| e-texts navigator |
| Wylie |
181a1 སྐེ་ཚེ་ཕྱེ་གསུམ་མི་ཁྲག་དང་། །མིང་རུས་སྤེལ་མར་བཅས་གཏོར་མས། །བསྒྲལ་བ་དྲག་པོའི་རྫས་སུ་བཤད། །དངུལ་ལམ་དཀར་པོའི་ཤིང་རྣམས་ལ། །མགོ་བོ་རྒྱ་མདུད་རྩེ་ཟླུམ་པོ། །ལོགས་ལ་ཞི་བའི་ལྷ་བཀོད་ལ། །
181a2 དེ་བཞིན་གཤེགས་པར་གསལ་བས་གདབ། །གསེར་རམ་སེར་པོའི་ཤིང་རྣམས་ལ། །མགོ་རྩེ་རྒྱ་མདུད་གྲུ་བཞི་བཅས། །ལོགས་ལ་རྒྱས་པའི་ལྷ་བསྒོམས་ཏེ། །རིན་ཆེན་ང་རྒྱལ་བཅས་པས་གདབ། །ཟངས་སམ་བྱུ་རུ་དམར་ཤིང་རྣམས། །
181a3 མགོ་བོ་རྒྱ་མདུད་རྩེ་ཟླ་གམ། །ལོགས་ལ་དབང་གི་ལྷ་བཀོད་ལ། །ཆགས་པ་རྡོ་རྗེར་གསལ་བས་གདབ། །ལྕགས་སམ་ནག་པོའི་ཤིང་རྣམས་ལ། །མགོ་བོ་རྒྱ་མདུད་རྩེ་ཟུར་གསུམ། །ལོགས་ལ་དྲག་པོའི་ལྷ་བཀོད་དེ། །ཞེ་སྡང
181a4 རྡོ་རྗེར་གསལ་བས་གདབ། །ོཾ་དང་ཏྲ~ཾ་ཧྲི་ཧཱུ~ཾ་ཉིད་ལས། །འབྱུང་ལྔའི་རིམ་པ་གསལ་སྟེངས་སུ། །ེ་བ~ཾ་མ་ཡ་བྷྲུ~ཾ་ལས་བསྐྱེད། །གཞལ་ཡས་ཟླུམ་པོ་གྲུ་བཞི་དང་། །ཟླ་གམ་གྲུ་གསུམ་ཇི་བཞིན་དབྱིབས། ཁ་དོག་རང
181a5 གི་ཚུལ་བཞིན་བསྐྱེད། །རང་རང་ས་བོན་གདན་སྟེངས་ལ། །འོད་བཞི་འཕྲོ་འདུའི་ཆོ་ག་ཡིས། །ལས་བཞི་གཙོ་བོའི་ལས་བཞིན་བསྐྱེད། །འཁོར་ཡང་གཙོ་བོའི་ཆ་འདྲ་བ། །ཕྱག་མཚན་རང་རང་ཐུགས་རྟགས་ལ། །ལས་བཞི
181a6 རྟགས་ཀྱི་མཚན་མ་སྟེ། ཁ་དོག་ལས་ཀྱིས་དབྱེ་བར་བཤད། །དབང་བསྐུར་ལས་བཞི་རིགས་ཀྱིས་བརྒྱན། །ལས་བཞི་འོད་ཀྱི་འཕྲོ་འདུ་ཅན། །ཆོ་གས་གསལ་བར་བསྐྱེད་བྱས་ལ། །སྤྱན་དྲང་བསྟིམ་སོགས་ལས་རྫོགས་བྱ། །
181a7 ལས་དང་ཏིང་འཛིན་བཞི་ཉིད་ཀྱིས། །ལས་བཞི་རྩེ་གཅིག་ཏིང་འཛིན་བྱ། །གང་དུ་དམིགས་པ་རྩེ་གཅིག་པས། །ལས་བཞི་བྱ་བའི་ཆོ་ག་དག་།མ་ལུས་པ་དག་འགྲུབ་འགྱུར་ན། །ཕྲ་མོའི་ལས་རྣམས་སྨོས་ཅི་དགོས། །
181a8 ཤར་ཕྱོགས་སུ་ནི་ཁ་བལྟས་ཏེ། །དང་བའི་ཡིད་ནི་མི་གཡོ་བས། །རྫོགས་པའི་དཀྱིལ་དཀྲུང་ལ་གནས་ཏེ། །མ་རུངས་གདུག་པ་ཞི་བར་བྱ། །ལྷོ་ཕྱོགས་སུ་ནི་ཁ་བལྟས་ཏེ། །དགའ་བའི་འདུ་ཤེས་རྩེ་གཅིག་པས། །རིན་ཆེན
iiif viewer powered by OpenSeadragon
