡན་འདས་ཡུལ་མ་ག་དྷ་ན། ལུས་འཕགས་རིའི་དབང་པོའི་བྲག་ཕུག་ན་བཞུགས་ཏེ། དེ་ནས་ཀླུའི་རྒྱལ་པོ་གཟི་ཅན་ཁ་དོག་ཤིན་ཏུ་འཕགས་པ་དང་ལྡན་པ་ནམ་སྲོས་པ་དང་། བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ
211a5 ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ལུས་འཕགས་རི་འདི་ན་རིང་པོ་དག་དགེ་སློང་རྣམས་ལ་འཚེ་ན་དེ་ལ་བདག་གིས་ཇི་ལྟར་གནས་པར་བགྱི། དེ་སྐད་ཅེས་གསོལ
211a6 པ་དང་། བཅོམ་ལྡན་འདས་ཀྱིས་ཀླུའི་རྒྱལ་པོ་གཟི་ཅན་ལ་འདི་སྐད་ཅེས་བཀའ་སྩལ་ཏོ། །ཀླུའི་རྒྱལ་པོ་ལེགས་སོ་ལེགས་སོ་འདི་ལྟ་བུར་ཁྱོད་ཀྱི་བྱ་བ་ཡིན་ནོ། །དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ།
211a7 དགེ་སློང་དག་དེའི་ཕྱིར་དུག་དང་། སྨན་ཆེན་པོ་བཅཝ་བརྒྱད་པོ་འདི་དག་གི་མིང་ཟུང་ཤིག་།ཏདྱ་ཐཱ། པཎ་ཌ་རེ། ཀར་ཌེ། ཀེ་ཡཱུ་རེ། བོ་དྷྱང་ག་མ་ཏེ། བིན་དུམ་ཧེ། ཨར་ཌ། ཏ་ར་ཌ། ཏ་རུ་ཌ། ད་ཧ་ད་ཧ་ན། ཨེ་ཏ་ད་ཧ། ཛེ་ལེ་ཛེ་ལ། ཕ་ལེ།
211a8 ཤ་ཏ་ཤ་ཏ། ཀུ་ལེན་ཀུ་ལི། ཨེ་ཀར་ཥི་ཏ་རད་ག་པྲིཥྚི། དགེ་སློང་དག་སུ་ཞིག་དུག་དང་སྨན་ཆེན་པོ་བཅཝ་བརྒྱད་པོ་འདི་དག་གི་མིང་འཛིན་པ་དེའི་ལུས་ལ་རིམས་ཀྱིས་མི་ཚུགས། དུག་དང་། མཚོན་དང་། བྱད་དང་། རོ་ལངས་དང་། ཉིན་གཅིག་པ་དང་།
iiif viewer powered by OpenSeadragon
