| e-texts navigator |
| Wylie |
193a1 ཐུགས། །ཇི་སྙེད་རིག་པའི་དོན་སྣང་ཞིང་། །མ་ལུས་ཀུན་གྱི་ངོ་བོ་ལ། །སྐྱེ་འཇིག་གཉེན་པོ་གདོད་ནས་སྟོང་། །མི་འགྱུར་རྡོ་རྗེ་ཐུགས་ཞེས་བྱ། །དཔག་མེད་ནམ་མཁའི་ཞིང་ཁམས་དང་། །ཆེ་བའི་ཁྱད་པར་བསྟན་པའི
193a2 གདན། །ཟག་པ་མེད་པའི་རྒྱན་རྣམས་དང་། །ཡེ་ཤེས་འབར་བའི་གཞལ་ཡས་ཁང་། །མཐའ་དབུས་མེད་པར་ཁྱབ་པ་ཡི། །འོད་ཟེར་ཚོགས་ནི་རྣམ་པར་སྣང་། །གཞན་ཡང་ཡོན་ཏན་ཆེན་པོ་ནི། །མཐའ་དབུས་མེད་པའི་ནམ་མཁའ
193a3 ལྟར། །དཔག་ཅིང་གཞལ་བར་མི་ནུས་ཏེ། །ཟག་མེད་ཆེ་བའི་ཡོན་ཏན་སྣང་། །གཞན་ཡང་མཛད་པའི་འཕྲིན་ལས་ནི། །གདུལ་བྱའི་ཡུལ་ནི་ཇི་སྙེད་པ། །མཛད་པའི་སྒོ་ནི་བསམ་ཡས་ཏེ། །མཐའ་ཐུག་མེད་པར་རྣམ་པར་སྣང་། །
193a4 འདི་དག་བསྡུས་པས་བཤད་བྱ་ན། །ཞི་རྒྱས་དབང་དྲག་ལ་སོགས་པས། །མཐའ་ཡས་བཞིས་ནི་རྣམ་པར་བསྡུས། །ལྷུན་གྱིས་གྲུབ་པར་ཀུན་ཀྱང་འགྲུབ། །མདོར་ན་འབྲས་བུའི་རྣམ་གྲངས་ནི། །བསྡུས་ལས་ཉི་ཤུ་རྩ་ལྔར་གནས། །
193a5 རྡོ་རྗེ་སེམས་དཔའ་སྒྱུ་འཕྲུལ་དྲ་བ་གསང་བ་མེ་ལོང་གི་རྒྱུད་ཆེན་པོ་ལས་ལྷུན་གྱིས་གྲུབ་པ་མ་ལུས་པ་བཤད་པའི་ལེའུ་སྟེ། བཅུ་གཉིས་པའོ།། །། དེ་ནས་གསང་བདག་རྡོ་རྗེ་འཛིན། །དཔག་མེད་རྒྱལ་བས་དབང་བསྐུར་བ། །
193a6 གསང་བའི་བདག་པོ་སྔགས་ཀྱི་མཛོད། །གཏེར་འཛིན་རྒྱལ་པོ་སྟོབས་པོ་ཆེ། །རང་གི་ལག་གི་རྡོ་རྗེ་ཉིད། །དགའ་ཞིང་མགུ་བས་གསོར་བྱས་ཏེ། །བྱེ་བ་རྡུལ་སྙེད་བཅས་པ་ཡིས། །རབ་ཏུ་བསྐོར་བ་བྱས་པ་ཡིས། །
193a7 འཇིག་རྟེན་དྲུག་ཏུ་བཅས་པ་དག་།འཁྲུགས་ཤིང་རྣམ་པར་གཡོ་མཛད་དེ། །ཀུན་དུ་རབ་གཡོ་རྣམ་པར་གཡོ། །སྟོང་གསུམ་འཇིག་རྟེན་འཁོར་ཡུག་བཅས། །འོད་དང་སྒྲ་ཡིས་གང་མཛད་དེ། །རྨད་བྱུང་སྐུ་གསུང་ཐུགས
193a8 རྣམས་ཀྱི། །ངོ་མཚར་ཆོ་འཕྲུལ་རྣམ་པར་སྣང་། །ངོ་མཚར་ཆོ་འཕྲུལ་རྨད་བྱུང་གི། ཕྱི་ནང་གསང་བའི་མཆོད་པ་དང་། །འདོད་ཡོན་ལྔ་ཡིས་ཁྱབ་མཛད་དེ། །རྒྱལ་བའི་ཚོགས་ཀུན་མཉེས་པར་བྱས། །ཀུན་ཀྱང་དགའ
iiif viewer powered by OpenSeadragon
