| e-texts navigator |
| Wylie |
126a1 གི་ནད་དང་། ཕྱུགས་ནད་དང་། དུད་འགྲོའི་སྐྱེ་གནས་རྣམ་པ་མང་པོ་གཞན་དག་གི་ནད་དང་། སྐྱེས་པ་དང་། བུད་མེད་དང་། ཁྱེའུ་དང་། བུ་མོའི་ནད་ཀྱིས་ཀྱང་ནམ་ཡང་མི་ཚུགས་པར་འགྱུར། དུས་མ་ཡིན་པར་འཆི་བས་ཀྱང
126a2 དུས་མ་ཡིན་པར་འཆི་བར་མི་འགྱུར། དུག་གིས་མ་ཡིན། མཚོན་གྱིས་མ་ཡིན་ཞིང་། མེ་དང་ཆུས་ཀྱང་ནམ་ཡང་མི་ཚུགས་པར་འགྱུར། ཕ་རོལ་གྱི་དམག་ཚོགས་ཀྱི་འཇིགས་པས་མ་ཡིན། ལོ་ཉེས་ཀྱི་འཇིགས་པས་ཀྱང་ནམ
126a3 ཡང་མི་ཚུགས་པར་འགྱུར། རྒྱལ་པོ་ཆེན་པོའི་དམག་གི་འཇིགས་པ་ཡང་མི་འབྱུང་བར་འགྱུར་རོ། །རྒྱལ་པོ་ཆེན་པོ་བཞི་ཡང་རྟག་ཏུ་རྒྱུན་མི་འཆད་པར་སྲུང་བར་འགྱུར་རོ། ས་ཕྱོགས་དེར་སྲུང་བར་བྱེད། ཡོངས་སུ་སྐྱོང་བར
126a4 བྱེད་དོ། །གནོད་སྦྱིན་གྱི་སྡེ་དཔོན་ཆེན་པོ་ཉི་ཤུ་རྩ་བརྒྱད་པོ་དེ་དག་ཀྱང་རྟག་ཏུ་རྒྱུན་མི་འཆད་པར་སྲུང་བ་དང་། སྐྱོབ་པ་དང་། སྦེད་པ་བྱེད་པར་འགྱུར་རོ། །རྒྱུ་སྐར་ཉི་ཤུ་རྩ་བརྒྱད་དང་། ཟླ་བ་དང་། ཉི་མ་དང་། མཇུག་རིངས་ཆེན
126a5 པོ་ཡང་ཉིན་མཚན་འཐུན་པར་བྱེད་པར་འགྱུར་རོ། །ཀླུའི་རྒྱལ་པོ་ཐམས་ཅད་ཀྱང་རྟག་ཏུ་རྒྱུན་མི་འཆད་པར་མདངས་མི་འཕྲོག་ཅིང་། ལེགས་པ་ཁོ་ནར་ཆར་གྱི་རྒྱུན་འབེབས་པར་འགྱུར་རོ། །ལྷ་ཐམས་ཅད་ཀྱང
126a6 མཆོད་རྟེན་ཆེན་པོ་དེ་ལ་ཕྱག་འཚལ་བ་དང་། བཀུར་སྟི་བྱ་བ་དང་། མཆོད་པ་བྱ་བའི་ཕྱིར་གནས་སུམ་ཅུ་རྩ་གཉིས་ནས་དུས་གསུམ་དུ་འོང་ངོ་། །ཡུལ་ན་གནས་པ་ཐམས་ཅད་ཀྱང་མཆོད་རྟེན་དང་གཟུགས་བརྙན
126a7 དེའི་དྲུང་དུ་དུས་གསུམ་དུ་འོང་ངོ་། །བསྟོད་པར་བྱེད། བསྐོར་བ་བྱེད་པར་འགྱུར་རོ། །ལྷ་རྣམས་ཀྱི་དབང་པོ་བརྒྱ་བྱིན་ཀྱང་ལྷའི་བུ་མོ་དང་། ལྷའི་ཚོགས་རྣམས་དང་ལྷན་ཅིག་ཏུ་རྒྱུན་མི་འཆད་པར་མཆོད་རྟེན་ནམ་གཟུགས་བརྙན
126a8 དེའི་དྲུང་དུ་ཉིན་མཚན་དུས་གསུམ་དུ་འོང་སྟེ། ཕྱག་འཚལ་བ་དང་། མཆོད་པ་ལ་འོང་ངོ་། །དེ་བཞིན་གཤེགས་པ་ཐམས་ཅད་ཀྱང་རྟག་པར་དགོངས་པ་དང་། བྱིན་གྱིས་རློབ་ཅིང་བཞུགས་སོ། །མཆོད་རྟེན་དང་གཟུགས་བརྙན
iiif viewer powered by OpenSeadragon
