| e-texts navigator |
| Wylie |
190b1 དངས་མ་ལྔ་འདུས་སྙིང་པོ་ཅན། །གསུམ་འདུས་མི་འགྱུར་སྙིང་པོ་སྟེ། །བདེས་གང་བཞི་བཅུ་རྩ་གཉིས་པོ། །ཐིག་ལེ་རོ་ཡིས་གང་ཕྱེ་བ། །དཔག་མེད་སྐུ་གསུང་ཡོན་ཏན་ཐུགས། །བསམ་གྱིས་མི་ཁྱབ་ཡང་སྣང་བ། །ཐིག་ལེ
190b2 ཕྱག་རྒྱ་བསམ་མི་ཁྱབ། །ཕྱི་ནང་དངས་སྙིགས་མ་ལུས་པ། །རང་བྱུང་དངས་མའི་ཐིག་ལེ་ཉིད། །གཞན་མེད་ཕྱོགས་མེད་རང་སྣང་བ། །ཕྱོགས་མེད་བདེ་བ་ཆེན་པོ་ཉིད། །གསང་བའི་ཐིག་ལེ་ཆེན་པོ་ནི། །ཡོན་ཏན་རྫོགས
190b3 པའི་ངོ་བོ་སྟེ། །བདེ་བ་ཆེན་པོའི་སྙིང་པོ་ལས། །དཔག་མེད་ཡོན་ཏན་རྣམ་པར་འཕྲུལ། །བདེ་བ་ཆེན་པོའི་ཐིག་ལེ་ནི། །འདུ་འཕྲོ་བྲེལ་བས་ཟག་པ་མེད། །ཕྱོགས་རིས་འདས་པས་མ་ཁྱབ་མེད། །ཐོག་མཐའ་མེད་པར
190b4 མཉམ་པ་ཡིན། །རྒྱལ་བ་ཀུན་གྱི་རང་བཞིན་ཏེ། །ཐིག་ལེ་རོ་ལ་མཉམ་བཞུགས་པས། །ནམ་མཁའི་མཐས་གཏུགས་ཆོས་ཐམས་ཅད། །བདེ་བ་ཆེན་པོར་གསལ་བར་མྱོང་། །མཚན་དང་དཔེ་བྱད་ཚད་འདས་པ། །
190b5 རང་ལ་རྫོགས་པའི་ཐིག་ལེ་ཉིད། །ཇི་སྙེད་བདེ་བའི་རོལ་བ་ཀུན། །རང་ལ་རྫོགས་པ་ཉིད་དུ་གནས། །སངས་རྒྱས་ཀུན་གྱི་བདེ་བ་ནི། །རང་བྱུང་ཐིག་ལེ་ཆེན་པོ་སྟེ། །ཱ་ལི་ཀཱ་ལི་ཞུ་བ་ལས། །ནམ་མཁའ་ཁྱབ
190b6 པའི་བདེ་བ་འབྱུང་། །གསང་བའི་ཐིག་ལེ་ཀུན་གྱི་རྒྱུ། །ནམ་མཁའི་ཐིག་ལེ་གསང་བའི་ངང་། །ཁྱབ་པ་ཆེན་པོ་ཕྱོགས་ཆ་མེད། །ལུས་གནས་རང་བཞིན་མ་སྐྱེས་པ། །བདེ་བའི་དབང་ཕྱུག་སྐུ་གསུང་ཐུགས། །
190b7 ནམ་མཁའ་ལྟ་བུར་དཔག་ཏུ་མེད། །ཐབས་དང་ཤེས་རབ་དབྱེར་མེད་པའི། །གསང་བའི་ཐིག་ལེ་བཞུགས་པའི་གནས། །དཔག་མེད་ཏིལ་འབྲུ་རྡུལ་སྙེད་ཀྱི། །རྒྱལ་བ་ཀུན་དང་ལྡན་ཅིག་ཏུ། །མ་ལུས་བདེ་བ་ཆེན
190b8 པོའི་རོ། །ལྷན་ཅིག་སྐྱེས་པའི་རང་བཞིན་གྱིས། །མ་གསུངས་རིག་པས་ཉམས་བཏང་བས། །མི་འཛིན་ལོངས་སྤྱོད་ཆེན་པོའི་གནས། །རང་བྱུང་ཉི་ཟླ་རྟེན་གྱི་རོ། །མ་སྤངས་འདུས་པས་འདུ་འབྲལ་མེད། །གསང་བའི་ཐིག་ལེ་བཅུད་འདུས
iiif viewer powered by OpenSeadragon
