| e-texts navigator |
| Wylie |
125a1 ཀུན་ཏུ་སྤྱོད་པ་དང་། སྡིག་པ་ཅན་དང་། དམྱལ་བ་ལ་གཞོལ་བ་ཤིན་ཏུ་ཚབས་ཆེར་འབྱུང་བར་འགྱུར། སངས་རྒྱས་མ་ཡིན། ཆོས་མ་ཡིན། དགེ་འདུན་ཚོལ་བ་མ་ཡིན་ཞིང་དགེ་བའི་རྩ་བ་དག་ཀྱང་སྐྱེད་པར་མི་བྱེད་དེ། རྒྱུ་དེ
125a2 དང་རྐྱེན་དེས་དམ་པའི་ཆོས་ནུབ་བོ། །ལག་ན་རྡོ་རྗེ་དེའི་ཕྱིར་ངའི་མིག་གཉིས་མཆི་མས་གང་ལ་དེ་བཞིན་གཤེགས་པ་ཐམས་ཅད་ཀྱང་མཆི་མ་བྱུང་ངོ་། །དམ་པའི་ཆོས་ཀྱི་རྣམ་གྲངས་འདི་ལྟ་བུ་ནི་ནུབ་པར་འགྱུར་གྱིས། དེ་བཞིན
125a3 གཤེགས་པའི་མཆོད་རྟེན་ནི་མ་གཏོགས་ཏེ། དེ་ལ་དེ་བཞིན་གཤེགས་པ་ཐམས་ཅད་ཀྱིས་བྱིན་གྱིས་རློབ་པར་འགྱུར་རོ། །དེ་ནས་བཅོམ་ལྡན་འདས་ལ་གནོད་སྦྱིན་གྱི་སྡེ་དཔོན་ཆེན་པོ་ལག་ན་རྡོ་རྗེས་འདི་སྐད་ཅེས་གསོལ་ཏོ། །བཅོམ
125a4 ལྡན་འདས་གང་ཞིག་ཆོས་ཀྱི་རྣམ་གྲངས་འདི་བྲིས་ཏེ། མཆོད་རྟེན་གྱི་ནང་དུ་འཇོག་ན་དགེ་བའི་རྩ་བ་ཅི་ཞིག་སྐྱེ་བར་འགྱུར། བཅོམ་ལྡན་འདས་ཀྱིས་བཀའ་སྩལ་པ། ལག་ན་རྡོ་རྗེ་གང་ཞིག་ཆོས་ཀྱི་རྣམ་གྲངས་འདི་བྲིས་ཏེ། མཆོད
125a5 རྟེན་གྱི་ནང་དུ་བཞག་པ་དེ་དེ་བཞིན་གཤེགས་པ་ཐམས་ཅད་ཀྱི་རྡོ་རྗེའི་སྙིང་པོའི་རིང་བསྲེལ་གྱི་མཆོད་རྟེན་དུ་འགྱུར་རོ། །དེ་བཞིན་གཤེགས་པ་ཐམས་ཅད་ཀྱི་གཟུངས་ཀྱི་སྙིང་པོ་གསང་བས་བྱིན་གྱིས་བརླབས་པའི་མཆོད་རྟེན་དུ
125a6 འགྱུར་རོ། །དེ་བཞིན་གཤེགས་པ་ཏིལ་གྱི་གང་བུ་སྙེད་དགུ་བཅུ་རྩ་དགུའི་མཆོད་རྟེན་དུ་འགྱུར་རོ། །དེ་བཞིན་གཤེགས་པ་ཐམས་ཅད་ཀྱི་གཙུག་ཏོར་དང་། སྤྱན་གྱི་མཆོད་རྟེན་དུ་བྱིན་གྱིས་བརླབས་པར་འགྱུར་རོ། །གང་ཞིག
125a7 སངས་རྒྱས་ཀྱི་གཟུགས་བརྙན་ནམ། མཆོད་རྟེན་ཐམས་ཅད་ཀྱི་ནང་དུ་འཇོག་པར་བྱེད་ན་དེ་བཞིན་གཤེགས་པའི་གཟུགས་བརྙན་རིན་པོ་ཆེ་སྣ་བདུན་གྱི་རང་བཞིན་དུ་བྱིན་གྱིས་བརླབས་པར་འགྱུར་རོ། །འཁོར་ལོའི་ཕྲེང
125a8 བ་དང་། དྲིལ་བུ་གཡེར་ཀ་དྲ་བར་སྦྲེལ་བ་དང་བཅས་པ་དང་། བཀྲ་ཤིས་དང་ཆར་ཁབ་ཀྱི་གཟུགས་དང་དྲིལ་བུར་བཅས་པ་རིན་པོ་ཆེ་སྣ་བདུན་གྱི་རང་བཞིན་དུ་བྱིན་ཀྱིས་བརླབས་པར་འགྱུར་རོ། །དེ་བཞིན་གཤེགས་པ་ཐམས
iiif viewer powered by OpenSeadragon
