| e-texts navigator |
| Wylie |
163b1 གོས་ཟིན་ནས་ལྷུང་བཟེད་དང་ཆས་གོས་ཐོགས་ཏེ། བཅོམ་ལྡན་འདས་ག་ལ་བ་དེར་སོང་ནས་ཕྱིན་པ་དང་། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འདུག་གོ། །ཕྱོགས་གཅིག་ཏུ་འདུག
163b2 ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་བཀའ་སྩལ་ཏོ། །ཀུན་དགའ་བོ་ཁྱོད་ཀྱིས་སེམས་ཅན་ཐམས་ཅད་ཀྱི་དོན་དང་། ཕན་པ་དང་། བདེ་བ་དང་། སྟོབས་དང་། གཟི་བརྗིད་ཀྱི་ཕྱིར་གཟུངས
163b3 ཆེན་པོའི་གསང་སྔགས་གཞི་འདི་དག་ཟུང་ཤིག་། ཆོངས་ཤིག་།ལོང་ཤིག་།ལྷོགས་ཤིག་།ཀུན་ཆུབ་པར་གྱིས་ཤིག་།ཡིད་ལ་ཟུང་ཤིག་།དེ་ཅིའི་ཕྱིར་ཞེ་ན། ཀུན་དགའ་བོ་གཟུངས་ཆེན་པོའི་གསང་སྔགས་གཞི་རྣམས
163b4 ནི་རྙེད་པར་དཀའ་ཞིང་། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་འཇིག་རྟེན་དུ་འབྱུང་བ་ཡང་རྙེད་པར་དཀའ་བའི་ཕྱིར་ཏེ། དཔེར་ན་ཨུ་དུམ་བ་རའི་མེ་ཏོག་ལྟ་བུ་ཡིན་གྱིས། ཟུང་ཤིག་།
163b5 ཆོངས་ཤིག་།ལོང་ཤིག་།ལྷོགས་ཤིག་།ཡིད་ལ་ཟུངས་ཤིག་།ཀུན་ཆུབ་པར་གྱིས་ཤིག་།ཀུན་དགའ་བོ་དད་པའི་རིགས་ཀྱི་བུ་འམ། རིགས་ཀྱི་བུ་མོ་གང་ལ་ལ་གཟུངས་ཆེན་པོའི་གསང་སྔགས་ཀྱི་གཞི་འདི་དག་འཆང་ངམ། འཛིན
163b6 ཏམ། ཀློག་གམ། ཡིད་ལ་འཛིན་ཏམ། ཀུན་ཆུབ་པར་བྱེད་ན་དེ་མཚོན་གྱིས་འཆི་བའི་དུས་བྱེད་པར་མི་འགྱུར། དུག་གིས་མ་ཡིན། མེས་མ་ཡིན། ཆུས་མ་ཡིན། རྒྱལ་པོས་ཆད་པས་མ་ཡིན་ཏེ། དུས་མ་ཡིན་པར་འཆི་བའི་དུས
163b7 བྱེད་པར་མི་འགྱུར་རོ། །དེ་ལྷ་དང་། ལྷ་མ་ཡིན་དང་། ཀླུ་དང་། རླུང་ལྷ་དང་། ནམ་མཁའ་ལྡིང་དང་། དྲི་ཟ་དང་། མི་འམ་ཅི་དང་། ལྟོ་འཕྱེ་ཆེན་པོ་དང་། གནོད་སྦྱིན་དང་། སྲིན་པོ་དང་། ཡི་དགས་དང་། ཤ་ཟ་དང་། གྲུལ་བུམ་དང་། སྲུལ་པོ་དང་། ལུས
163b8 སྲུལ་པོ་དང་། འབྱུང་པོ་དང་། རྗེད་བྱེད་དང་། སྨྱོ་བྱེད་དང་། གནོན་པོ་དང་། གྲིབ་གནོན་དང་། གཤེད་བྱེད་དང་། གནོད་བྱེད་དང་། བྱད་ཀྱིས་མི་ཚུགས། དེ་ལ་མི་དང་། མི་མ་ཡིན་པ་རྣམས་ཀྱིས་མི་ཚུགས། དེ་ལ་རིག་པའི་ལས་དང་། ངག་གི
iiif viewer powered by OpenSeadragon
