| e-texts navigator |
| Wylie |
195a1 རིན་ཆེན་ཆུ་སྦྱིན་དང་། ཆུ་སྲིན་སྤྲིན་ཆེན་པོ་དང་། དབང་པོའི་འོད་དང་། རྐང་པས་འཐུང་དང་། སྤྲིན་ཟླ་དང་། རྒྱ་མཚོའི་སྤྲིན་དང་། མེ་ཏོག་དྲི་ཆེན་དང་། ཀུ་མུ་དའི་འབྱུང་གནས་དང་། ཀླུའི་རྒྱལ་པོ་རིན་ཆེན་མིག་དང་། ཏོག་ཆེན་པོའི་རྒྱལ
195a2 མཚན་དང་། སྤྲིན་ཆེན་སྙིང་པོ་དང་། ཁ་བ་ཅན་དང་། དཔལ་གྱི་སྙིང་པོ་དང་། སྤྲིན་མཐུ་ཅན་དང་། མཚན་མོ་འཛིན་དང་། ཆུ་སྦྱིན་དང་། ཆུ་སྦྱིན་ཆེན་པོ་དང་། ཀླུའི་རྒྱལ་པོ་གཟི་བརྗིད་མེ་འདྲ་དང་། སྤྲིན་གྱི་དབང་ཕྱུག་རྒྱལ་པོ་དང་། ཁྲོ་མེད་དང་། སའི་བུམ་པ
195a3 དང་། ཀླུ་དཔལ་དང་། ཆུ་འཛིན་དང་། སྤྲིན་གདུགས་དང་། ཨིང་གི་རའི་གདོང་དང་། གཟི་བརྗིད་ཅན་དང་། སྤྲིན་ལས་མངོན་བྱུང་དང་། ཀླུའི་རྒྱལ་པོ་གོམ་སྟབས་མཐའ་ཡས་དང་། ཆ་བྱད་མཛེས་དང་། ལུས་ཆེན་དང་། སྤྱང་ལྟོ་དང་། ཞི་བ་དང་། དཔའ་བ་དང་།
195a4 གསེར་ངད་ཅན་དང་། མཆོག་ཏུ་བརྩོན་དང་། དུག་ཅན་དང་། དབྱངས་སྙན་དང་། ཀླུའི་རྒྱལ་པོ་བདུད་རྩི་སྙིང་པོ་དང་། རབ་ཏུ་ཆར་འབེབས་ཆེན་པོ་དང་། རྣམ་པར་གཡོ་དང་། འཁྲུགས་སྒྲ་དང་། རྔ་སྒྲ་དང་། བདུད་རྩིའི་རྒྱུན་དང་། དགའ་བར་བྱེད་པ་དང་། འབྲུག
195a5 སྒྲོགས་དང་། དཔའ་སྡེ་དང་། སྲེད་མེད་ཀྱི་བུ་དང་། རྒྱ་མཚོའི་ཀློང་དང་། ཀླུའི་རྒྱལ་པོ་ཡོན་པོ་དང་། ཀླུའི་རྒྱལ་པོ་ཆེན་པོ་དེ་དག་ལ་སོགས་པ་ཀླུ་བྱེ་བ་ཁྲག་ཁྲིག་བརྒྱ་སྟོང་ཕྲག་བརྒྱད་བཅུ་རྩ་བཞི་དག་འདུས་ཏེ་འཁོད་པ་དང་ཐབས་གཅིག་ཏུ་བཞུགས་སོ། །དེའི་ཚེ
195a6 ཀླུའི་རྒྱལ་པོ་དེ་དག་འཁོར་དང་བཅས་ཏེ་སྟན་ལས་ལངས་ནས་བླ་གོས་ཕྲག་པ་གཅིག་ཏུ་གཟར་ཏེ། པུས་མོ་གཡས་པའི་ལྷ་ང་ས་ལ་བཙུགས་ནས། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས། བླ་མ་ལ་གུས་པ་དང་། ཕུ་དུད་ཆེན་པོ
195a7 བྱེད་པས། མེ་ཏོག་དང་། བདུག་པ་དང་། སྤོས་དང་། ཕྲེང་བ་དང་། བྱུག་པ་དང་། ཕྱེ་མ་དང་། ན་བཟའ་དང་། གདུགས་དང་། རྒྱལ་མཚན་དང་། བ་དན་དང་། དར་གྱི་ལྡ་ལྡི་དང་། རོལ་མོའི་སྒྲ་དང་། སིལ་སྙན་དང་། ཕེག་རྡོབ་པ་དང་། གླུ་དབྱངས་དང་། རིན་པོ་ཆེའི་མེ་ཏོག
195a8 དང་། རིན་པོ་ཆེའི་ལྡ་ལྡི་དང་། མུ་ཏིག་གི་ཕྲེང་བ་དང་། ཀླུའི་མེ་ཏོག་དང་། མུ་ཏིག་གི་དྲ་བ་མཆོག་ཏུ་མཛེས་པ་རྣམ་པ་སྣ་ཚོགས་དཔག་ཏུ་མེད་པ་གྲངས་མེད་པ་དག་།བཅོམ་ལྡན་འདས་ལ་ཕུལ་ནས་བསྐོར་བ་བྱས་ཏེ་ཕྱོགས་གཅིག་ཏུ་འདུག་གོ། ཕྱོགས
iiif viewer powered by OpenSeadragon
