| e-texts navigator |
| Wylie |
202b1 གནོད་པ་ཐམས་ཅད་ཟློག་པར་འགྱུར་བ་དང་། ཞི་བ་དང་། བདེ་ལེགས་སུ་འགྱུར་བར་བགྱིད་པ་དང་། རྒྱུ་སྐར་མ་རུངས་པས་བགྱིས་པ་རབ་ཏུ་ཞི་བར་འགྱུར་བ་དང་། བཅོམ་ལྡན་འདས་ཀྱིས་ཆར་པའི་བར་ཆད་ལྔ་གསུངས་པ་གང་ལགས་པ་དེ
202b2 དག་ཐམས་ཅད་སེལ་བར་འགྱུར་བ་དང་། འཛམ་བུའི་གླིང་འདིར་ཆར་པའི་རྒྱུན་ལེགས་པར་འབབ་པར་འགྱུར་བ་དེ་ལྟ་བུའི་གཟུངས་ཀྱི་གསང་སྔགས་ཀྱི་གཞི་རྣམས་བཅོམ་ལྡན་འདས་མཆོག་ཏུ་ཐུགས་རྗེ་དང་ལྡན་པ། སེམས་ཅན་ཐམས་ཅད་ལ་ཕན་པར
202b3 ཐུགས་བརྩེ་བ་དང་ལྡན་པས་བཤད་དུ་གསོལ། བཅོམ་ལྡན་འདས་དེ་བཞིན་གཤེགས་པ་ལ་གསོལ་བ་འཚལ་ལོ། །དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་ཀླུའི་རྒྱལ་པོ་གཡོག་མཐའ་ཡས་རྒྱ་མཚོ་སྤྲིན་བཀོད་པའི་གཟི་བརྗིད་ཀྱི་དཀྱིལ
202b4 འཁོར་གདུགས་ལྟ་བུའི་རྒྱལ་པོ་ལ་འདི་སྐད་ཅེས་བཀའ་སྩལ་ཏོ། །ཀླུའི་བདག་པོ་ཁྱོད་སེམས་ཅན་ཐམས་ཅད་ཀྱི་དོན་དང་ཕན་པ་དང་བདེ་བའི་ཕྱིར་དེ་བཞིན་གཤེགས་པ་ལ་གསོལ་བ་འདེབས་པ་ལེགས་སོ་ལེགས་སོ། །ཀླུའི་བདག་པོ་དེའི་ཕྱིར་ལེགས
202b5 པར་རབ་ཏུ་ཉོན་ལ་ཡིད་ལ་ཟུང་ཤིག་དང་། སྙིང་རྗེ་ཆེན་པོ་ལས་བྱུང་བ་འབྲུག་ཆེན་པོའི་སྒྲ་ཅན་བསྒྱིངས་པ་དཔའ་བོའི་ཏོག་ཅེས་བྱ་བའི་གཟུངས་སེམས་ཅན་ཐམས་ཅད་ཀྱི་དོན་དང་ཕན་པ་དང་བདེ་བའི་ཕྱིར་སངས་རྒྱས་ཐམས་ཅད་ཀྱིས་གསུངས་པ་བྱིན
202b6 གྱིས་བརླབས་པ་རྗེས་སུ་ཡི་རང་བ་བཤད་པར་བྱ་སྟེ། དེ་ནི་ཆར་མེད་པའི་ཚེ་ཆར་འབབ་པར་བྱེད། ཆར་ཆེས་པ་གཅོད། འཆི་བའི་གནོད་པ་རབ་ཏུ་ཞི་བར་བྱེད། ཀླུ་ཐམས་ཅད་སྐུལ་བར་བྱེད། ལྷ་ཐམས་ཅད་སིམ་པར་བྱེད། བདུད་ཐམས་ཅད་རྣམ་པར
202b7 འཇོམས་པར་བྱེད། སེམས་ཅན་ཐམས་ཅད་བདེ་བ་ཐམས་ཅད་དང་ལྡན་པར་བྱེད་དོ། །ཏདྱ་ཐཱ། མ་ཧཱ་ཛྙཱ་ན། ཨ་བ་བྷ་ས་ནི། ཤྲི་ཏེ་ཛོ་ལག་སྨ་དྲི་ཊ་བི་ཀྲ་མ། བཛྲ་སང་ཧ་ཏ་ནེ། པ་ར་མ་པི་རཱ་ཛ། ནིརྨ་ལ་གུ་ཎ་ཀེ། ཏུ་སཱུརྱ་པྲ་བྷེ། བི་མ་ལཱང་ག་ཡཥྚི།
202b8 བྷ་ར་བྷ་ར། སམ་བྷ་ར་སམ་བྷ་ར། དུ་དུམ་བུ། ཧ་ན་ཧ་ན། མ་ཧཱ་པྲ་བྷེ་བི་དྷཱུ་ཏ་མ་ཧཱ་མོ་ཧཱ་ཨ་དྷ་ཀ་རེ། པྲཛྙཱ་གྲ་ཤུད་དྷེ། པ་རི་པཱུ་ར་ཎ་མཻ་ཏྲེ། མཻ་ཏྲི་བི་ར་མ་ན་སྐན་དྷ། མཻ་ཏྲེ་མ་བུད་དྷ་རེ། ཛྭ་ལ་ཛྭ་ལ་ཛྭ་ལ་ཛྭ་ལ་ཛྭ་ལཱམ་བུད་དྷ་རེ། བོ་དྷྱང་ག་རུ་སུ་མེ་ད་ཤ
iiif viewer powered by OpenSeadragon
