| e-texts navigator |
| Wylie |
192b1 ཐམས་ཅད་ནི། །གཉིས་མེད་ངང་ལ་ཀུན་རྫོགས་པས། །དེ་ཉིད་ཚད་བྲལ་མངའ་བརྙེས་པས། །ལོངས་སྤྱོད་ཡོངས་སུ་རྫོགས་པའི་སྐུ། །སྐུ་གཅིག་ཐིག་ལེའི་ངོ་བོ་ལས། །འཇིག་རྟེན་ཁམས་ནི་ཐམས་ཅད་དུ། །ཇི་ལྟར་འདུལ
192b2 བའི་ཚུལ་བཞིན་དུ། །རྣམ་པར་འཕྲུལ་པ་སྤྲུལ་པའི་སྐུ། །མ་བྱུང་མ་སྐྱེས་དོན་རྟོགས་པས། །མ་ལུས་དབྱེར་མེད་རྡོ་རྗེ་ཉིད། །མི་འཇིགས་གཉེན་པོ་ཀུན་བྲལ་བ། །རྡོ་རྗེ་སྐུ་ཞེས་རྣམ་པར་བསྟན། །གང་དུ་མངོན་པར་བྱང
192b3 ཆུབ་པའི། །འོད་གསལ་ནམ་མཁའི་མཐའ་དབུས་མེད། །སྐུ་བཞི་མཐའ་ཡིས་མ་རེག་པ། །དང་པོ་མངོན་པར་བྱང་ཆུབ་པའོ། །མ་ལུས་དབྱེ་བ་མཐའ་སྤངས་ཤིང་། །དེ་ལྟར་ཀུན་དང་མཉམ་པར་གནས། །དོན་གྱིས
192b4 མ་ལུས་ཁྱབ་འགྱུར་བ། །བརྗོད་མེད་དོན་གྱི་གསུང་ཉིད་དོ། །སྐུ་དང་ཕྱག་རྒྱ་གཟིགས་ཚུལ་གྱིས། །ཏིང་འཛིན་དགོངས་པས་འདུལ་བ་ལ། །བརྗོད་མེད་ཚུལ་གྱིས་གང་སྟོན་པ། །བརྡ་ཡི་གསུང་དུ་རྣམ་པར་བསྟན། །གང་ཡང
192b5 རུང་བ་མཐོང་ཐོས་ཚེ། །དཔའ་བོས་བལྟས་པས་གཡུལ་སེལ་ལྟར། །དངོས་པོས་བྱང་ཆུབ་ནམ་མཁར་རྟོགས། །བྱིན་བརླབས་རྟོགས་པའི་གསུང་ཞེས་བྱ། །གང་གི་དོན་དུ་གང་སྣང་བ། །གཉེན་པོ་བར་ཆད་མི་གནས་ཤིང་། །
192b6 གཞན་དག་ཕམ་བྱེད་མི་ཐུབ་པ། །ཟིལ་གྱིས་གནོན་པའི་གསུང་དུ་བརྗོད། །ཚིག་གཅིག་བརྗོད་པས་ཚིག་མཐའ་ཡས། །མོ+ོས་པ་དེ་སྙེད་རྣམ་གྲོལ་ཅིང་། །ཡོན་ཏན་རྒྱ་མཚོ་ཕུན་སུམ་ཚོགས། །འདི་ནི་བརྗོད་པ་ཚིག་གི་གསུང་། །
192b7 ཇི་སྙེད་མང་པོར་རྣམ་སྤྲོས་ཀྱང་། །ཆོས་ཀྱི་དབྱིངས་ལ་ཁྱད་པར་མེད། །རྟོག་ལ་རྣམ་རྟོག་མཚན་མ་ཡང་། །མི་རྟོག་ཡེ་ཤེས་གྲོལ་བའི་ཐུགས། །གཉིས་མེད་བདེ་བ་ཆེན་པོ་ཡིས། །འདོད་པའི་ལོངས་སྤྱོད་ལྔ་ལ་རོལ། །
192b8 མ་ལུས་བདེ་བར་སྣང་བའི་ཚེ། །འདི་ནི་བདེ་བ་ཆེན་པོའི་ཐུགས། །བདག་གཞན་ཕྱི་ནང་མི་མངའ་ཡང་། །རང་འབྱུང་གཉིས་ཀྱི་ཕྱོགས་བྲལ་བས། །གདུལ་བྱའི་བསམ་པ་ཀུན་མཁྱེན་པས། །འགྲོ་བ་མ་ལུས་བསྒྲལ་བའི
iiif viewer powered by OpenSeadragon
