| e-texts navigator |
| Wylie |
184a1 དང་པོ་མི་མཐུན་ཞི་བར་བྱ། །དེ་ནས་ཡོན་ཏན་རྒྱས་པར་བྱ། །དེ་ཉིད་དབང་བསྡུ་ལས་ལ་སྦྱར། །གལ་ཏེ་དབང་དུ་མ་གྱུར་ན། །དྲག་པོས་གཟིར་ཏེ་བསྒྲལ་བར་བྱ། །གལ་ཏེ་ལོག་པར་ལྷུང་སྲིད་པས། །འོག་མིན་གནས
184a2 སུ་ཕཊ་ཀྱིས་འཕང་། །ངེས་པར་འགྲུབ་འགྱུར་གདོན་མི་ཟ། །དང་པོར་སྔོན་བྱའི་ལས་ཀྱིས་ནི། །ནུས་དང་མི་ནུས་ཁྱད་པར་བརྟག་།དེ་ནས་ནུས་པ་ཐོབ་པ་སྟེ། །དེ་ནས་བདེ་བའི་རྩལ་ཐོབ་ནས། །ཐོགས་པ་མེད་པའི་འཕྲིན་ལས
184a3 འགྲུབ། །ཟག་མེད་ལམ་ལ་གོམས་སྦྱངས་པས། །ཆོ་འཕྲུལ་བཞི་དང་འཕྲིན་ལས་བཞི། །གདུལ་བྱ་ཞིང་དང་ནུས་མཐུ་དང་། །བྱིན་བརླབས་རྩལ་གིས་ཁྱད་པར་འཕགས། །མཐར་ཕྱིན་སྐུ་ལྔའི་ཞིང་ཐོབ་པས། །མ་རྩལ་ཆུ་དང
184a4 བརླབས་བཞིན་དུ། །དཔག་མེད་ཡོན་ཏན་ངོ་བོའི་ཕྱིར། །ལྷུན་གྱིས་གྲུབ་པའི་འཕྲིན་ལས་ཡིན། །ལས་དང་ཉོན་མོངས་གདུག་པ་དང་། །སྡུག་བསྔལ་རྟོག་པ་ཇི་སྙེད་པ། །ཆོ་ག་ཐབས་དང་ཏིང་འཛིན་གྱིས། །ལྷན་ནེ་ལྷང་ངེར་ཞི་བར
184a5 འགྱུར། །ང་རྒྱལ་རིན་ཆེན་གཟི་བརྗིད་ཀྱིས། །དཔལ་དང་ལོངས་སྤྱོད་འཕེལ་བ་དང་། །ཚེ་དང་ལང་ཚོ་སྟོབས་ལྡན་ཞིང་། །ཡོན་ཏན་ནམ་མཁའི་མཐའ་དང་མཉམ། །འདོད་ཆགས་རྡོ་རྗེ་ཏིང་འཛིན་གྱིས། །བདུད་དང་གདུག་པ་རྒྱལ་པོ
184a6 དང་། །ལྷ་དབང་སྲིན་པོ་མཁའ་འགྲོ་མ། །ཕྱག་ན་རྡོ་རྗེ་འང་དབང་དུ་འགྱུར། །ཞེ་སྡང་རྡོ་རྗེ་ཏིང་འཛིན་གྱིས། །ཆོ་ག་རྫས་དང་སྔགས་ལྡན་པས། །ཆོས་སྐུ་རྡོ་རྗེ་འང་འཇིག་འགྱུར་ན། །གཞན་ལྟ་སྨོས་ཀྱང་ཅི་ཞིག་དགོས། །
184a7 རང་ལུས་བདེ་ཆེན་ཀུན་གྱི་དབྱིངས། །རང་ལུས་ཐིག་ལེའི་ཐབས་མཁས་པས། །སྦྱོར་བ་རླུང་གི་གོམས་སྟོབས་ཅན། །དཀྱིལ་འཁོར་ནང་ལ་གནས་གྱུར་པས། །ཉམས་ཀྱིས་ལས་བཞི་གསལ་གྱུར་ཏེ། །རིམ་པ་ཇི་བཞིན
184a8 འགྱུར་བ་དང་། །རང་གི་མངོན་པར་གསལ་གྱུར་པ། །ནུས་པ་བརྟན་པས་མངོན་དུ་འགྱུར། །གཞན་མིན་འཁོར་ལོ་ཕོ་བྲང་ཉིད། །གནས་དང་འཇུག་དང་གཟུང་བ་དང་། །བསྟིམ་ཞིང་གནས་པ་གང་ཡིན་པ། །དེ་དག་ཉིད་དུ
iiif viewer powered by OpenSeadragon
