| e-texts navigator |
| Wylie |
164a1 ལས་དང་། ཡིད་ཀྱི་ལས་ཀྱིས་མི་ཚུགས། དེ་ལ་རིམས་ཉིན་གཅིག་པ་དང་། ཉིན་གཉིས་པ་དང་། ཉིན་གསུམ་པ་དང་། ཉིན་བཞི་པ་དང་། རྟག་པའི་རིམས་དང་། འབྱུང་པོའི་རིམས་དང་། ཡུད་ཙམ་པ་དང་། རླུང་ལས་གྱུར་པ་དང་།
164a2 མཁྲིས་པ་ལས་གྱུར་པ་དང་། བད་ཀན་ལས་གྱུར་པ་དང་། འདུས་པ་ལས་གྱུར་པས་མི་ཚུགས་པར་འགྱུར་རོ། །དེ་ལ་གཟུངས་ཆེན་པོའི་གསང་སྔགས་གཞི་ནི་འདི་རྣམས་ཡིན་ནོ། །ཏདྱ་ཐཱ། ཛ་ལེ། མ་ཧཱ་ཛྭ་ལེ། ཛྭ་ལ་ནེ། མ་ཧཱ་ཛྭ
164a3 ལ་ནེ། ཏ་པ་ནེ། མ་ཧཱ་ཏ་པ་ནེ། ཛྭ་ལི་ཏེ། ཨུ་ག་ཀེ། བུག་གེ། ས~ཾ་བྷ་དེ། མ་ཧཱ་ས~ཾ་བྷ་དེ། ཙཀྲེ། མ་ཧཱ་ཙཀྲེ། བདག་དང་སེམས་ཅན་ཐམས་ཅད་འཇིགས་པ་ཐམས་ཅད་དང་། གནོད་པ་དང་། ནད་འགོ་བ་ཐམས་ཅད་ལས་སྲུངས་ཤིག་སྲུངས
164a4 ཤིག་སྭཱ་ཧཱ། ཀུན་དགའ་བོ་གཟུངས་ཆེན་པོ་གསང་སྔགས་ཀྱི་གཞི་འདི་དག་ནི་ཡང་དག་པར་རྫོགས་པའི་སངས་རྒྱས་བྱེ་བ་ཕྲག་བདུན་བཅུ་རྩ་བདུན་གྱིས་གསུངས་ཏེ། ང་ཡང་ད་ལྟར་འཆད་ཅིང་རྗེས་སུ་ཡིད་རང་ངོ་། །ཀུན་དགའ་བོ་དད
164a5 པའི་རིགས་ཀྱི་བུའམ། རིགས་ཀྱི་བུ་མོ་གང་ལ་ལ་གཟུངས་ཆེན་པོའི་གསང་སྔགས་ཀྱི་གཞི་འདི་དག་འཛིན་ཏམ། འཆང་ངམ། ཀློག་གམ། ཡིད་ལ་བྱེད་དམ། ཀུན་ཆུབ་པར་བྱེད་ན། དེ་ཚེ་རབས་བདུན་གྱི་བར་དུ་ཚེ་རབས་དྲན་པར་འགྱུར་རོ། །
164a6 དེ་བྱང་ཆུབ་ཀྱི་སེམས་ལས་མི་ལྡོག་པར་འགྱུར་རོ། །དེ་ལ་གཟུངས་ཆེན་པོའི་གསང་སྔགས་ཀྱི་གཞི་ནི་འདི་རྣམས་ཡིན་ནོ། །ཏད་ཡ་ཐཱ། ཨན་ཏེ། བན་དྷེ། ཀྵ་མེ། ཀྵ་མ་མེ། དྷཱ་ན་སེ། བ་ད་ནེ། ཨ་ད་ནེ། ཧུ་ལེ། མ་ཧཱ་ཧུ་ལེ། ཏ་ཀ་རེ་ག~ཾ་བྷཱི་རེ།
164a7 དུཥྤུས་ཏེ། བདག་དང་སེམས་ཅན་ཐམས་ཅད་འཇིགས་པ་ཐམས་ཅད་དང་། གནོད་པ་དང་། ནད་འགོ་བ་ཐམས་ཅད་ལས་སྲུངས་ཤིག་སྲུངས་ཤིག་སྭཱ་ཧཱ། ཀུན་དགའ་བོ་གཟུངས་ཆེན་པོའི་གསང་སྔགས་ཀྱི་གཞི་འདི་དག་ནི་ཡང་དག
164a8 པར་རྫོགས་པའི་སངས་རྒྱས་བྱེ་བ་ཕྲག་བརྒྱད་བཅུ་རྩ་བརྒྱད་ཀྱིས་གསུངས་ཏེ། ང་ཡང་ད་ལྟ་ན་འཆད་ཅིང་རྗེས་སུ་ཡི་རང་ངོ་། །ཀུན་དགའ་བོ་དད་པའི་རིགས་ཀྱི་བུའམ། རིགས་ཀྱི་བུ་མོ་གང་ལ་ལ་གཟུངས་ཆེན་པོའི་གསང་སྔགས་ཀྱི་གཞི་འདི
iiif viewer powered by OpenSeadragon
