| e-texts navigator |
| Wylie |
124a1 རྫོགས་སོ། །བྲམ་ཟེ་ཆེན་པོ་དེ་ཡང་མངོན་བར་ཤེས་པ་ལྔ་ཐོབ་ཅིང་དྲི་མ་དང་བྲལ་བ་དང་། སེར་སྣ་དང་ཕྲག་དོག་དང་བྲལ་བར་གྱུར་ཏོ། །གནོད་སྦྱིན་གྱི་སྡེ་དཔོན་ཆེན་པོ་ལག་ན་རྡོ་རྗེས་ཆོ་འཕྲུལ་ཆེན་པོ་འདི་ལྟ་བུ་མཐོང
124a2 ནས་ངོ་མཚར་དང་རྨད་དུ་བྱུང་བ་ཆེན་པོར་གྱུར་ཏེ། །བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཆོས་ཀྱི་རྣམ་གྲངས་ཀྱི་མཚན་ཐོས་པས་ཀྱང་ཕན་ཡོན་གྱི་ཡོན་ཏན་གྱིས་བརྒྱན་པ་འདི་ལྟ་བུ་ཐོབ་ན། བཅོམ་ལྡན
124a3 འདས་གང་གི་སླད་དུ། ཕུ་དུད་དང་། བཀུར་སྟི་དང་། ཤིན་ཏུ་མང་པོ་བགྱིད་པར་འགྱུར་བལྟ་ཅི་སྨོས་ཏེ། བཅོམ་ལྡན་འདས་དེ་བསོད་ནམས་ཀྱི་ཕུང་པོ་ཇི་ལྟ་བུ་ཡང་མཐོང་བར་འགྱུར། བཅོམ་ལྡན་འདས་ཀྱིས་བཀའ་སྩལ་པ།
124a4 ལག་ན་རྡོ་རྗེ་ཉོན་ཅིག་།རིགས་ཀྱི་བུའམ། རིགས་ཀྱི་བུ་མོའམ། དགེ་སློང་ངམ། དགེ་སློང་མའམ། དགེ་བསྙེན་ནམ། དགེ་བསྙེན་མ་གང་ལ་ལས་ཆོས་ཀྱི་རྣམ་གྲངས་འདི་འདྲི་བར་བྱེད་ན། ལག་ན་རྡོ་རྗེ་དེས་དེ་བཞིན་གཤེགས
124a5 པ་འབུམ་ཕྲག་བྱེ་བ་ཁྲག་ཁྲིག་ཏིལ་གྱི་གང་བུ་སྙེད་དགུ་བཅུ་རྩ་དགུའི་བསོད་ནམས་ཀྱི་ཕུང་པོ་དང་། དགེ་བའི་རྩ་བ་བསྐྱེད་པ་དང་ལྡན་པར་འགྱུར་ཞིང་། དེ་བཞིན་གཤེགས་པ་དེ་རྣམས་ཀྱིས་རྗེས་སུ་བཟུང་བར་འགྱུར་རོ། །
124a6 གང་ཞིག་ཀློག་པར་བྱེད་པ་དེ་དག་ཀྱང་དེ་བཞིན་གཤེགས་པ་རྣམས་ཀྱིས་གསུངས་པའི་མདོ་སྡེ་རྣམས་བཅངས་པར་འགྱུར་རོ། །གང་ཞིག་ཆོས་ཀྱི་རྣམ་གྲངས་འདི་ལྟ་བུ་འཛིན་པ་དེ་དག་ཕྱོགས་བཅུའི་དེ་བཞིན་གཤེགས་པ
124a7 འབུམ་ཕྲག་བྱེ་བ་ཁྲག་ཁྲིག་ཏིལ་གྱི་གང་བུ་སྙེད་དགུ་བཅུ་རྩ་དགུ་དང་ཕྱོགས་རེ་རེའི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱིས་བཟུང་བར་འགྱུར་ཞིང་། ཉིན་གཅིག་བཞིན་གཟིགས
124a8 པར་འགྱུར་རོ། །གང་ཞིག་ཆོས་ཀྱི་རྣམ་གྲངས་འདི་ལ་མཆོད་པ་བྱེད་པ་དང་། ཁོང་དུ་ཆུད་པར་བྱེད་པ་དང་། མེ་ཏོག་དང་། བདུག་པ་དང་། དྲི་དང་། མེ་ཏོག་ཕྲེང་རྒྱུད་དང་། བྱུག་པ་དང་། ན་བཟའ་དང་། རྒྱན་གྱིས་མཆོད་པ་བྱེད་པའི་རིགས་ཀྱི་བུའམ།
iiif viewer powered by OpenSeadragon
