| e-texts navigator |
| Wylie |
190a1 གཅིག་གི་རང་བཞིན་ཏེ། །ཐུགས་རྗེའི་བྱིན་བརླབས་ཚད་མེད་པས། །མ་ལུས་བསམ་པ་སྐོང་བར་མཛད། །རང་བྱུང་ཡེ་ཤེས་ལྷུན་གྲུབ་ནི། །ཆོས་རྣམས་ཀུན་གྱི་ངོ་བོ་བས། །མ་ལུས་ཕྱོགས་མེད་རང་སྣང་ཡང་། །ཞེན་དང
190a2 ཆེད་དུ་བྱས་པ་མེད། །ས་དང་ལམ་ལ་སོགས་པ་ཡི། །ཐེག་པ་ཀུན་གྱི་འབྲས་བུ་ནི། །རང་རང་ལྟོས་པའི་མཐར་ཐུག་ཀྱང་། །ཆེ་མཆོག་ལྷུན་གྲུབ་མཉམ་དང་བྲལ། །སྐད་ཅིག་ཉིད་ལ་ལྷུན་རྫོགས་པའི། །སངས་རྒྱས
190a3 དཔག་མེད་ཡོན་ཏན་རྣམས། །རིགས་བདག་རྡོ་རྗེ་འཆང་ཆེན་གྱིས། །ཡེ་ཤེས་ལྷ་མོ་རོལ་དབང་གིས། །ཉི་ཟླའི་བདེ་བ་མངོན་ཐོབ་སྟེ། །རྡོ་རྗེ་འཆང་གི་ས་ལ་བགོད། །དཔག་མེད་རྒྱལ་བ་ཐམས་ཅད་ཀྱི། །
190a4 འགྲོ་བའི་གདུལ་བྱ་མཐའ་ཡས་པས། །སྐུ་གསུང་ཐུགས་ཀྱང་དེ་བཞིན་ཏེ། །བཞུགས་ཚུལ་དཔག་མེད་རྣམ་པར་སྣང་། །ཆེ་བའི་ཡོན་ཏན་ལྷུན་རྫོགས་པའི། །སངས་རྒྱས་དྲུག་པའི་རང་བཞིན་ཏེ། །ནམ་མཁའི
190a5 མཐས་གཏུགས་མཚན་པ་ཡིས། །བདེ་ཆེན་ཡི་ཤེས་རྒྱས་པར་གནས། །བཅུ་དྲུག་ཞག་གིས་རྫོགས་པ་ལྟར། །མ་ལུས་རྫོགས་པའི་ཡེ་ཤེས་ཉིད། །ས་མཐའི་ཉེས་པ་ཀུན་བྲལ་བ། །ཀུན་གྱི
190a6 ཡོན་ཏན་བདག་ཉིད་གནས། །སངས་རྒྱས་ཞིང་ཁམས་མཐའ་ཡས་པའི། །ནམ་མཁའི་མཐའ་ཐུག་བར་དུ་ནི། །གདུལ་བྱའི་རྡུལ་སྙེད་གནས་ཀྱི་བར། །སྐད་ཅིག་འདུ་འབྲལ་མེད་པར་གནས། །བཅུད་འདུས་ཐིག
190a7 ལེ་ཆེན་པོ་ནི། །བདེ་བའི་ཟག་མེད་ཐིག་ལེ་སྟེ། ། དང་བདེ་བར་འབྲེལ་པ་ཡི། །མ་ལུས་ཁྱབ་པའི་ཚུལ་དུ་བཞུགས། །ཐིག་ལེའི་བྱེ་བྲག་བརྒྱད་ཅུའི་རྩ། །བཅུད་འདུས་གསང་བའི་ཐིག་ལེའི་རོ། །མ་སྐྱེས་མཉམ
190a8 ལ་གནས་འགྱུར་ཞིང་། །མ་ལུས་གང་བའི་ཚུལ་གྱིས་ནི། །ཞིང་ཁམས་ཕྱོགས་བཅུ་མཐའ་ཡས་པ། །ཟག་མེད་ཐིག་ལེར་རོ་གཅིག་པས། །ནམ་མཁའི་གཟུགས་ཅན་དེ་བཞིན་ཉིད། །སྐུ་བཞི་འདུས་པའི་ཁམས་ཐིག་ལེ། །
iiif viewer powered by OpenSeadragon
