| e-texts navigator |
| Wylie |
182b1 ཐིག་ལེའི་ངང་ལ་གནས། །བདེ་བའི་རྟགས་ནི་འབྱུང་འགྱུར་ཏེ། །འདར་དང་རྡུལ་དང་བ་སྤུ་ལྡང་། །སྒྲ་དང་ལུས་བདེ་རྒྱུག་པ་དང་། །དགོད་དང་བརྒྱལ་སོགས་གང་བྱུང་བ། །བརྟན་དང་སྦྱང་བའི་ཆོ་ག་བྱ། །མི་མཐུན་ལོག
182b2 པའི་ཆོས་བརྟགས་ན། །ཐབས་ཀྱི་རིམ་པའི་ཆོ་ག་ཡིས། །གདོན་དང་སྤོས་དང་གནོན་པ་དག་།ཇི་ལྟར་རིགས་པར་བརྟག་པར་བྱ། །རང་ལུས་ཐིག་ལེའི་ཉམས་མྱོང་ལ། །བར་ཆད་མེད་པར་གསལ་འཇུག་པའི། །ཐ་མལ
182b3 ཞེན་པ་བསྒྱུར་བ་དང་། །བདེ་བའི་དབང་ཕྱུག་སྨིན་པ་དང་། །དྲན་རྟོགས་རྒྱུད་སོགས་ཞི་བ་དང་། །བདེ་ཆེན་རྒྱས་པས་ཁྱབ་པ་དང་། །རླུང་དང་བདེ་བའི་རྣལ་འབྱོར་ཀྱིས། །ཐམས་ཅད་དབང་དུ་སྡུད་པ་དང་། །དྲན་རྟོག་ཨ་ཡི
182b4 ངང་དུ་གནས། །འདི་ནི་ནང་གི་རིམ་པ་ཡིན། །དེ་ནས་གསང་བ་བཤད་བྱ་བ། །ཐབས་དང་ཤེས་རབ་འབྲེལ་བ་ལས། །གསང་བའི་ཕྲིན་ལས་བཞིར་འབྱུང་བ། །དཀའ་ཐུབ་ཅན་དང་ཐ་མལ་དང་། །ཐུན་མོང་ལམ་ལས
182b5 བཟློག་ཕྱིར་རོ། །འདོད་ཆགས་ཞེན་ཅིང་དབང་པོ་སྨིན། །ཚད་ལྡན་ཡུམ་དང་བཅས་པ་ཡི། །བདེ་ཆེན་དགོན་པ་ཐིག་ལེའི་གནས། །ཡོན་ཏན་ཁྱད་པར་ཀུན་དུ་རྫོགས། །གཉིས་མེད་འཁྲིལ་པའི་ངོ་བོ་ནི། །བདེ་བ
182b6 ཆེན་པོ་འབྱུང་བའི་གནས། །གསང་བའི་བྷ་ག་རྒྱས་པ་དང་། །ཞི་རྒྱས་དབང་དྲག་ཚུལ་བཞིན་དང་། །ནུས་པ་བྱིན་བརླབས་གང་ལྡན་པ། །གསང་བའི་ཐིག་ལེའི་ཚུལ་ལ་གནས། །པད་མ་གསང་བའི་ཐབ་ཁུང་དུ། །
182b7 གསང་བའི་སྦྱིན་སྲེག་གང་ཕུལ་བ། །ལོ་དང་ཟླ་བ་མ་ཡིན་པར། །མྱུར་དུ་བདེ་ཆེན་ལུས་སུ་གྱུར། །ཐབས་དང་ཤེས་རབ་ལས་བྱུང་བའི། །དངས་སྙིགས་བཅུད་དང་བག་ཆགས་དང་། །ཉི་ཟླ་ཁུ་བར་བཅས་པ་ནི། །
182b8 བདེ་ཆེན་གསང་བ་མཆོད་པའི་རྫས། །གདུང་དང་བདེ་བ་བྲལ་བ་དང་། །ཞེན་རྟོག་དེ་ཉིད་ཆགས་པ་ཡི། །རང་གི་ལིང་ག་དེ་ཉིད་ལ། །གསང་བའི་ཕུར་པ་བཞི་རྫོགས་པ། །གསང་བའི་ཡུལ་ལ་བཏབ་པ་ཡིས། །
iiif viewer powered by OpenSeadragon
