| e-texts navigator |
| Wylie |
194a1 ཀུན་འདུས་ནས། །དམ་པ་འདི་ལ་བསྔགས་པར་མཛད། །སྒྱུ་འཕྲུལ་དྲ་བའི་རྒྱུད་ཆེན་པོ། །ཟབ་མོའི་ལུང་གི་ངེས་དོན་འདི། །རིགས་ཆད་དམན་པའི་གང་ཟག་གིས། །ཐམས་ཅད་ལ
194a2 ནི་མེ་ལོང་ལྟར། །བལྟས་ཀྱང་གཟུགས་བརྙན་མི་སྣང་བས། །སྟོན་པ་གཉིས་ལ་རྒྱབ་ཕྱོགས་ཤིང་། །བརྟགས་པས་ཕྱི་རོལ་ཆོས་ལ་ཞེན། །སློབ་དཔོན་ལ་ནི་བརྙས་བྱེད་དང་། །རྡོ་རྗེ་སྤུན་ལ
194a3 སྡང་སེམས་ཆེ། །ཟབ་མོའི་དོན་ལ་སྐུར་བྱེད་ཅིང་། །གསང་རྒྱུད་དོན་ལ་འཕྱ་བ་དང་། །སེར་སྣ་རང་ཕྱོགས་ཆགས་པ་ཆེ། །དད་དང་དམ་ཚིག་མི་ལྡན་ཞིང་། །རྒྱལ་སྲིད་རིན་ཆེན་མི་གཏོང་བའི། །
194a4 ཕྱི་ནང་གཉིས་ལྟའི་གང་ཟག་ལ། །བསྐལ་པ་ཞིང་གི་རྡུལ་སྙེད་དུ། །ལུས་སེམས་བྲལ་བར་བྱེད་གྱུར་ཀྱང་། །གསང་བའི་གླེགས་བམ་མི་བསྟན་ན། །དབང་དང་དངོས་གྲུབ་ནམས་ཀྱང་མིན། །
194a5 རྨོངས་པས་གལ་ཏེ་བྱིན་ན་ནི། །དེ་ཉིད་མནར་མེད་དམྱལ་བར་ལྟུང་། །དད་དང་དམ་ཚིག་ལྡན་པ་ཡིས། །ཕུན་སུམ་ཚོགས་པ་ཀུན་གཏོང་ཞིང་། །དམ་པའི་ཡོ་བྱད་ལྡན་གྱུར་པས། །ལུས
194a6 དང་སྲོག་ལ་འང་མི་ལྟ་ན། །དམན་པའི་ལོངས་སྤྱོད་ནམས་ཀྱང་མིན། །ཐེག་པ་ཆེ་ལ་མོས་པ་དང་། །བརྟུལ་ཞུགས་སྙིང་བརྩེར་གུས་པར་ལྡན། །རྡོ་རྗེ་སློབ་དཔོན་བསྙེན་བསྐུར་ཞིང་། །
194a7 སྐྱོན་དང་སྤྱོ་བ་ཡོངས་སུ་བཟོད། །བསྐལ་པར་འགྲོགས་ཀྱང་ཡིད་མི་འཁྲུག་།ཉེས་དང་ལེགས་པ་ཅི་ལ་ཡང་། །ངོ་མཚར་སྐྱོ་བའི་འདུ་ཤེས་མེད། །རང་བཞིན་བཟང་དང་ཚུལ་ཤེས་དང་། །
194a8 འགྲོགས་པས་དུག་ནང་མི་སྡང་བའི། །དམ་པ་འདི་ལ་གསང་བ་གཏད། །སློབ་དཔོན་མན་ངག་མི་ལྡན་ཅིང་། །གསང་བའི་དོན་ལ་མ་གོམས་པས། །རང་རྟགས་ལོག་པའི་ཚད་མ་ཡིས། །
iiif viewer powered by OpenSeadragon
