| e-texts navigator |
| Wylie |
200b1 ཏདྱ་ཐཱ། དྷཱ་ར་ཎཱི་དྷཱ་ར་ཎཱི། ཨུད་ཏཱ་ར་ནི། སམ་པྲ་ཏིཥྛི་ཏེ། བི་ཛ་ཡ་བརྣ། སཏྱ་པྲ་ཏིད་ཉ་ས་ར་ཧ། ཛྙཱ་ན་བ་ཏི། ཨུད་དེ་པཱ་ད་ནི་བི་ནཱ་མ་ནི། ཨ་བྷི་ཤེ་ཙ་ནི། ཨ་བྷི་བྱཱ་ཧཱ་ར། ཤུ་བྷ་བ་ཏི། ཨ་ཛི་མ་ཏུ། ཨེ་ཧི་ཀུམ་བ་ལ་ནི། བ་ཧ་ཧཱ་ར་ཀླཻ་ཤཱ་ན།
200b2 དྷུ་ན་པཱ་པམ། ཤོ་དྷ་ཡ་མརྒཱ་ན། ནི་ར་ཏི་ཀ་།དྷརྨ་ཏ་ཤུད་དྷ། ལོ་ཀ་བི་ཏི་མི་ར་ར་ཙ་ས། དུཿཁ་ཤ་མ་ན་སརྦ་བུད་དྷ་ཨ་བ་ལོ་ཀ་ན་ཨ་དྷིཥྛཱི་ཏེ། པྲཛྙཱ་ཛྙཱ་ན་བྷེ་སྭཱ་ཧཱ། ཀླུའི་བདག་པོ་གཟུངས་ཀྱི་ཚིག་དོན་ཐམས་ཅད་སྒྲུབ་པར་བྱེད་པ་ཆོས
200b3 ཀྱི་སྐུ་ལ་འཇུག་པ་སངས་རྒྱས་ཐམས་ཅད་ཀྱིས་བྱིན་གྱིས་བརླབས་པ་བདེ་བ་ཐམས་ཅད་སྦྱིན་པ་འདི་དག་གཟུང་བར་བྱ་བརྗོད་པར་བྱའོ། །ཀླུའི་བདག་པོ་གཞན་ཡང་སྤྲིན་གྱི་རིགས་ལས་འབྱུང་བའི་བྱིན་གྱི་བརླབས་བཀོད་པ་གཟི་བརྗིད་ཀྱི་སྙིང་པོ
200b4 སྤྲུལ་པ་སྣང་བར་བྱེད་པ། ཡེ་ཤེས་ཀྱི་ཏོག་གི་ཆུའི་རྒྱུན་གྱི་སྤྲིན་གྱི་དཀྱིལ་འཁོར་དཔལ་དང་ལྡན་པ་གསེར་གྱི་འོད་ཟེར་རྣམ་པར་སྣང་བར་བྱེད་པ། སྐྲའི་རྩེ་མོའི་ཆ་ཤས་གཅིག་ལས་བྱུང་བའི་རུས་དང་རིགས་ཀྱི་དེ་བཞིན་གཤེགས་པ་རྣམས་ཀྱི་མཚན་གཟུང
200b5 བར་བྱ་ཡིད་ལ་བྱའོ། །དེ་དག་གིས་ཀླུ་ཐམས་ཅད་དང་། ཀླུའི་རིགས་ཐམས་ཅད་དང་། ཀླུའི་རུས་ཐམས་ཅད་དང་། ཀླུའི་ཆོ་རིགས་ཐམས་ཅད་དང་། ཀླུའི་འབྱུང་བ་ཐམས་ཅད་དང་། ཀླུའི་སྐྱེ་གནས་ཐམས་ཅད་དང་། ཀླུའི་རྒྱལ་པོ་ཐམས་ཅད་དང་། ཀླུའི་བུ་མོ
200b6 ཐམས་ཅད་དང་། ཀླུའི་གཡོག་ཐམས་ཅད་ཀྱི་ཀླུའི་སྡུག་བསྔལ་ཐམས་ཅད་རྒྱུན་གཅོད་པར་བྱེད་པ་བདེ་བའི་ཡོ་བྱད་ཐམས་ཅད་སྒྲུབ་པར་བྱེད་དོ། །ཀླུའི་བདག་པོ་དེ་ལ་དེ་བཞིན་གཤེགས་པའི་མཚན་དེ་དག་གང་ཞེ་ན། འདི་ལྟ་སྟེ་བཅོམ་ལྡན་འདས་དེ
200b7 བཞིན་གཤེགས་པ་རྣམ་པར་སྣང་མཛད་སྙིང་པོ་ཅན་གྱི་སྤྲིན་ཆེན་པོ་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་ཀླུའི་རིགས་ལས་བྱུང་བའི་སྤྲིན་གྱིས་རྣམ་པར་མཛེས་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས
200b8 པ་སྤྲིན་གྱི་ཆུ་འཛིན་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་དཔལ་ལྡན་སྤྲིན་གྱི་གཟི་བརྗིད་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་སྤྲིན་ཆེན་འབྱུང་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ
iiif viewer powered by OpenSeadragon
